سلام عليكم
انا موظف جديد في شركة بن لادن لكن ماعندي حساب بنكي
هل يسلموني الراتب كاش او عن طريق شيكات اول شهرين
او لازم افتح حساب ؟
واذا بفتح حساب لازم اخذ خطاب تعريف من الادارة ؟

الله يوفقك بالوظيفة
بالنسبة لفتح الحساب...أفضل لك عن طريق النت وأكنب أنك متسبب...ما يشترطون وظيفة ولا مبلغ
أكثر البنوك تفتح حساب عن طريق النت

كن مع الله ولا تباالي

والله شوف يا الغالي انا شغال في احدا شركات القطاع الخاص وشغلتي اداري واسوي خطابات موجهه للبنوك للموظفين الجدد
وشركتنا متعاقدة معا البنك الاهلي بحيث ان رواتبنا على البنك الاهلي
والنظام هو كالتالي:
تطلب خطاب موجهه للبنك
وتقدم طلب فتح حساب من خلال موقع البنك وتطبع الصفحه الي تجيك في نهاية التسجيل
وتاخذ الخطاب
وورقة تقديم الطلب عبر النت
وصورة من بطاقة الاحوال اضافة الى ان بطاقة الاحوال الاصل تكون معاك
وتروح البنك هناك يسوون لك الاجرائات يمكن تنتهي بوقتها ويمكن يقولون لك تعال بعدين (حسب الفرع)
وبعد مايفتحون لك الحساب بيعطونك ورقة فيها رقم حسابك واسمك وبياناتك
ترجع بالورقة هذي على شركتك عشان يعتمدون لك الحساب هذا ويصيرون ينزلون لك الراتب عليه

اتمنى اني اكون افدتك

السلام عليكم

اذا انت موظف .... عادي رح اي بنك وافتح لك حساب جاري
واذا خلصت ارجع لقسم شوون الموظفين في شركتك واعطهم
رقم حسابك البنكي عشان ينزل راتبك... وانتهينا شغلت يوم هي

تبي بنك فاضي ما عنده احد وتخلص بسرعه

بنك البلاد .... مافيه زحمه
بنك الانماء .... مافيه زحمه
بنك العربي .... مافيه زحمه واغلبية اللي يروحون له متقاعدين بس عادي يفتح لك حساب
بنك الرياض .... معملته حلوه مره و الزحمه معقوله

و شركتك اكيد يعطونك شيكات الين ما تعطيهم حسابك

ولا تسوي امورك الماليه من النت ابدا ابدا ابدا