تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
11-06-2008, 08:41 AM
|
|||
|
|||
الركبه الورديه حلم وردي لكل فتاه سعوديه ..موضوع مضحك
طبعا معروف أن الركب السود علامة الجوده في السعودية
وناا فارس قررت أني اغير علامة الجوده لركب البنات ******** طيب وش دخلك طيب والشباب؟ (الشباب اصلا وجيهم ركب ) ههههههههه وش رايكم فيني يا بنات << والله يا انك بتنجلد احداث القصة عبارة عن احدي الاخوات تحكي معاناتها مع ركبها السود واحلامها المستقبلية لوضع السوق اقصد وضع ركبها على المدي البعيد ( وين التصنيع ) ... فتقول والله يعيني على ماذا تقول :يوم كنت صغيره كنت دايم ابلش امي يمه ورا ركبتي مهيب مثل ركبة هيله بنت خالتي بيضا تلق (هيله طبعا وحده من خيالي ولا اصلا مافيه ركبة سعودية بيضاء الا بعد عام 2076م حسب ما افاد به علماء ناسا ) . امي: روحي قطعي بصل لاتبلشينا -يماااااه طيب ارفعي معنوياتي شوي وترد امي بكل مااوتيت من قوه: يعني قلّت ؟ مابقى الا ركبتس تبلشين فيها انتي بكبرتس خلف خلاف رديت من القهر:طالعه عليتس ولا انتبهت الا ذا ال***رية اللي تمشي مليون تطبع على خشتي + غير صحن مقاس 2*1.75 لا زال به بقايا بصل يصدم في العاير الايسر لجبهتي مسببا ورمه بحجم فقع ال***دى اللى يلقا في النعيريه . وتمر الايام وتمر السنون وركبتي حالفتن عليها كل يوم تسود عن اللي قبله لين كبرت انا وكبرت ركبتي وصارت اسود مقلم برمادي كنت قاعدة مره وحاطه رجل على رجل وكانت ركبتي تويق حرمه قدامي تقزني والركبة عادة اذا سفطتيها (حطيتي رجل على رجل )تنمط وتصير افتح انا العكس اي حركه تضرب في المليان وانا اقز وهي تقز المشكله مااستحت ولانزلت عينها وانا مستغربه وش قاعده تناظر يوم استوعبت وانا اللي اغطي ركبتي بسرعه وتلفتت على اللي جنبها وتقعد تحش وتضحك لاحووووول وش الحل مع هالسواد فشلتنا هالركبة ( بغيت اروح لماى كار اسئلهم يشفون لى حل ) ماخليت لاكريم ولا فازلين ولا زيت الا ومرغت ركبتي فيه بس مافي فايدة لين توصلت لخلطة ممتااااااازة اختي الكريمه ياام ركبه سودا <<<< فاقع ضحك على هالكلمه هل تريدين ركبة اطلق من ركبة نانسي عجرم وهيفاء وهبي؟ جددي حياتك بهذه الخلطة --- سوف تتغير نظرة المجتمع لركبتك إليك اختي خلاصة التجارب مع هذه الركبه ملعقة فازلين + ملعقتين كلوركس + خمس ملاعق فلاش + ملعقة فير اند لفلي .. ولاتهون موية النار اخلطيهم مع بعض وادهني ركبتس .. هي مره وحده بس : بعدها مانتيب لاقية ركبة سودا..هذا اذا لقيتي ركبة اصلا ههههههه (افرضي الركبة صارت ورديه وش شعورك بالضبط في هذه اللحظه) طراه بنت ابن عجرم تقول محدثتنا : من جهتي : لو ركبي وردية اول شي بسويه بزاعل بعض صديقاتى والباقيات ابتغلا عليهم (الناس احلامها ملايين وانا ركبة الله يخلف على من جابتني ) ثاني شي بسويه بسوي حفل استقبال للركب البيض وشرط كل وحده تدخل لابسه قصير (ممنوع اصطحاب الركب الملونه) وتستمر في الحديث وتقول(اصلا موب حلو الركبة تكون بيضا (اللي مايطول العنب ) وبعد ذلك ترجع لعالمها الواقعي فتقول لنفسها وعععععع ركبة ذي ولا قلة حيا اصلا بيكون وقتها الساق والفخذ حيسي بيسي ماتعرف تحدد وين موقع الركبة بالضبط ... يعني لو ركبتي لاسمح الله بيضا برسم عليها سهم واكتب(هنا ركبة ) عشان مااضيّع مكانها . بعدين احلى شي .. تلقون درجات الابيض الى الاسود موجوده في الشخص الواحد .. يعني من كل بحر قطره ثم توجه سهامها وغضبها على الشباب وتقول طيب ربنا خلقنا ركبنا سود وحنا راضين انتم وش دخلكم؟(خشة وحدة منفقعة مرارتها) اللي موب عاجبه يشرب من البحر,, واللي عاجبه اردى له والآن ايها الشاب الفاضل هل تتزوج من ركبة سوداء علما بأن وجهك اخي الكريم عبارة عن ركبه (يابخت من وفق ركب في الحلال) الاخوات العزيزات وش رايكم باخر سطر ... <<< شوفو الاسلوب بس مهوب راكب حشيت الرجال عشان ما يكون فيه ظلم لاحد ******** عاش مصرف ومع اني متوقع التفاهم السلمي في هالموضوع ... لان والله ياابنات العنف لا يولد الا عنفا مساوى له في المقدار معاكس له في الاتجاة <<< خاف <<< طبعا لأني فاطس من الضحك ..قلت اضحك اللي هوووني ... 
|
|
11-06-2008, 08:43 PM
|
||||
|
||||
|
هههههههههههههههههههههههههههههههههههههههههههههههههه
|
|
11-06-2008, 10:35 PM
|
||||
|
||||
|
مشكوره على الموضوع الحلو
|
|
11-06-2008, 11:22 PM
|
|||
|
|||
|
|
| أضف رد |
|
(( لا تنسى ذكر الله )) |
|
|
|
|
موضوع عجبني وحبيت انقله لكم.........ههههههههههههههههه......مضحك جدا
العرض العادي
