19-05-2013, 04:02 AM
|
عضو متواصل
|
|
تاريخ التسجيل: Jun 2012
المشاركات: 53
معدل تقييم المستوى: 908922
|
|
|
ياخادم البيتين والخمس الأركان ، قصيدة من أجمل ما كتبت ..
( بسم الله الرحمن الرحيم )
السلام عليكم ورحمة الله وبركاته ..
أحبّ أن أشارككم
بقصيدة وفاء في سيّدي خادم الحرمين الشريفين ،
الملك عبدالله بن عبدالعزيز آل سعود ..
ياخادم البيتين والخمس الاركان=يادرع باذن الله كساها حصانة
مجدك لمس كف الكواكب والامزان=وخْطاه للتاريخ تمشي برزانة
يا اعجاز حمله ما استطاعته الامتان=يا انجاز عقبة في بنى قيروانه
يا اطهر سجل يخشى حسيب(ن) ورحمن=واحذر عمل يخشى الزلل والادانة
يا ايسر من النسمة فالاصباح تزدان=واعسر من الضرغام في عنفوانه
في سيرتك نفحات من زهر بستان=سوسن نفل نسرين وبْعيثرانة
نرجس خزامى بيلسان(ن) وريحان=اوركيد كادي جوري(ن) واقحوانه
لك وصف(ن) يشنف باغانيه الاذان=يصعب علي تفسيره وترجمانه
كنّ الخليل اوجد لساحتك الاوزان=ما زانك الشعر اسمك الحر زانه
اسمك لحاله جاه عرش(ن) وتيجان=يجتاح تدبير العدو واللعانة
اسمك يقلد صدر الامجاد نيشان=يكسب قصيد المدح عزّ ومكانة
ذكرك صداه ابلغ من اشعار ديوان=من شاعر تدرّس فصاحة لسانه
بقْياس عبد القاهر بلاد جرجان=علامة القول البليغ وبيانه
والفضل لو هو شخص من ضمن الاعيان=بيشر الى حضرة مقامك بنانه
يا مبتدى ويا منتهى درب الاحسان=يا حصننا الثابت شديد المتانة
لا دقّ ناقوس الخطر عند بلدان=والوقت قطّب بالغضب حاجبانه
تلقى السعودي في صروح(ن) وعمران=هاني ومتهني في امنه وامانه
والغير عايش بين مطرق وسندان=في وضع متلون يزيد احتقانه
حزمك على بث الفتن قيد سجان=يا هيبة(ن) تبعث فالاحجار الانة
تدفع على نيرانها مدّ طوفان=والباس بِاقدامك مروّض حصانه
لك هيمنة في سالف الوقت والآن=لك في سنام المجد مركز وخانة
يا نجدة المنكوب وانسه والاعوان=يا ابواب فرحه وانفراج امتحانه
شعبك يقوده حب ما قاده اذعان=ما ترفع ايده لافتات انطحانه
احكام شرعية وموروث جدّان=طاعة ورفعة عن فلول الخيانة
ومواطنتنا حتّمت نصبح اخوان=لا عنصريّة لا انتقاص وإهانة
حنّا عصا موسى وخاتم سليمان=بيدك وغى ثار وتصاعد دخانه
حنّا زمر تفدي بالارواح الاوطان=رهن الإشارة حدّ رمح وسنانه
لاجل الوطن هانت تفاصيل الاكفان=والدمّ نسكب حمرته وارجوانه
والفكر الارهابي تناسته الازمان=دمّه سفك والعمر أُفقد ضمانه
لاتْذكرك خاين يهوّن بخذلان=لاقاده الخبث الدني للعفانة
دستور حكمك نهج سنة وقرآن=ويْدار باحكام الحدود المصانة
خلّى السعودي واجهة عالي الشان=فـ المحفل السامي وفي مهرجانه
خلّاه شامخ يمتطي كلّ ميدان=والعزّ يتمنّى شرف إحتضانه
المملكة متقلّدة عقد مرجان=في ظلّ راية من غمرنا حنانه
دار العواصم من سكاكا لجيزان=الله رافع شانها جلّ شانه
دار الحقوق اضعاف واميال واطنان=ومْقدّر الشعب وجزيل امتنانه
أبعد أمل لو هو مغلف بكتمان=تحققه بالرفق واصلح بطانة
في صورتك فوق الشواهيق برهان=إنّ الرضا دوّن أدق استبانة
حلّيت فينا روح تسكن فالابدان=عينين تحرس ليلنا وتسهرانه
وتْطيب دنيانا لو العالم احزان=ياللي على الغيمة ركز صولجانه
يا قلب بهْموم المخاليق خفقان=نبض الغلا لك نسبته واقترانه
مدرار خيرك ما يُقابل بنكران=جزل العطا فـ الذاكرة اختزانه
تبذل لدفع النهضة نفيس الاثمان=يا اكرم من الديمة ونيل الكنانة
تنشد لك الصحة من اعماق وجدان=يالعافية تكفين عمّي مكانه
منْك الوطن فزّت صحاريه غدران=كرّست له روحك وصنت الامانة
حتّى سراب القايلة فاض هتان=والحنظلة اتحولت زعفرانة
المستحيل اضحى بعهدك بالامكان=والكايد بعزمك ملاقي هوانه
بعثاتك تخرّج مغذّين الاذهان=بفكر متنوّر مخلّد أوانه
علم(ن) مبين النور في كلّ الاحيان=من حلّ والشمع اخمده شمعدانه
بذورك بمحصولها مالت اغصان=والعلم قدره بالوجود وعنانه
عبدالعزيز ارسى قواعد وسيسان=وسْلاحه ايمان وصلاح وفطانة
فارس وباقدامه نسف كلّ بطلان=لاخر رمق فـ الدهر رسّخ كيانه
يا ربّ يا مومن مهيمن ومنان=تعفي عنه يامن بك الإستعانة
واحفظ أبو متعب ومقرن وسلمان=كلّ(ن) بهرنا حكمته واتزانه
وارحم فهد واغفر لنايف وسلطان=واللي ثرى العود ازدهر باندفانه
أتمنّى أن تكون القصيدة نالت على استحسانكم ،
ودمتم بخير ..
|
العرض المتطور
