السلام عليكم على الجميع مثل ما هو واضح من العنوان انا ابي افتح محل تغليف هدايا في سوق لا تتوفر فيه هذه الخدمة ..
واحتاج فلبيني شاطر للتغليف والتزيين دلوني يالغاليين اشلون ابداء وش احتاج ..
الادوات والاغراض اعرف اشلون ومن وين اجيبها بس اشلون استقدم فلبيني شاطر متمرس او انقل كفالة افضل
اتمنى مشاركتي بالآراء الرائعة الي معهوده منكم وشكرا

ترى ما يحتاج واحد متخصص الشغله ما يبيلها ، انا صراحة ما جربت بس قبل فترة كان عندنا مناسبة وسويت لاهلي كذا غرض شغلهم بيسط وسهل.
الا من اي مدينة نكون زباينك ان شاء الله

[align=center]والله انا سبق وغلفة هدية
واثناء تغليف الهدية وانشغال العامل بتغليفها اخذت لي لفه في المحل احب اطلع
كان الموجود في المحل :-
- صناديق هدايا وهذه موجوده عندنا في جدة في سوق الجملة بكثرة ..
- نفس اللي يتغلف فيه الصندوق او الهدية موجوده في المكاتب ا واسواق الجملة ..
- الورد المجفف و الطبيعي - والشرائط
- وكان اللي يغلفها هندي
------- هذا كل مالدي من معلومات -------[/align]

اشكركم على الردود
انا في الشرقية وراح افتحه في مجمع بإذن الله لان هذا الشي مش متوفر في هذا المكان
بس اشلون اقدم على عامل تغليف وكم ممكن يكلف ؟؟

ماشاء الله خطوة موفقة باذن الله


لاكن انا افضل لو حصلت نقل كفالة يكون احسن كبداية لان لة قدمت ماتدري هل هو يجيد الشغله او لا اما نقل الكفالة بتكون عارف وين اشتغل وكيف شغله


والله يوفقك يارب

محلات الجملة في الرياض بشارع السويلم

المحل ناجح صراحه

عندنا واحد فاتح المحل وكان تغليف بسيط ويجيب هدايا ودبب وحاجات عاديه جدا

والان صار له سنه صار يضبط الكوشه حقت المعاريس ويجيب ديجي

مكتب العمل ما يطلع على بعض النشاطات عمال ومن ضمنها نشاط تغليف الهدايا إذا مانيب غلطان

لكن الخبر الأكيد عند مكاتب التعقيب

بالتوفيق
جاري البحث

فكرهـ حلوه ابحثي ايضا في النت
المجال حلو
اتمنى لكـ التوفيق