السلام عليكم

ممكن تلاقون لي وظيفة بحيث اخر حدي شارع الوشم شمالا والكوبري المعلق غربا ومصنع الاسمنت شرقا
يعني باختصار فيه وظيفة في احد الاحياء التابعة للبدليات التالية :
العريجا والسويدي والبديعة
الشفاء
طويق و الدخل المحدود
ظهرة نمار
منفوحة والديرة وخنشليلة والمربع الجنوبي
الشميسي والوشام وحوله

يا ليت تتكرمون وتقولون لي عليها شرط ما تكون معقب

ما انكر اني ذقت مر الهزيمة
وروحي بعد فرقاك ما عاد ابيها

لكن بسيطة وكلها حزن غيمه
فرقا ومدت للحبايب يديها

خذني معك خلنا نطير سوا

ماتخبر لي عمل مسائي حتى ولو مدير ماعندي مانع

وش رآيك نرسل لك مندوب يعطيك اسماء الشركات اللي قريبه منك و تعرف الرواتب اللي فيها و تختار اللي ينآسبك

فئة عجيبه وربي !!!!!!

وش بلاكم تبليتوني يعني صارت مشكلة يالحساوي اني اطلب عمل قريب من مقر سكني

انت تعرف اننا في الرياض لا نملك وسائل مواصلات نقل عام مثل الموجودة في مدن اخرى من بينها حتى القاهرة الفقيرة
يعني الواحد يعتمد على نفسه في التنقل ، ناهيك على ان بدل النقل في الشركات ما يغطي مصاريف النقل الحقيقية لو فكرت اني اتفق مع سائق باص ، هذا اذا لقيت سائق باص

كثر الله خيري اللي وسعت نطاق الدائرة بهالشكل طبعا واضح انك مو من اهل الرياض ولا عرفت اني حطيت تقريبا ربع مدينة الرياض ضمن النطاق ، الربع هذا ربما يكون اكبر من حاضرة الاحساء كلها ههههه الله يحفظها يا رب

الاجانب عندنا يالحساوي يتحصلون على سكن مباشرة بقرب مقر الشركة حتى لو كانت في العليا او الاحياء الراقية فيالرياض هم وعائلاتهم تخيل
واحنا نطالب بكرف سياراتنا المتهالكة اللتي لا نملكها اصلا لاننا عاطلون في وسط زحمات الرياض كل صبحية روحة وجية

بعض الشركات الناجحة فطنت لهذا الشيء فاصبحت لا توظف الا الذين يسكنون بالقرب منها ، وهذا ما لاحظته في مقابلتين عملتها في مستشفيين متوسطي الحجم هنا في جنوب الرياض اول سؤال سالني اياه مسؤول التوظيف عندهم قال وين ساكن، والعيال اللي معي وكانو جايين من بعيد رفضوهم بدون الاهتمام حتى باوراقهم او شهاداتهم
طبعا الوظائف كانت مش حالك استقبال سكرتارية حارس امن كاشير صيدلية وهلم جرا...
ربما لو ان الوظيفة المقدم عليها مرموقة بشهادة تخصصية وراتب عالي 7 الاف وفوق ما اهتميت بمقرها بس تراها وظايف ابو 4 الاف مخصوم منها التامينات ههههههه

الشركات الثانية توها فاتحة اصلا ابوابها لتوظيف السعوديين بعد برنامج نطاقات ويوظفونك لو انك ساكن في الحسا اهم شي اسم سعودي يسجلونه عندهم ، عشان كذا تلقاهم هم اللي يشيعون عبارة ( اللي يبي يشتغل ما يهمه بعد المسافة )
يبونك باللي هي به يرجال ولا همهم اصلا وش عملك ، اصلا بيعرفون انك بتطفش بعدين او بتجي متاخر دائما وياخذونها حجة على وزارة العمل انو هذولا هم السعوديين اللي امرتينا بتوظيفهم