[align=center]
السلام عليكم

موضوعي اليوم عن نفسيتك ايها القارئ ( العاطل حاليا ) وهو مقسم الى ثلاث اقسام

القسم الاول :
( نفسيات العاطلين )

اقص يدي اذا مو انت الحين ( تبحث بكل قوة ) وتحاول يمين يسار انك تتوظف وهذا حقك ولكن .!
ياعيني عليك بعد الوظيفة .. تقلب 180درجة .. اولا / غطرسة ع جماعتك .. ثانيا / خشمك يرتفع ستين بوصه فوق .. ثالثا / تفجر فجور كبير لانك حصلت ع مرادك الاساسي ولا فيه شي يخليك خنوع ذليل لين تحصل عليه مثل الوظيفه ..
اذا كنت احد اصحاب النفسيات اللي فوق فلا تستغرب ( تأخر وظيفتك ) لان نيتك غير صالحه

القسم الثاني :
( غشغشه واخرتها تبي )

بعض الطلاب هداهم الله ياخذ هالجامعه بالغش والتسليك والتشبيك لين يحصل البكالوريوس واخرتها يتباكى يدور وظيفة .. اخوي اسمحلي بس اقسم بالله انك ماتستحق الوظيفه ولا حتى خوي بالاماره .! خاصة طلاب الانجليزي تحصله ماخذها بالغش ولما يوضع امام الامر الواقع يبرطم ويتعقد .! وغالبية خريجي الانجليزي يطلبون التدريس بقرى عشان يطيحون بطلاب قرويين ويضحكون عليهم ولا ينحرجون امام الطلاب الكثر بالمدارس الكبيره .!
اخوي بالله عليك ماتخاف ربك يوم تواجهه ويسألك عن هالضعوف ؟ وين الامانه يابن الناس ؟


القسم الثالث :
( يبي فلوس وامانته الله بالخير )

اخوي المقدم ع جداره تعليمي .. هل فحصت امانتك قبل كل شي؟ ولا بس تبي فلوس وتضيع شباب المستقبل؟ يالحبيب ترى لو تاخذ عشرين الف وفيه طالب واحد بالفصل مافهم عليك ولا حرصت تفهمه مايتبارك الراتب .! ماتشوف اغلب المتهلسين من المدرسين بالرغم انهم اكثر رواتب؟ اخوي المسألة لاتقيسها ع راتب .. قسها ع امانتك .. هل انت تقدر تكون امين وهل انت اصلا فاهم تخصصك زين حتى يسهلك عليك حمل الامانه ؟ معليش اذا انت من ربع الغشغشه او التشبيك ماتصلح للتدريس ترى .. رح دورلك شي مافيه امانه ثقيله .. ترى التدريس اكثر وظيفه تحملك امانه .! انتبه الله يصلحك .!


خلاصة ( اطالب باختبارات تبين الناجح من الجامعات السعوديه .. نوعية نجاحه هل هي صحيحه ام شابها بعض الامور الغير اخلاقيه .. يعني مثلا تحصل طالب معدله 4 من 5 وهو مو فالح بشي والسبب تشبيكه للدكاتره .. بينما طالب اخر معدله 3 وفاهم تخصصه اكثر من اخونا ذاك .. الاحق بالتوظيف اللي فاهم تخصصه وليس اللي معدله اعلى < معادلة يجب ان تدخل في ميزان التعيين بوزارة الخدعه والجهات المختصه بالتوظيف)..



اشوفكم ع خير
الله يرزقنا واياكم خيري الدنيا والاخره ..
[/align]

الغش حرام تحت اي ظروف
ولكن يارجل هي واقفه علينا
وش رايك بملك دولة ( السلفادور ) وهو لايكتب ولا يقرأ
وش رايك بوزراء بدون شهاده او بشهاده بفلوس ؟
يابن الحلال الدنيا كلها ماشيه بالمقلوب ياتمشي معهم يا تاكلها

بالتوفيق لك وللجميع

يا أخ مقتاح العطالة مرض متفشي بين الامين والخائن، المجتهد والكسول، الطموح و اللي يبي يفطر ويوقع ويصلي للظهر ويرجع ينام


المعيار الجيد من هو وسيطك..


العطالة أتعبتني واكثر ما أتعبني هو جهدي طوال السنين حتى حصلت على شهاده عليا وشهادات ومهارات اخرى ولازلت أجرجر واسحب أوراقي كأني متسولة... ما هكذا يكافئ طالب العلم

والله في الحلق غصه وفي القلب حرقة لا والله لست محتاجة ماديا والحمد الله ولكن والله حزناً على حالي وعلى طموحي وعندما أرى من هم اقل مني علما وثقافة وقد اعتلن المناصب .. سحقاً للواسطات... ووالله اني لاحاجج كل شخص ضيع الأمانة و اعط الحق لغير آهلة أمام الله يوم تلتقي الخصوم...

ياكثر اللي من القسم الأول،
وإعوذ بالله من الكِـبر من رزقك قادر بأنه يزيل النعمة منك .

مشكورين يالغالين

مشكورين

والله بالنسبه لي مليت من العطاله صارلي 6 سنوات اللحين من تقديم في تقديم اخوياي اللي كانو يدرسون معي تزوجو وعيالهم معم وانا للحين اطارد ورا الوضيفه مشكلتي م عندي واسطه على باب الله ادري ردي ماله دخل بالموضوع بس من حر مافيني
الله يكتب لنا اللي فيه خير ويرزقني ويرزق كل عاطل يحلم بالوضيفه والمستقبل
تحياتي لك اخوي

بأختصار تماديهم

لانكم ساكتين

.. ^_*