سلام عليكم


اخواني ابيكم تشرحون لي جدارة متى يكون الفرز تخصصي ادارة عامة وتقديري جيد مرتفع خريج شهر 3/1434 خويي له سنه ونص وتخصصه كيمياء ومعدله 3.45 ولاتوظف اجل انا رحت فيها موب تشاؤوم بس احس اني مطول وش الحل والتحديث كل شهر ولاعند احتياج الوظائف الادارية وكيف اعرف انه هنالك احتياج للادارة او طرح وظائف ادارية موب صارت جدارة حافز لازم احدث كل شهر .. وبخصوص المعدل او النقاط مالفائده منها .


عشان الكل يستفيد

عادي ولد خالتي 3 سنوات تخصصه عربي ولا توظف بس استدعته جداره يطابق وبعدها سحبو عليه
بس اتوقع الشباب مايطولون مثل البنات لان البنات فيه خريجات من 20 سنه و15 سنه ولا تعيينو

لكن اذا كنت مقدم على تعليمي لازم اجتياز قياس اذا اداري لا مو لازم

سجل بجداره حط الجميع وريح راسك والنقاط فيه موضوع مثبت بالقسم لحساب النقاط

تابع الخنين على تويتر بخصوص الوظائف التعليمية (تخصصك فيه تدريس) +اختبر كفايات معلمين

وقت الإعلان عن مفاضلة ادخل وحدث حسب مناطق الاحتايج.


https://twitter.com/A_khoneen

الرزق بيد الله سبحانه.

اخو صديقتي تخصوصو زيك
و تخرج السنة اللى راحت في رجب
و طلع اسمو للمطابقة قبل كم اسبوع

خليك متفاؤل

الحين في المدارس ماده اسمها اداره ؟؟؟
طيب اللي تتخرج ادارة اعمال في مجال تدرس

وبالتوفيق للي يسأل وان شا الله الاعضاء مايقصرون معاك

الماده حسب نظام المقررات الجديد
أسمها علوم أداريه
يدرسونها التخصصات (أدارة أعمال + علوم أداريه)
تشترط أجتياز اختبار كفايات المعلمين
هذا بخصوص التعليمي


أما المجال الغير تعليمي (الأداري)
ماعليه قياس


ويفضل تختار الجميع (تعليمي + غير تعليمي )


والرزق بيد الرزاق سبحانه
أستجلب رزقك بكثرة الأستغفار
وتوكل على الله .

طيب يا اخوان الي بيقدم ع الوظائف الاداريه في المدارس كم لازم تكون نقااطه....تقريبا

واعتذر من صاحب الموضوع

الوظائف الادارية بالمدارس كانت مكرمة ملكيه وانتهت ،،

اذا توظفت اداري بالمرتبه السادسه بيحطونك في اي دائره حكوميه.

مشكلتي انه راح علي اختبار كفايات وهذا اخر ترم و معدلي طيب فكرت اقدم اداري ثم اختبر قياس واحول تعليمي

بس والله مدري وش السالفه!