السلام عليكم ورحمة الله وبركاته


كثيرا ما نتناقش انا وبعض الأهل او أصدقائي او زملائي بالعمل عن الطريقة المثلى لإدارة المشاريع المبتدئة والمتوسطة.

فحبيت اطرح هذا الموضوع للنقاش..

ما هي الطريقة المثلى لإدارة المشاريع المبتدئة والمتوسطة؟

وكتوضيح لسؤالي.. يأتينا بعض الشباب ويفتح بقاله او مغسلة او اي مشروع كان.. ثم يقول أجرت المحل للعامل بـ 500 ريال شهريا وريحت راسي.

والبعض يقول العامل خسرني لأنه يشتغل بالراتب.



ياليت اللي عندة تجارب واقعية,, أو أفكار لعل البعض يستفيد ممنها في تيسير أمورة..




كل الشكر والتقدير لكم أحبتي..

افضل ادارة بعد تجربة
عامل أمين

من خلال تجربتي كعامل بأحد مصانع الأدوية بحكم تخصصي صيدلة..

اول ما توظفت بالمصنع.. خلوني مع عامل هندي ارتب المكينة واجهزها لكي نصنع الأدوية.. لكن بحمد الله تطورت لحد ما وصلت مشرف.. لكن تركت العمل وتوظفت حكومي باحد المستشفيات الكبرى بالرياض.

زبدة الكلام.. ان العمال لهم رواتب شهرية تتراوح ما بين 800 فأكثر (تختلف حسب الجنسية ومكان العمل بأي قسم).. بالإضافة الى اوفر تايم.. بالإضافة الى تذاكر السفر على الشركة.. بالإضافة الى بونص كل سته شهور.. بالإضافة الى العلاوة السنوية التي تعتمد على تقييم المشرف على العامل.. وتتراوح النسبة ما بين 1% الى 10% .. بالإضافة الأكل متوفر أثناء العمل على حساب الشركة ومتنوع..

والله يا شباب اني اشوف العامل مبسوطين وذلك لأن امورهم المالية واضحة.. ويعرف اذا اشتغل زيادة كم يجية.. ويحرصون اشد احرص على الأوفر تايم.. ولو حرموة من الاوفر تايم تشوفونه يبكي من ضيقة الصدر..


نهاية الحديث... ان العامل جاي للسعودية علشان الفلوس.. مو علشان سواد عيونا.. لذلك راح يتطمن العامل اذا شف ان النظام واضح بالنسبة له من حيث الراتب+ الراتب ينزل بالحساب على البنك لأغلب موظفي الشركة.. البعض يرفض يفتح حساب يبي يستلمها كاش..



بالتوفيق لكم أحبتي

السلام عليكم
اوافقك الرأي اخي انجاز العربيه ولاكن هذا الكلام ينطبق على الشركات الكبيره ولاكن في الاعمال الصغيره مثل بقاله ومغسله ملابس وامثالها فان حجم المشروع لايساعد على اعطاء وافز وان لم تكن تباشر العمل فسيسرقك العامل لامحاله.