السلام عليكم ورحمة الله وبركاته

في البدايه اشكر القائمين على المنتدى واسأل الله ان يكتب لهم الاجر
والشكر ايضآ لاخواني واخواتي الاعضاء على حسن اخلاقهم وتعاونهم فيما بينهم عسى الله يرزقهم ويوفقهم جمبعآ

حبايبي انا طالب جامعي وحاب استفيد من باب رزق جميل في انشاء مشروع ممتاز
داخل مدينة الرياض كل اللي ابيه منكم عرض المشاريع والنصائح
وياليت تتوفر دراسة الجدوى

وصلى الله وسلم على نبينا محمد وعلى آله وصحبه اجمعين

خطر في بالي مشروع محل خضار وفواكه ..
شرايكم مع العلم اني لست متفرغ له ولكن بأجره على احد الاخوان السعوديين بمبلغ يرضيه ويرضيني
استفيد ويستفيد ..

أخي الكريم المفروض كل شخص يعرف الأشياء اللي يقدر يسيطر عليها
ويتقنها عشان يعرف مداخلها ومخارجها
أنت شوف وش المجالات اللي تحبها وإذكرها عشان أهل المنتدى يساعدونك بالأفكار ..

وعليكم السلام ورحمة الله
هلا فيك اخوي
ما انصحكـ في باب رزق اتبعد عنهم افضل لكـ
مجرد كلام فقط لا اكثر ولا اقل انا رحت لهم


ان تبغى تلعبها صح
قدم على بنك التسليف والسنه هاذي داعمين للجامعيين فرصهـ لكـ حلوهـ
اهم شئ عندكـ دراسه جدوى

وعندك بعد صندوق المئويه يدعم المشاريع

فيه اعلى القسم هذا قسم خاص لـ اعداد دراسات الجدوى تفيدكـ كثير

شاكر لكم الإطراء ..

الشمالي كلامك صحيح ..
انا والله ماعندي ميول لنوع معين من التجاره وبما اني طالب جامعي والحمدلله على ااحسن حال
ف اللي قاعد افكر فيه مشروع يعطي دخل شهري .. الى ان اتخرج واطوره

اخي عاشق اسبانيا ياليت تجيب معلومات اكثر عن بنك التسليف ودعمه للجامعيين واكون لك من الشاكرين