السلام عليكم ورحمة الله وبركاتة


اخواني اعضاء منتدى البطاله اتمنى منكم مساعدتي فا انا امر مرحله صعبه وحرجه وقلقه

انا قدمت اعتذار لكلية الشريعة والدراسات الاسلاميه بالاحساء والا سباب كتالي :

اولا : انا انسان غير اجتماعي وحساس من اي كلمه وكثير اتعرض للنقد.

ثانيا : عندي شتات في الذهن واجد صعوبه في الفهم والحفظ مع اني كنت في المتوسط والثنويه سريع الحفظ لدرجة اني حفظت مادة النصوص كامله في ليلة الاختبار ما ادري وش سبب هالضعف بعد هالمراحل الدراسيه وهل العادة السرية سبب المشكلة؟

ثالثا : المدينه اللي انا اسكن فيها بعيده عن مقر الكلية انا في الدمام و الكلية بالاحساء وادق سلف كل يوم الساعه 4:30 الفجر و اوصل للكلية الساعه 7 وانا ضروفي ما تساعد اخذ شقه وتعرفون المكافئه 850 ريال حتى ماتساعد حتى في شراء الكتب والمستلزمات


واخيرا : انا مقدم الاعتذار من شهر 4 سنة 1432 هـ والوالد قالي ياولدي انت ما تبي تدرس وانت منت وجه دراسه وعمرك اللحين 23 محد بيوظفك لاتخرجت بيصير عمرك27 وانا والله اني احب الدراسه وخصوصا القسم اللي انا فيه اصول دين وتركي لها ما هو كره للدراسه لاوالله بسبب الضروف اللي ذكرتها في النقطة الاولى المهم الشايب قالي في تسجيل في الحرس الوطني للقطاع الشرقي وانا قدمت فيها وهي برتبة جندي وشرايكم في الوظيفة ؟ هل تستحق اني اترك الجامعه وهل يمديني اني اكمل جامعه والقى لي حلول للمعوقات اللي ذكرتها ؟ للمعلوميه انا اللحين مارحت الجامعه من سنتين 1432 -1434

فا يا اخواني ابي منكم النصح والارشاد وياليت تقرون كل النقاط اللي كتبها لا تتركون نقطه عن نقطه الا افدتوني فيها وانا متوتر وقلقان الدراسه ولا الوظيفة وانا اثق فيك يا اخي اللي بترد علي وبتنصحني وكاني اخوك الصغير