السلام عليكم ورحمة الله وبركاته. إخواني الأعزاء في يوم من الايام وانا أتجول في أنحاء محافظة جده وجدت عامل ممن الجنسيه الباكستانيه يبلغ من العمر 45 عاما. وبدأت أتحدث معه عن العمال وطلع الرجال كان يشتغل عند كفيله سائق شاحنه وخسر كفيله والآن العامل يشتغل سواق تاكسي ويقول انا طفششان من سواقة التاكسي يقول دخله بسيط ومتعب والآن هو يبغى نقل كفاله قلت له أوكيه انا انقلك على كفالتي وعندي سطحه تشغلها. لي بجده مقابل مبلغ شهري محدد لي والباقي لك قال أوكي واتفقنا مبدئا على 7000 ريال شهريا. استفساراتي: 1) هل المشروع مربح ام متوقع خسائر؟. 2) هل المبلغ المتفق عليه مناسب ام قليل؟. 3). ماهي إجراءات تاجير السطع على العامل من أوراق وعقود وهل يلزمني مؤسسه ام لا ؟. 4) أخيرا ماهي إجراءات نقل الكفاله (سائق شاحنه) أفيدوني بكل شى عن نقل الكفاله لاني اجهل بهذا الموضوع بتا البته وجزاكم الله خيرررررررررررررررر

الله يوفقك وييسر امرك

جزاك الله خير ورزق وفير إن شاء الله ومن خبرتي عن بعض الاصدقاء والزملاء الـــ7000ريال معقول داخل جدة وفية البعض من 6000__9000ريال سطجة , لوبد , هنجر ,قلابيات كبيرة تمشي عند شركات البناء والطرق الكبيرة ونقل الاسمنت والفواكة والخضار,,والعامل يكون على كفالتك أفضل وطبعاً لدية رخصة نقل عام وهذا لا بد من مؤسسة وإلا تتفق مع كفيله كمؤسسة وبالتوفيق

الله يوفقك بس لو تطلب منه رقم كفيله وتتعرف من الكفيل على تاريخ العامل
بعض العمال همه نفسه وانس يجيب لك ربح يعني موضوع السبعة بيجيب لك فواتير اصلاح وكفرات تم تغييرها والفواتير يحصل عليها من ابناء جلدته وكلها فواتير وهمية
حدد معه من الان حتى لايكون امامه ثغرات يمكن يستغلها مستقبلا في التنصل من الدفعات الشهرية والله اعلم يعني مثلا المخالفات المرورية والكفرات والزيت وصيانة السيارة عليه حتى تفتك من موضوع تعطلت السيارة وغيرها من الاعذار

الله يوفقك ياخوك

اتوقع المبلغ كويس مع العلم ان سبق وحصلت واحد قالي اجارات الدانة ماتتعدى 3500 ريال لاكن انت تاكد قبل كل شي واتفق مع العامل والله يرزقك ويوسع لك

الله يكتب لك الخير ..