اسئل ونحن نجيب ( خاص وزارة العمل والنظام الجديد )

ابي اي اسم · #**251** (**permalink**) 07-06-2013, 07:33 PM

اقتباس:

المشاركة الأصلية كتبت بواسطة كاش وبقوة

الله يبشرك بالخير يعني اقدر انقلهم!!!!

معي خطاب التنازل من الكفيل الاول موقع ومختوم من الجوازات ورخصة المحل جديدة زي اللوز وصورة الاقامة وصورة الجواز وختم المحل ومعي اصول الجواز والاقامة هل اموري تمام ولا ناقصني اوراق؟؟؟

ابصبحهم السبت ان شاءالله واغسلهم غسل ،،كل ماجيتهم قالوا انت وش بك ياخي قلنا لك اقامة السائق الخاص سارية اذا انتهت تعال ويطلعوني التعميم اللي ذكرته لك المشكلة مديرهم يقول لنا حنا مجموعة يجي لنا خمسة يقول هو لازم النظام ينطبق عليكم مهوب لازم،،

بس ابتوكل على الله السبت واحرج عليهم...انا تبع مكتب عمل الدوادمي

وجزاك الله خير

اخووووووووووووي لا تغسل احد

انت المنشاءه عندك جديده يعني ملفك جديد ما راح ينقلون السائق عليها
اذا ملفك في مكتب العمل افتتح قبل 25/5/1434 وعددد العماله اقل من 9
يمكن نقل 4 فقط بحيث لا يتجاوز العدد الاجمالي 9
اذا عمالتك اكثر من 10 النقل مفتوح

http://www.mol.gov.sa/Campaign/Corre...nouncement.htm
اطلع على هذا الاحطام العام
يسمح للعمالة المنزلية النظاميه نقل خدماتهم إلى منشآت القطاع الخاص بموافقة صاحب العمل الحالي، ويتم هذا الإجراء من خلال مكاتب العمل حسب الضوابط الواردة في البند رقم 5 من ضوابط الحملة التصحيحية.

ابي اي اسم · #**252** (**permalink**) 07-06-2013, 07:34 PM

اقتباس:

المشاركة الأصلية كتبت بواسطة تجارة شطارة

السلام عليكم
اخي العزيز: يوجد لدي شخص يرغب في فتح محل خياطة نسائي باسم والدته ويريد يستفسر هل هناك ارتباط بين السجل التجاري وراتب الضمان للوالدة
بمعنى آخر فتح سجل تجاري باسم والدته الأرملة هل يؤثر على مرتبها في الضمان الاجتماعي من حرمان أو نقصان أم لايؤثر؟
أرجو الإفادة و لك جزيل الشكر والتقدير،،،
كل التوفيق يارب.

اللي على الضمان لا تجيهم ولا تقربهم

ما يصدون يلقون شي على الضعيف ينتفونه

ابي اي اسم · #**253** (**permalink**) 07-06-2013, 07:37 PM

اقتباس:

المشاركة الأصلية كتبت بواسطة loyl man

السلام عليكم..... سؤال

الحين إذا ألبوفيه باسمي ،، وسجلت نفسي موظف سعودي في نفس ألبوفيه... يصير كذا ما احتاج دفع ال600 ريال للتأمينات ؟؟؟ صح؟؟

اولا صح

ثانيا ما يحتاج انت تسجل اسم اذا المنشاءه باسمك
هو ينزل تلقائيا لا يكون احد يستخدم اسمك

ابي اي اسم · #**254** (**permalink**) 07-06-2013, 07:43 PM

اقتباس:

المشاركة الأصلية كتبت بواسطة هارب من البطالة

[align=justify]مرحباااااا أخووووي
يعطيك العافية على جهودك وبارك الله فيك

عندي كم أستفسار الحقني قبل فترة التصحيح ......؟

عندي مؤسسة مقاولات عليه 3 وبنقل كفالاتهم وأن شاء الله خلال هاليومين ينقلون ...
المشكلة أن عندي معرض مفروشات ماسجلته مكتب العمل
وفية عاملين سائقين خاصين واحد منتهية أقامته والثاني سارية طبعا ماهم على كفالاتي واريد أنقل كفالاتهم علية كيف ؟؟؟؟

