السلام عليكم ورحمه الله وبركاته

طبعاً الحمله التي قامت بها وزارة العمل والجوازات فرصه رائعه .
حاولت انتهزها وبدأت :

فتحت سجل تجاري
وبحثت عن موقع مناسب ووجدت عدة مواقع

المشكله :

حتى أحصل على الفيز والعمال يجب ان اوظف سعودي براتب 3000 ريال + التأمينات 600
ايجار محل 25000 ريال سنوي + 8000 تجهيزه ( بويه مكتب حاسب .... الخ )

بعد شهر من دفع هذه المبالغ بيعطوني 3 فيز فقط
6000 ريال + استقدام + 2400 للتأمينات

نجي لموضوع سكن العمال وكم بيحتاج

ولا ننسي السيارة والمعدات

بحسبه بسيطه احتاج 80000 ريال لقيام المشروع فقط

هل تنصحون باكماله او التفكير بمشروع اخر

حساباتك مو صحيحه
اولا لاتحتاج لمعدات لو فكرت بالتشطيب بس
ثانيا تقدر تستاجر محل ب ١٥ الف
ثالثا مايعطونك فيز الا بعقود وتراخيص بناء
رابعا لابد يكون لك علاقات قويه بسوق العمل
خامسا المقاولات ذهب لو ربي ووفقك
سادسا حول تنقل كففالات احسن واسههل من الاستقدام

اخوي حط في بالك اي مؤسسه جديدة بعد صدور القرار مستحيل يوافقون علي نقل عمال لديك
وارجو مراجعه موقع وزارة العمل واقراء اشتراطتهم

المقاولات فيها خير كثير .. ما انصحك تقدم فيزا.. لأنك لو حصلت عليها اما انك تتفق مع عامل يجيب لك قريب له و هذا ما يكلف او انك تستقدم عن طريق مكاتب الاستقدام و هذا جداااااااااااااا مكلف التكلفة 15000 الف ريال للتأشيرة.
احسن شي تنقل كفاله و راح تحصل واجد.. او انك تتفق مع مؤسسة مقاولات اخرى بحيث يكون فيه تعاون بينكم..

رفــــــــــــــــــــــــــــــــع

بتوفيق للجميع

[align=right]كمّل يالغالي ودربك أخضر ، ولا تحرص على الفيز بكثر حرصك على نقل الكفالة
أسرع وأسهل والاهم أنه أرخص ولا يكلف شيء

وموفق يارب = )
[/align]

ضاعت عليك الفرصه الاولى والحين جتك فرصه ثانيه لاتضيعها بترددك
ولاتنسى المملكه اكثر من النص ماعندهم بيوت يعني قدامك على اقل تقدير 30
سنه المقاولات عليها طلب