السلام عليكم جميعا
انا شخص اعمل في شركة ممتازة في راس الخير و راتبي ممتاز جدا
لكن المشكلة اني جديد في الشركة و لم يمضي على عملي حتى الان الا اسبوعين لكن لا احد مهتم بي داخل الشركة و الموظفين داخل الشركة كلهم فلينين و هنود لكنهم جميعا لا يساعدوني مع اني وقعت العقد معهم لمدة 5 سنوات و اكثر
ملاحظة اخرج و ادخل في اي وقت بدون مشاكل ما الحل اتمنى نصائح
اسف على الاطالة

نصحية مني لك ولأني مريت بتجربتك وتفوقت فيها ولله الحمد
اولا اهتم بالحظور والخروج وخلك نظامي في هذي الناحية حتى لو انه مافيه اهتمام
انت توك جديد ولس ماكلفوك اي عمل يجب عليك ان تتعلم وماتفوت معلومة
يعني القط من هنا وهنا وصدقني تصير كنق

الشي الثاني لاتقول ما أهتمو ترى بيجي وقت وتعرف ان كل صغيره وكبيره محسوبة عليك
زي ماقلت لك خلك بمكتبك واشغل نفسك باي حاجة ..

انا كنت اطلع وادخل محد درى عني حتى لدرجة اروح ابصم وارجع انام بعدين ارجع قبل الدوام ابصم
لكن مسكت نفسي لدرجة اني ادخل على مدير القسم اقولة اشغلني انا طفشان وماعندي شي

شفتة مايبغى يدخلني بشغلهم ولكن لاسباب مو وقته اذكرها
لكن اهتميت بالحظور والانصراف حتى صرت اجي ابصم قبل الوقت بساعه واروح افطر واعين خير
وراجع مع بداية الوقت الرسمي وفااادني كثييرررر واصبح اسمي لامع

اهم شي لاتقول ماعندي شي بطلع خلك مكانك واشغل نفسك باي شي


يارب اني ماطلوت ض1

يالطيب ابي اتوظف عندكم ..... بالله ارسل لي ايميل الشركة على الخاص او موقع الشركة

تكفى


لغتي الانجليزيه بلبل ..... وبخصوص الاجانب الفلبن والهنود احلى جو عمل معهم

لان ما هم حقين شر .... وترا حبيبن


بس لا تنسى ارسل ايميل الشركة او الموقع تكفى طلبتك

كن مــع الله ولا تباالي

نفس حالتي بالضبط

بس انا من اسبوع وانت من اسبوعين

والشركه اللي انت فيها راتبها ممتاز وانا راتب الشركه اللي فيها الابتدائي والجامعي نفس الشي

فيها قسم نسائي ؟

اخي الكريم هؤلاء اجانب ويريدون ان يطفشوا السعوديين عشان ينفردوا بالغشل ويرتاحوا
ثانيا خليك عايدي , داوم اذا فيه شغل خلصه مافيه شغل , اجلس على النت لحد ماينتهي الدوام واظرب الباب
الاجانب انا اعرفهم , خليك واثق وماعليك من احد , انت توظفت عشان الراتب وليس عشان تسوي علاقات او تلفت الانتباه

فعلا انا مع كل رد

اشغل نفسك برواية او جريدة او النت او لعبة تحبها وخلك بشغلك وما عليك من حد انت اضبط امورك مايمسكون عليك شعرة وبكرا تترقى وتصير انت سيد العمل الله يوفقك ولاتنسى اللي طلبوا منك التواصل بشأن الوظيفة وان توظفوا معاك لاتخرب الدنيا المهم عملك مو القرقرة مع الزملاء

الله يعينك و يقول الشاعر مدري ايش والصبر زين ولو طال...إلخ

الحال من بعضو

ماعليك منهم اد عملك وبيجي يوم الي يحتاجونك فيه ويصير الاعتماد الكلي عليك قتها بيدورون رضاك اعمل بجد واخلص لله عز وجل اول شي عشان يكون راتبك حلال ثم اعمل للدوام والله يووفقك

انا زييك محد درى عني بس ماقلت ماحد اهتم فيني او شي انا جاي عشان الراتب لابوهم لابو اهتمامهم اسوي شغلي ومع الباب