السلام عليكم ورحمة الله وبركاته

انا طالب ف الجامعة وحبيت اسوي مشروع ف الصيفيه 3 شهور ولا مانع اني اكمل وانا ادرس

على العموم انا افكر اني استأجر ( كوشك ) صغير ف مجمع المرسلات للاتصالات وابيع جوالات واكسسوارات

حبيت اعرف من اهل الخبره كم تكلفت المشروع وهل فيه فايدة كبيرة ولا عادية
لان انا حبيت استغل العطلة بشي يفيد

لان انا شفت ان اسعار الجولات جملة مالا يقل عن 12 جهاز مثلا يكون رخيص جدا بالنسبة للبيع مجزء

ف أنا حبيت خبرتكم ف المجال هذا لان باقي تقريبا 3 اسابيع وانتهي من الاختبارات

ويعطيك العافيه 3>

حياك الله

روح محل جمله وخذ اكسسورات الجوال وتزيد عليها كم ريال..

الله يكتب لك الخير..

ماشاء الله عليك تفكير ولا اجمل الله يحفظك وييسر لك ويفتح لك ابواب الرزق .

الجوالات فيها رزق كثير بس يبي لك تفهم فيها وفي مشاكلها, البترينه تكلفك اجار في الشهر 4000 تقريبا حسب قربها من باب المحل وبعدها, واشتر لك اكسسوارات بالجمله يعني درزن من الاشياء الي تشوفها ماشيه في السوق , وبالنسبه للجوالات انا اشوف لا تشتري وخل تعاملك مع محلات الجمله يعني على طلب الزبون, وتكسب من الجوال الواحد 20 ريال إلا 50 ريال انت وشطارتك, بس قبل لازم تتفق مع محلات الجمله وانك انت صاحب باترينه.

[align=center][/align] اكثر شي اشوفه يدخل فلوس الصيانة انا كنت اشتغل في محل كمبيوترات اغلب دخل المحل من الصيانة مو شرط فك اجهزة وتصليح لا . خلك على البرمجيات وسوقك بيمشي وخلك امين اهم شي . واذا تقول ما تعرف تعلم انا كنت مجنون اعرف كل ضغيرة وكبيرة في الكمبيوتر لكن الجوال ما اعرف الا الزر الاحمر والاخضر بس وكان تجيني الجولات اقوله يبغاله وقت وانا ما ادري وش السالفة وابحث بقوقل مره تصيب ومره تخيب ومع الوقت عرفت كل شي والله ان الماس يقولون فرينا الدمام كله ولا لقينا احد يصلح جولاتنا والمشكلة اني جنبهم . بس انتبه خذ حقك وبس لا ترفع سعر على شي تافه.


الله يوفقك ويفتح عليك ابواب رزقه و اعذرني على اللخبطة قاعد اكتب من الجوال

شوف أخوي وأنا كخبرة في الكمبيوتر والجوالات
أقول المجال ترا بينفع لك
وراح تربحح بإذن الله منكل شيء كصيانة وإكسسوارات وكل شيء
بس خل طرحك للعروض بفكرة جديدة