سبحان الله

حياك الله

بإنتظار الاخوه يفيدونك ..

الله يكتب لك الخير..

ماشاء الله لاقوة الا بالله

المغسله والمطعم نااااادر ماتخسر في السعوديه

بس فيه نقطتين ودي اعقب عليها اول شي الديكور هل يكون مكلف او بسيط انا اعتقد الديكور يكون بسيط يغلب عليه الابيض مع اناره موزعه بطريقة ما مع المرايات بيعطيك كبر للمحل اكبر من الواقع .

وبالنسبه انك تقول بتبدأ بغسيل الثياب والاشمغه وبعد فتره تبدأ تتوسع انا اشوف انها طريقة غير صحيحه لأنها بتكون مثل التموينات الي توها تفتح وتجي عنده يقولك الحين عندنا خبز ونواشف وان شاء الله مرنا بعد شهر المرحله الثاني بنحط ثلاجات ومشروبات , أنا رأيي تبدأ بداية قويه ومكتمله .

وبالنسبه للتوصيل جزاك الله خير الي فكرت في الوقت وابعدت عن الشبهات واسأل الله ان يرزقك على نيتك الطيبه ولكن التوصيل ممنوع هذا شي معروف بس في الرياض مغاسل كثير توصل ولا احد يقول لهم شي انت لا تكتب في توضح فيه التوصيل يعني بينك وبين زباينك .

أما بالنسبة للأسعار فما عندي خلفيه لكن الي اعرفه ان تكلفتها كلها تقريباً 80 ألف إلى 100 ألف لأني كنت بفتح بس يوم عرفت الاسعار قلت لو معي هالمبلغ شريت جزيره في الفلبين وسكنت لحالي وغسلت ملابس في النهر الي جنبي .

الله يرزقك من واسع فضله الرزق الحلال الي يعينك على دينك ودنياك .

اخوي انا مثلك الحين جالس اركب ديكورات المحل والمعدات اتفقت معهم راح توصلني يوم السبت بأذن الله ~> المعدات هيا بولر ونشاف كبير ٥٠ رطل وغسالتين عمود وعصاره ومكبس شريتها جديد وعليها ظمان سنه ومع التركيب بـ ٣٢ الف ريال وفيه انواع غاليه توصل ٤٥ الف بس انت في البدايه ابدأ بشي بسيط عشان لاسمح الله اذا ما مشت المغسله م تكون خسرت كثير اما الديكور (الدواليب ) كلفتني ٦٥٠٠ ريال االديكور عادي ولونه تقريبآ بيج ويوم السبت راح يركبونها وانتبببه تشري غسالة بطانيات اصغر حجم وارخص وحده سعرها ١٨ الف ..!! لاتشري غسالت بطانيات ابدآ العصاره تشيل بطانيه وحده لا اكثر مششي حالك فيها لين تشوف المغسله ماشيه سنتين ثلاث ثم اشتر غسالت بطانيات اذا تشوف زبائنك يطلبونها العماله افضل شي هندي ثم ينقالي تدور غيرهم لأننا ي سعوديين اذا شفنا باكستاني ولا يمني بمغسله تحس بشي غريب او حاجه زي كذا وتحس انه م يعرف شي لاكن حنا تعودنا ع الهنود يغسلون ف يتكون نفس السعودي تتقبل اذا شاف هندي بمغسله وششكرن اي اسأله انا حاظر

جزاكم الله خير ونتمنى مشاركات من الجميع

انا من سكان الرياض وسعر المعدات ٣٢ الف ريال ~>نوع المعدات القطع امريكي والتجميع وطني شريتها من شركت الصغير لمعدات المغاسل وفيه شركت البابطين سعرهم ٣٩ الف ريال الي يفرق بين البابطين والصغير سماكة حديد البويلر وشغلات بسيطه م تستاهل زيادة اللسعر هاذا ~> وفصلت خزانين حديد كل واحد ١٠٠٠ لتر بـ ٧٥٠ريال الاثنين واحد ديزل والثاني مويا < الحين انا باقي لي السقف المستعار وسعره عندنا برياض المتر بـ ٢٢ او ٢٣ يزود او ينقص ع حسب طلبك لشكل السقف ~> اما اسعار لمعدات ١٠ الاف بويلر مقاسه متر ونص وهاذا هو الطبيعي الي يوجد بجميع المغاسل ~>نشاف ٥٠ رطل ١٠ الاف ريال ~> ومكبس(الكوايه) تقريبآ ٨٥٠٠ او حولها هاذي هي الي غاليه اما غسالات العمود والعصاره بسسيطه ~> بس غسالة بطانيات اصصصغرر حجم بـ ١٨ وانصحك لاتشريها اول شي افتح محلك وشوف الوضع اذا مشى محل اجمع من الارباح واشترها

نسيت اقولك ههههه شووف ي ابو غلا اذا نويت تشري المعدات لاتستعجل يمكن المدينه ارخص من عندنا ~> روح لمحلات الي يبيعون لمعدات وقولهم انا ابي معدات مغاسل من و الى كاامله وقله عطني انواع معداتكم والسعرر راح يعطيك ورقه عرضهم وفيها السعر وبعدها روح لمحل ثاني وقوله نفس الكلام يعطونك ورقه وفيها عروضهم روح لكل المحلات الي عندكم وبعدها شوف السعر الرخيص والمناسب لك ~> انا رحت لـ ٥ محلات وعطوني عروضهم واسعارهم متفاوته واستخرت واخترت شركة الصغير لان سمعتهم ممتازه وعرضهم مناسب ~> اي استفسار ثاني انا موجود والله يرزقك ويرزقنا وكل مسلم