لو نقلتهم على المؤسسة وغيرت مهنهم واحد عامل تنجيد والثاني مركب ستائر تجي
علما أن المؤسسة في النطاق الابيض وأنا موظف شركة وماعندي موظف سعودي وسجلات المؤسسة منتهية.
_ هل لو وظفت سعودي أقدر أنقلهم خلال فترة التصحيح يعني لوسجلته بالتأمينات براتب 3000 انقلهم قبل ماتنتهي الفترة

وبعد كذا اسجل المعرض بمكتب العمل ونقلهم علية بعد فترة التصحيح والغي المؤسسة
[/align]

اي نعم انقلهم على الموسسه الان وغير المهن وبعدين افتح ملف في مكتب العمل وبعد انتهاء فتره التصحيح حولهم على الفرع عن طريق الانترنت

ابي اي اسم · #**255** (**permalink**) 07-06-2013, 07:44 PM

اقتباس:

المشاركة الأصلية كتبت بواسطة رينو العاطل

اخوي
الحين انا عندي عمالة سائقين خاص ورعاة
وابغي انقلهم على المؤسسة عندي علما بان اقامتهم سارية وكذلك لاتوجد عليهم بلاغات هروب
هل استطيع ان انقل كفالتهم على مؤسستي

تقدر بس لابد متى فتحت ملف في مكتب العمل
وكم عدد العماله بها
وكم عدد السعوديين بها

ونعطيك الاجابه ان شاء الله

ابي اي اسم · #**256** (**permalink**) 07-06-2013, 07:47 PM

اقتباس:

المشاركة الأصلية كتبت بواسطة السـفير

عندي آستفسار محيرني الحين عندي مؤسسة مقاولات وبفتح تجارة وسباكة ومحل عبايات استفساري هو لازم اوظف على كل محل سعودي والا اقدر اوحد اسم المؤسسة بمسمى تجاري ويكونون السعوديين تابعيين لها كلها وكذالك العمال تابعيين لها يعني يشتغل على المؤسسة مو المحل والمحل بيكون فرع من فروع المؤسسة

نظاما على كل فرع سعودي

الا اذا النشاط واحد يكفي السعوديين تضعهم في ملف واحد

اذا الانشطه تختلف كل نشاط له سعودي

ووحد اسم الموسسه واشتغل

هارب من البطالة · #**257** (**permalink**) 07-06-2013, 08:16 PM

اقتباس:

المشاركة الأصلية كتبت بواسطة ابي اي اسم

اي نعم انقلهم على الموسسه الان وغير المهن وبعدين افتح ملف في مكتب العمل وبعد انتهاء فتره التصحيح حولهم على الفرع عن طريق الانترنت

يعني أوظف السعودي يوم السبت
طيب مايحتاج نسبة ولاغير على طول أنقلهم
واذا طمعت كم أقدر أنقل عامل

شكرا لك أخوي وبيض الله وجهك

1971 · #**258** (**permalink**) 07-06-2013, 08:28 PM

الله يجزاك الجنه

ويرحم والديك ويغفر لوالدك

ما قصرت يالغالي

استفدنا كثير مما طرحت

اسأل الله ان يجعل ذلك في موازين حسناتك وحسنات والدك

تقديري لك يا غالي

رينو العاطل · #**259** (**permalink**) 07-06-2013, 09:00 PM

اقتباس:

المشاركة الأصلية كتبت بواسطة ابي اي اسم

تقدر بس لابد متى فتحت ملف في مكتب العمل
وكم عدد العماله بها
وكم عدد السعوديين بها

ونعطيك الاجابه ان شاء الله

من سنتين فاتح المؤسسة والنطاق اخضر وعدد العمالة حاليا 13 عامل وفيهم واحد ماطلعت له اقامة
عدد السعوديين واحد الحين
والمشكلة انا كنت احسب اني مسجل وماطلعت اني مسجل بالتامينات الخاصة بالمؤسسه تبعي
كبف اقدر اسجل انا