قصتنا,محتاجه مساعدتكم,

رواسي الرياض · #1 (**permalink**) 15-05-2013, 02:17 AM

السلام عليكم
مدري من وين ابدا ووين اروح فكروا معي ابي حل ضايقه فينا الدنيا حنا بنات متوفي والدنا عاطلات اكبر اخواني عنده مشاكل نفسيه ولا معه حتى ابتدائي ورافض يروح طبيب حنا مو صغار لكن الحظ معاكسنا وكل ماندق باب تقفل بوجهنا تحملنا كثير لحد ماوصلنا للشارع اكتب لكم الان من احد الشقق المفروشه لان بيتنا ايل للسقوط مع ان الجيران حذرونا كنا عايشين فيه لحد ما بدا الكهرب عندنا يحصل فيه ماس وطفينا جزء منه واكتفينا بغرفتين لحد ماعاد نقدر نستخدم الكهرب المصيبه الحين ان فلوسنا بتخلص وين نروح وتعرفون ان معاش الضمان زهيد لاحد يقول لي اقارب واعمام الكل من توفى الوالد ماعاد شفناه ماعاد بالناس خير ادري طولت عليكم بس حبيت افضفض وطمعانه بدعواتكم وابي اسال هل الجمعيات تامن سكن لنا او ترمم البيوت لان سمعت الي بيتهم ملك مايعبرونه وين اروح بالضبط جمعيات نسائيه والا جمعيه الايتام وهل جمعيه الايتام للاطفال بسسسس و اذا تعرفون جهه خيريه تامن سكن عااااجل ياليت تبلغوني ولاتنسونا من دعائكم

نسيانْ · #2 (**permalink**) 15-05-2013, 02:24 AM

وعليكم السلام ورحمة الله وبركاته

الله يفتحها بوجيهكم ويفرج عليكم
اي روحي للجمعيات وااطلبوا احد من الجمعية يروح معكم حتى يشوف البيت وباإذن الله يوفرون لكم سكن
او يأجرون لكم شقة ويدفعون آجارها

سوي جمعية من الضمان بتفيدكم ان شاء الله
اشتغلي من النت ، روحي للشؤون الاجتماعية اشرحي لهم الوضع كامل وقدمي معروض مرتب وبإذن الله خير

ادعي الله بصدق واستغفري عند كل ضائقة
اللهم صب عليكم الرزق الحلال صباً ()"

الراآسيه · #3 (**permalink**) 15-05-2013, 02:32 AM

وعليكم السلام ورحمة الله وبركاته
الله يفرج همك ويشفي اخوك ويصلح شأنكم يالغلا
رواسي انتي في اي مدينه واصغر واحد فيكم كم عمره وهل فيكم احد يدرس الأن
على ضوء اجابتك يمكن اقدر اساعدك..

أُتـرَجة · #4 (**permalink**) 15-05-2013, 03:02 AM

الله يغير حالكم للأفضل
ثقي بالله ..

رواسي الرياض · #5 (**permalink**) 15-05-2013, 03:06 AM

مشكورين الله يعافيكم
انا في الرياض واصغرنا عمره 18 ويبي يترك الدراسه

مستر ع · #6 (**permalink**) 15-05-2013, 03:15 AM

اختي الكريمه

إذا فيه شخص محرم لك ياليت تخيليني اتواصل معاه

ماتضيق الا وتفرج انشالله
إن الله إذا احب مؤمنا أبتلاه بالدنيا ,

اكثري من صلاه قيام الليل انا مجربها والله العظيم لتتفاجئ بالنتيجه

المهم يا اختي لاتضيقين خاطرك واهل الخير واجد وانشالله اني أولهم

انتظر ردك بخصوص المحرم

الامل الموعود · #7 (**permalink**) 15-05-2013, 06:11 AM

اول شئ الله يفرجها لكم

بس صدق مو شي يقهر ....أوضحت مصلحة الزكاة والدخل أن إيرادات المصلحة بلغت 23.5 مليار ريال في العام المالي 1433/1434
يعني هذي وين تروح تدخل بمزانية الدوله ؟؟ زكاه وزكاه معروف لم تصرف واعتقد الكل يعرف هثمانيه لاكن اكيد ميه بلميه فيه تلاعب او ان العاملين عليها واجد مرره يدوب تجيهم من عشرة

جلسة احسبها
ع العموم 23 مليار ونص تساوي 23500 مليون طيب نقول كل مليون يبني عماره صغيره من شقتين بس يعني عدد الشقق بيكون عندنا 47000 الف وحده سكنيه يعني هلبيوت في سنه وحده تنبني ويسكنها هلعدد 47 الف لو يسوون نصها او ثلثها خلال خمس سنوات ان شاء الله بيكون انحلت مشاكل اسكن للكثير ولمبلغ الباقي يوزع للمحتاجين