[align=center][/align]السلام عليكمورحمة الله وبركاته

يا اخوه ياكرام أملك رأس مال يقارب ال 10 آلف ريال وناوي أدخل فيها بسوق الخضار "الرياض"
البعض نصحني ب شراء دينّه بطاطس والآخر نصحني ب دينّه طماطم والآخر نصحني ب دينّة بصل وبيعها - فمن له معرفه أو درايه عن شراء البطاطس والبصل والطماط - ومن أين تشترى وأين تباع ؟ وكم المربح تقريبا إذا كان راس المال مايقارب ال 10 آلاف ريال - لاتبخلون علي بأي معلومه حتى ولو كانت صغيره
وماخاب بإذن الله من استشار
وجُزيتم كل خير

[align=center]اسأل الله انه يوفقك ويكسبك الخير الكثير لدرجة أن البنوك تطرق بابك لترك ثروتك في بنكها , يارب ياكريم

تحياتي لك أخوي
[/align][align=center][/align]

اجابه بدون خبرة ولكن بناءً على ما اقراء
وطالما المرة الاولى لك لا تشتري شي يتلف بسرعة كالطماطم" مجموعة كبيرة"
بل اشتر على قدك حتى تتعلم التصريف

خذلك بطاطس و بصل ولا تاخذ إلا نضيف جدااا
ولا تاخذ فايده أكثر من ريال في الكيس ويكون عندك ونيت لتصريف على المطاعم وأماكن تجمع العمالة و أضملك إذا بنشتغل صح كل يومبن بتصرف بضاعتك
في البداية بتتعب لين تكون زباين مستمرين خاصة المطاعم
دينا الواحدة فيها 800كيس

عندك 2 دينا *800=1600
يعني أقل مكسب يومياا 500
وذا تمرست في الشغلة ذاك الوقت تجيب أغراض المطعم كاملة من الخضار
لالالالالالا تنسى (لا تاخذ أكثر من ريال , الصدق في المواعيد لأنهم شغلهم بيعتمد عليك )

واي إستفسار أنا حاضر

والله اشوف الفواكه في الصيفتنباع سريعا يعني تشتريلك حمله ثلاجه وتبدى تبيعها اكوام كبيره خلال ساعه او اقل وعلى كذا حتى تستطلع السوق وتكتسب الخبره

حياك الله ..

لاتحط المبلغ كامل بشي واحد ..

خذ مثلا 3000 ريال وروح الحلقه ولا توضح لهم نيتك بالشراء منهم والبيع لغيرك..

وخذ كمية من كل شي مثلا كرتون بقدونس/ كرتون خيار / كرتون فواكه تختار لك فاكهه ..

ومعاك اختيارين : الاول اما تشتري كراتين صغيره البيضاء فلين وتعبيها ويتم بيعها ( طبعا قبل شوف كم سعرها عندهم وقارن هل فيها ربح كم ريال مثلا )

او الاختيار الثاني : عربيه وميزان واكياس وتحط عليها البقدونس والخيار والفاكهه ..

الله يكتب لك الخير