اسئل ونحن نجيب ( خاص وزارة العمل والنظام الجديد )

ابي اي اسم · #**661** (**permalink**) 28-07-2013, 04:49 AM

اقتباس:

المشاركة الأصلية كتبت بواسطة كوندالي

نقلت 3 عمال باقي الرابع والاخير

طلبت نقل العامل الرابع عن طريق النت والكفيل القديم وافق عن طريق النت لكن اختلفت مع العامل وقررت اني ماأنقله

رحت لمكتب العمل أبغى ألغي النقل لكن قال لي الموظف ماتقدر تلغي النقل الا بعد 3 أشهر لأن الكفيل القديم وافق عليه بالنت

السؤال :

هل أستطيع أن أنقل أي عامل اخر خلال هذه الايام أو أنتظر 3 أشهر ؟

حسب النظام اللي صدر مع تمديد الفتره انك النقل مفتوووووح

مهندس ملازم فهد · #**662** (**permalink**) 28-07-2013, 04:52 AM

السلام عليكم ورحمة الله ,,,
الله يجزاك خير والله يرحم ابوك ويدخله فسيح جناته

انا في حيرة من امري لان كل ما أسال شخص يعطيني فتوى من كيسه

ابغى افتح محل باسم زوجتي (كفتريا) وبجيب فيها من عاملين الى ثلاث عمال ,,, هل لازم اوظف سعودي ,,, ولا خلاص زوجتي كافية الى حد اقصى 9 عمال اقدر اجيب ,,,,

بعضهم يقولون لازم توظف سعودي ,,, والبعض يقول لا صاحب المنشأة ممكن يتوظف في منشأته ,,,

شاكر ومقدر لك اخي العزيز

ابي اي اسم · #**663** (**permalink**) 28-07-2013, 05:41 AM

اقتباس:

المشاركة الأصلية كتبت بواسطة مغآط

الله يجزاك خير ويصلح لك ذريتك ويبارك فيك.....

سؤالي نقل السجل التجاري ورخصة البلديه من شخص لشخص آخر،،

ماهي الاجراءات المطلوبه لذلك وهل يتم دفع الرسوم كامله؟

عزيزي هذه اجراءات خاصه بالتجاره والبلديه
ولا اعرف بالضبط
تمنيت ان اخدمك

ابي اي اسم · #**664** (**permalink**) 28-07-2013, 05:44 AM

اقتباس:

المشاركة الأصلية كتبت بواسطة مغآط

وبعد اذنك سؤال اخير

اذا عقد الايجار باقي فيه سنتين ،،، كيف انقله لاسم اخر بدون حضور صاحب العقار؟

ايضا كذالك عقد الايجار. ولا يوجد لدي معلومه

ابي اي اسم · #**665** (**permalink**) 28-07-2013, 05:45 AM

اقتباس:

المشاركة الأصلية كتبت بواسطة ksa_505

لدي سجل تجاري فرعي وليس لديه عليه عمال هل الاستقدام الان مفتوح ومسموح للفرعي

نعم عزيزي بس لابد من رخصه وسعوده علر السجل الفرع الا اذا النشاط واحد

ابي اي اسم · #**666** (**permalink**) 28-07-2013, 05:47 AM

اقتباس:

المشاركة الأصلية كتبت بواسطة فرحان خالد

يعطيك العافيه

ابي افتح بوفيه وما اعرف وش المطلوب من ناحية استقدام عامل هل يحتاج سجل او وش الوضع بالضبط

سجل ورخصه وفتح ملف في مكتب العمل والاشتراك في التامينات

اقراء موضوعنا هذا من الاول راح تستفيد

ابي اي اسم · #**667** (**permalink**) 28-07-2013, 05:53 AM

اقتباس:

المشاركة الأصلية كتبت بواسطة سلطان غرم

السلام عليكم ورحمة اللهبارك الله فيك اخوي على ماتقدمه لاخوانك من خدمات
أنا عندي مؤسسة مقاولات لها أكثر من ثلاث سنوات نطاق المؤسسة أبيض كان عندي عاملين فقط والآن سفرت واحد نهائي وصار عندي عامل واحد فقط على المؤسسة السؤال الآن ابي عمال كم عامل يعطوني أقصى حد ووش المهن ؟
سؤالي الثاني طال عمرك عندي رخصة بناء لها عندي أكثر من سنتين مساحة البناء تقريبآ 480 يعطوني عليها عامل والا انتهت ؟

اذا لم يتم الاستقدام علي الرخصه يعطونك 2تاسيس
بس اللي واضح لي انك سبق وان اخذت التاسيس

والشي الاخر يجب جمع فسوح كثيره لا تقل عن سنه مدتها
وفي حالة تجاوز الفسح سنه يرسلون خطاب للبلديه التابع لها الفسح لكي ينظرون
اذا الفيلا انتهت من البناء ام لا
اذا ردت البلديه بان الفيلا انتهت ماتسفيد شي
وبعدين يحسبون لك كل الف متر مربع مسطح البناء الاجمالي المذكور في الفسح
بعدد واحد عامل تختار المهنه اللي تريد انت

والافضل انك تنقل الان من المجودين اذا اتفقت معهم

اذا لك سوال اخر ابشر

سلطان غرم · #**668** (**permalink**) 28-07-2013, 06:00 AM

اقتباس:

