قصيده متواضعه .. لتجديد التواصل

abu seif · #1 (**permalink**) 10-06-2008, 07:17 PM

السلام عليكم ورحمة الله وبركاته ...

وأسعد الله ايامكم بالرضا والعافيه ...

هذه قصيدتي المتواضعه .. لتجديد التواصل .. وعسى أن تنال أعجاب الجميع ..

ودّي وتقديري ..

قالت عزيز وقلت مابغـى معـزه
ابغى الغلا اللي داخل الروح للروح
قالت يجي له يابن الاجـواد حـزه
يمكن يكون الحين ماهوب مسموح
مع هرجها المعسول فزيـت فـزه
من زود فرحي بالغلط كنت ابا نوح
قلت الذي يمـك طيوفـك تـوزه
تراه من سبة تجافيـك مفضـوح
الشوق لجلـك ثايـر الشعـر دزه
في خافقٍ ينزف من الوقت مجروح
حسنك غلاك بوسط قلبـي يكـزه
كز الهوا والموج للي علـى لـوح
ياصاحبي سببـت فالوضـع هـزه
اخاف منها اغلط بطاريك وابـوح
احرص على اللي عن سواك يتنزه
قبل يتعقـد مـن تغليـك ويـروح
يشفي غليله مـن شفايـاك مـزه
وتنعش خفوقٍ بالغلا وسطه جروح
من عين قلبك صدق محتاج قـزه
نظره من الاعماق تشفى بها قروح
والله لو انك كنت باطـراف غـزه
لاصلك لو مالي بديرتك مصلـوح
وان كان ماعجبك القصيد ومفـزه
بلاش اجل ماعاد يحتاج لشـروح
اببتعد والشـوق بالصبـر الـزه
لين احتوي حبك ولو شيد صروح
ترا الغلا والحـب غيـر المعـزه
مثل الذي في داخل الروح للـروح

اخوكم

ابو سيف

راعي الجوف · #2 (**permalink**) 10-06-2008, 10:51 PM

الله يعطيك العافيه وصح لسانك يا طويل العمر على القصيد الجزل

الحب لولا عيونك · #3 (**permalink**) 11-06-2008, 12:46 PM

وان كان ماعجبك القصيد ومفـزه
بلاش اجل ماعاد يحتاج لشـروح
اببتعد والشـوق بالصبـر الـزه
لين احتوي حبك ولو شيد صروح
ترا الغلا والحـب غيـر المعـزه
مثل الذي في داخل الروح للـروح

صح لسانك وعلا شانك

الله الله

شاعر فحل وشهادتي فيك مجرووحه

تعيش وتكتب

لاعدمناك