[align=center]السلام عليكم ورحمة الله وبركاته
أنا خريج جامعي بكالوريوس تقنية معلومات وعندي دورة لغة إنجليزية
عاطل لي سنة قدمت على أكثر من دارة حكومية فما حصلت شي
ولقيت في أسواق العثيم موفرين بعض الوظائف في المحاسبة الجزئية وكاشير
فأنا أحترت !! مرة أقول خل أتوظف فيها بس وأترك عنك كلام الناس , وأحسن من الجلسة في البيت
ومرة أقول حرام بكالوريوس وأشتغل كاشير ,
فأبغى مشورتكم الله يحرم وجيهكم من النار : )[/align]

توكل على الله وتوظف كاشير احسن من الجلسه في البيـت ووظيفة كاشير حلوه خلك فيها لين ماتحصل شي احسن منها خلها تمشي امورك تحياتي لكـ

من توكل على الله فهو حسبه ,,

ثق بالله عز وجل أنه لآيضيع تعبك ,, وستحظى بالخبرة الكأفية ..

وأنك ستـــكون خير مثــآل ...


تحيآتي لكِ .. بالتوفيق والنجأح ..


وأسعدك الله في الدآرين ,,

أخوك ,

مرآقب |~

[align=center]
الحمدلله والشكر وظيفه زينه وحلال وتقضي فيها وقتك
اخووي توظف في العثيم بس مكان محاسب مدري بضبط وش وتوظف في الهرم محاسب

وكانت من اروع تجاربه في الوظيفه وكان الراتب بحدود 3000
وهو طالب جامعي بس يقضي وقت الفراغ في العطله ..

وانت لك سنه ماتوظفت ولا تغير شي ولو بتجلس عاطل بتتكدر ويضيق صدرك وتتعب نفسيتك الفراغ شين والشيطان بيزيدك هم

لكن الحمدلله هذه فرصه لك لاتفوتها وتستسلم توظف وتوكل على الله وان شاء الله ربي بيرزقك
بلي تتطمح له وبشهادتك ان شاء الله
ولاتنسا الصدقه والوتر والدعاء يغير الاقدار ..


والله يوفقك وجميع المسلمين ..[/align]

توكل علئ الله ياخوي

والله انه افضل لك من جلسه البيت وكلام الناس

تكسب خبره وتصرف علئ نفسك وتتعود عالعمل لحد ماربي يرزقك بالوظيفة اللي تتمناها


الله يوفقك

ياخوي أنت مو باقي طول عمرك كاشير
اشتغل واصرف على نفسك وخذ دورات من راتبها عشان تدسّم السي في حقك
وبنفس الوقت قدم ع الوظايف وبتلقى ان شاء الله ..

توكل على الله وتوظف
هذا باب رزق لا ترده...

اخوي توكل على الله واشغل نفسك وارتاح من الهم وربي مافي العطله خير اسالني انا ؟؟

جالس لي اربع سنوات عاطل جامعي تخصص علمي ومع ذالك عاطل والله الحين انواع الوسوسه ..

والحين ادور اي وظيفه انشاااء الله عامل ماعندي مشكله ماحصلت كل ماطرقت باب قالو حط ملفك دخت ودوخت نفسي معي ..قبل اول ماتخرجت جاتني عروض وظايف من شركات والحين نادم لاني مارحت لهم حالتي صارت حاله انصحك من كل قلبي اقبلها واشغل عمرك ترى وراك طريق ماله نهايه لانك تنتظر باب ماراح يفتح الا بوجود حرف الواو حسبي الله ونعم الوكيل ..وفكر بعقلك وانا اخوك الوظايف شحت الايام ذي وصار كل واحد اذا حصل اي شي مسك فيه برجوله ويدينه من سوء الاحوال والاسعار زادت اه ياخوك لاتكرر غلطتي وتقول انا جامعي ومايصلح والكلام هاذا مو نافعك والله ..لانك في النهايه عيب تطلب حق بنزيم سيارتك من ابوك وانت رجال هاذا كبرك والله تحسها نقاده وبعدين ابعد شي تفكر فيه هو كلام الناس لان لو فيهم خير ماتكلمو في شي لايعرفونه وهو سوء الاحوال اللي نعيشها !!

الله يوفقك يارب ويوفق كل عاطل ..