السلام عليكم ورحمة الله وبركاتة
اخواني انا عندي مبلغ خمسة الاف ريال سعودي وحاب اسوي لي مشروع بدخل بسيط ماعندي مشكلة بس ابغى احس اني قاعد اشتغل ارجوكم الله يوفقكم ماني عارف اللي يقول لي شغلها في سوى واللي يقول اشتر فيها سيارة وكد فيها كل هالافكار اشوفها ما تصلح لي انا بالذات في افكار كثيرة الحقيقة واحتاج المساعدة وانا حاضر بأي مقابل ..... والسلام علكيم ورحمة الله وبركاتة

تبغى رأيي .؟

يمكن مايعجبك بس لو مكانك اانا راح اسويه ,

اشوف لي احد شغال بالأسهم حلو , واطلب منو خدمة ,, انه يشتري لي فيها اسهم ويخليها لين ترتفع ويبيعها والطمع شين ,, يعني الـ 5 هذي احتمال كبير تسير 15 او 20

وبعدين كلها 5 الاف منت خسران شي هذا واحد ,

رقم ثنين ممكن تشتري خضار وتبيعها تبدأ بـ 4 ألاف مثلا وتخلي الف

وزي كذا


هذا للي عندي الحين والله يرزقك

[align=center][/align]والله اني مثلك عندي مبلغ صغير وخايف يطير ودي اشغله باي شي خصوصاً الصيفي جاية

ننتظر بقية الاخوان

السلام عليكم
مسائك سعيد يارب

اخوي ممكن تستفيد من المبلغ انك تشتري بضاعه بسيطه مثلا اكسسوارات نسائية ( حقائب - اساور )

ولو حاب اعطيك تفاصيل تراسلني على الخاص ^_^

حياك الله

فكرة الخضار حلوه ..

وممكن لو احد حريم العايله تعرف تطبخ انت وفرلها الاغراض وطبعا مو كل المبلغ ال5الاف ..

وفرلها اغراض كل طلب وبعد كل طلب يتم تقسيم الربح بينكم وكذا

حلو الطبخ وفلوسه احلى ..

الله يكتب لك الخير..

الله يوفقنا وإياك وإذا حصلت طريقة بلغني لا هنت

فيه مشروع بسيط والله انا جربتة وجالس الحين شغال عليه وهو

فقاسه بيض

بس يبي لك مكان تحط الفقاسه فيها ويبي لك متابعة لها

لا تشتري فقاسه كبيره

خذ لك في البدايه فقاسه تحمل 150 بيضه .


وال 150 بيضه باذن الله تفقس ويكبر الصوص وتبيع الدجاجه الوحد بـ 20 ريال واحسب 150 دجاجه في 20 ريال شوف النتجيه كم

وربي يوفقك
واذا تبي تفاصيل

ارسل لي رساله علي الخاص

السلام عليكم .. اخوي انا اعرف واحد بـ 1000 ريال فقط خلال شهر صارت 5000

اذا عندك ددسن افضل او شف واحد من خوياك تمون عليه وروح بعد الفجر مباشرة لسوق الجمله وعبيها خضار يعني حق 1000 ريال ..

وبسط بالشوارع وانت عاطل وعادي والله لو عاطل سويتها انا بس الحمد لله الله رازقني بوظيفه
رح بسط على الشيخ جابر اذا من الرياض او طريق الملك عبدالله وفي طرق كثيره مثلا خدمة خريص قبل كبري الحرس وانت متجهه شرق !!

وعبيها بطيخ مثلا

واددددهر والشغل مو عيب صدقني اغلب التجار اللي بحساباتهم مليارديرات ترى بداياتهم كانت كذا

ولاتقل فشلت .. ترى الفشل هو اساس النجاح

وحافظ على صلاتك اهم شي

موفق ي رب

الله يوفقك اخي

شوف لك حبحب وعبي السيارة وبيع بمنطقتك راح تعين خير وايضا الخضره وحاول تكسب الشي القليل ليطرح ربي البركة

والله كلامكم منطقي جدا يعطيكم العافية وش رايكم طيب بموضوع بطاقات سوى