24-05-2013, 02:56 AM
|
 |
عضو متواصل
|
|
تاريخ التسجيل: May 2013
المشاركات: 100
معدل تقييم المستوى: 24
|
|
اقتباس:
المشاركة الأصلية كتبت بواسطة مفك الخالدي
لآ اقصد من اول ماحركت من البيت للكية لين آخر اليوم يعني قل لنا وش صار في اول يوم ولو تعلمنا بعد النظام في ال45 يوم مب شينة  |
ابشر يالطيب
وطبعا اول ثلاث اسابيع بالاستجداد تلبس رياضة زرقاء بالكامل
واول يوم بالـ45 فاضي لانه تنظيم وقروشة وبالغالب تروح السكن
وتنام الساعة 9 ونص بالليل وتصحى قبل اذان الفجر بـ 45 دقيقة وتتجهز للصلاة وتلبس الرياضة
وبعد الصلاة تصفون عشان يشوفون مين اللي ساحب على حصة الرياضة
وبعدها تبدا الهرولة وتكون لفتين وكل فترة تزيد عدد اللفات عشان يرفعون لياقتكم الى ما توصل 4 لفات بالحصة الوحدة - ووقت الحصة 45 دقيقة
وبعدها تروحون تفطرون وبعد الفطور حصة هرولة ثانية وبعدين استراحه 10 دقايق وبعدين حصة ثالثة وبعدها استراحة 10 دقايق وبعدها حصة رابعة وبعدين تروحون السكن وتتجهزون لصلاة الظهر واحيانا ما تروحون السكن توقفون بالشمس وبعد صلاة الظهر وقفه بالشمس لمدة نص ساعة واحيانا اكثر على حسب ضابط خفر اذا كان مزاجة كويس ولا زفت 
وطبعا اذا مزاجة كويس يقول لا يردكم الا السكن
والساعة 2 الغداء وبعد الغداء تتجهزون لصلاة العصر وبعد ما تصلون تأخذون حصة هرولة وبعد الحصة تعليمات وتثقيف عن الكلية
وبعدها تتجهزون لصلاة المغرب وبعد صلاة المغرب وجبة العشاء وبعدها تصلون العشاء
وبعد الصلاة يكون فيه تعليمات وبعدها تروحون السكن وتتجهزون للنوم
وهالوضع تستمرون عليه 3 اسابيع والثلاث اسابيع اللي بعدها الوضع اريح
لانك بتدخل التعليم وبتكون من الساعة 7 الى 12 تحت التكييف بالاقسام الدراسية 
غير كذا بيكون بدل حصص الرياضة حصص المشاة
وطبعا لا ننسى ان احيانا تأخذون بدل التعليمات والثقيف جزاء
ولا تنسى ان الجزاء الهدف منه تدريبك وتقوية جسمك
وثانيا انت بتتجزاء بسبب وبدون سبب واحيانا يقولون النهائي الجزاء بسبب السواليف بالمسجد
وهذا كلام كله كذب ولا تصدقه لان الجزاء بأمر الضابط ولا هو بأمر الطالب النهائي
وبالعادة الضابط يعطي امر ان الدورة تأخذ جزاء ويجيك النهائي ويتفلسف ويقول الجزاء بسبب الصوت بالمسجد وهذا كله كلام فاضي 
التعديل الأخير تم بواسطة بالتوفيق لكم ; 24-05-2013 الساعة 02:59 AM
|
العرض العادي
