يعني الوزارة نفسها مافيها قسم نسائي؟
المشكلة مو اننا عجازين او شي المشكلة في المواصلات كلما قرب المكان افضل ..
يعني بالنسبة لي السواق بياخذ مايقل عن ١٥٠٠ اذا كان بالعقارية واذا بخريص ممكن ١٠٠٠ ...
هنا الفرق.. حرام يروح مبلغ كبير من الراتب على سواق.

ودي اروح ازور المكان اللي بتوظف فيه اتعرف على الموظفات و اشوف بيئة العمل كيف..

ودنا نعررف وين مقر العمل ؟؟ دقيت على التفون حق الوزارة محد يرد ابداا

ياليت توضح لنا ابا قصي مقار العمل خصوصا انه فيه مدن مافيها اقسام نسائيه يعني حيفتحو اقسام نسائيه والا وين بيكون تواجدهم .؟
طيب انا الوالده تسألني وين تداومين فيه ؟؟ وش اقولها وين بالضبط ؟

نسايم ليل
ربي يحفظلك اولادك ويشفيهم لكي ويحفظك لهم ويجعل الوظيفة من نصيبك يارب العالمين

ابو قصي متى اختبار مساعد اداري الرياض ؟؟؟؟؟؟؟؟ وايش ناخذ معانا وقت اﻷختبار ؟؟؟ ربي يسعدك جاوبني. .. حاولت كثير ارسلك ع الخاص لكن ممتلى عندك. . شكرا جزيلا (:

أخي الفاضل : ابا قصي
هل من الممكن الدخول للاختبار بالسجل الاكاديمي الموثق من الجامعه وافادة التخرج علمااا بان موعد استلام الوثاق الاسبوع القادم اتمنى الرد ولك جزيل

ماشاء الله عليكم بنات ليه مستعجلين على تفاصيل مقر العمل وحتى الان لم ترسل ايميلات تفاصيل الاختبار وبعدها نتائج ومقابلات كما فهمت لاتستعجلون الامور حتى لو ماكتب الله لنا منها نصيب يكون وقع نتائج الترشيح اخف في حال عدم القبول
اتمنى لكم التوفيق

اخت امانينا استفسارنا من باب العلم بالشيء ماهو استعجال لانها لو كانت بنفس الاقسام الرجاليه اهالينا بيرفضون قلنا نوفر التعب ونعرف التفاصيل. فيه وظائف يكون مكتبك بنفس القسم الرجالي والفاصل الابواب فقط خصوصا المدن الي ماتتجاوز الموظفات 3 او اربع بالعقل ماحيفتحو مبنى مستقل لهالعدد . وبعدين لاتخافي علينا من الصدمات صار عندنا تبلد مانتأثر ):

ياسلااااام لو يكون دوامنا ف فرع خريص مرررره قريب منى
الفرع جديد وموظفاته قليلاات احتمال نكون فيه الله اعلم
ربى وفقنى وزميلاتى لايعجزك شى سبحانك
نسايم ليل اسال الله العظيم رب العرش العظيم ان يلبس ابنائك لباس العافيه