المشاركة الأصلية كتبت بواسطة ابي اي اسم

اذا لم يتم الاستقدام علي الرخصه يعطونك 2تاسيس
بس اللي واضح لي انك سبق وان اخذت التاسيس

والشي الاخر يجب جمع فسوح كثيره لا تقل عن سنه مدتها
وفي حالة تجاوز الفسح سنه يرسلون خطاب للبلديه التابع لها الفسح لكي ينظرون
اذا الفيلا انتهت من البناء ام لا
اذا ردت البلديه بان الفيلا انتهت ماتسفيد شي
وبعدين يحسبون لك كل الف متر مربع مسطح البناء الاجمالي المذكور في الفسح
بعدد واحد عامل تختار المهنه اللي تريد انت

والافضل انك تنقل الان من المجودين اذا اتفقت معهم

اذا لك سوال اخر ابشر

الله يجزاك خير بخصوص التأسيس أخذت اثنين عمال وسفرت واحد نهائي قبل اسبوعين هل يعطوني بداله ؟
نطاق المؤسسة ابيض وش معناه ؟
وهل المخالفات المرورية لازم تسدد عند الاستقدام ؟
وشكرا لك

ابي اي اسم · #**669** (**permalink**) 28-07-2013, 06:01 AM

اقتباس:

المشاركة الأصلية كتبت بواسطة بو جهز

السلام عليكم

انا سأتك قبل تمديد المهلة عن نقل عامل و لم يكن هناك ملف في مكتب العمل و كان النظام يمنع ذلك..

الآن ابغى انقل كفالة عامل (سائق خاص) الى (فني صيانة جوالات) و المحل بإسم الزوجة

ماهي الإجراءات اللازمة من فضلك لأن مكتب العمل يبعد عن مكان السكن 150 كيلو

طبعاً استخرجت ( رخصة محل من البلدية - سجل تجاري - زكاة و دخل )

1- أرجوا منك ذكر المتطلبات الناقصة ؟

2- متى يكون التسجيل في التأمينات و ماهي الفترة اللتي انتظرهآ لكي يتم التسجيل في التأمينات و هل هناك رسوم تدفع للتأمينات ؟

و الله يجزاك خير على ماتقدمه

تمنيت انك قراءت الموضوع من البدايه
علي العموم
تاخذ معك عقد الايجار والسجل والرخصه والزكاة وصورة دفتر العايله مع الاصل وملف وتصور كل الاوراق وختم ووكاله من الحرمه لك فيها.
فتح ملف في مكتب العمل والاشتراك بالتامينات واستخراج التاشيرات وكل شي

تتجه الي مكتب العمل تفتح ملف. واذا اعطوك رقم الملف تروح ع الانترنت وتدخل موقع التامينات ويكون الجهاز
فيه طابعه لاجل تطبع اخر ورقع بعد ما تسجل في التامينات اون لاين. ثم تروح ع التامينات
تفعل الاشتراك
وبعد ما ينزل الحرمه في مكتب العمل تقدر تنقل كفاله الساءق الخاص

علما ان الحرمه تنزل في مكتب العمل تلقايي بدون ما تسجلها ولاياخذون عليك رسوم
بعد اسبوعين من التسجيل

ياليت تقراء الموضوع من اول لاجل تسفيد بقوه
بالتوفيق

ابي اي اسم · #**670** (**permalink**) 28-07-2013, 06:08 AM

اقتباس:

المشاركة الأصلية كتبت بواسطة مشاري الاول

الله يعطيك العافيه

الي فهمته أني اطلع سجل تجاري للمغسله و اطلع سجل فرعي للتاجير؟ هذا قصدك؟

1. اذا سويت كذا هل لازم اسم محل التأجير يكون نفس المغسله؟

2. ايش الفرق اذا طلعت سجلين تجاريين مختلفين عن اذا طلعت سجل تجاري و سجل فرعي؟

3. هل الاسم في السجل التجاري لازم يكون نفس الي على لوحه المحل؟ هل اقدر اخلي السجل التجاري مثلا باسم مؤسسه المعرفة التجارية و اخلي النشاط غسيل ملابس و اسم المحل يكون مغسله الثوب الأنيق؟

تقبل الله صيامكم و قيامكم

1---مو شرط بس التجاره اتوقع تاخذ رسوم علي الاسم. ممكن تفتح سجلات بكل اسم لوحده انت حر بس انتبه عندك سعوده وشغله علي كل سجل مستقل
2--- الافضل سجل واحد اذا النشاط واحد كثرة السجلات متعبه وقليل الفائده منها
3--- نعم لابد يكون نفسه وشرحت لك في رقم واحد

اسئل ونحن نجيب ( خاص وزارة العمل والنظام الجديد )

قسم مشاريع وأفكار

احبتي اطرح هذا الموضوع للاجابه على استفساراتكم وما يخص نظام العمل الجديد واتمنى من الله ان اوفق في الاجابه على اسئلتكم

اسئل ونحن نجيب ( خاص وزارة العمل والنظام الجديد )

تسجيل الدخول

اسئل ونحن نجيب ( خاص وزارة العمل والنظام الجديد )

قسم مشاريع وأفكار

احبتي اطرح هذا الموضوع للاجابه على استفساراتكم وما يخص نظام العمل الجديد واتمنى من الله ان اوفق في الاجابه على اسئلتكم

اسئل ونحن نجيب ( خاص وزارة العمل والنظام الجديد )