[align=center]السلام عليكم اخواني الاعزاء

بدخل بالموضوع بدون مقدمات انا اليوم رحتلهم واللي كان واقف على الطول والوزن ضابط برتبة رائد وقاسو طولي طلع 168 وقالي شوف طولك ما ابي اضلمك وقلت ي رجال خيره ان شاء الله المهم قلتلهم امسك خط بريده خلاص وقالي لحظه لا تروح عندك مقابله قلت وش استفيد من المقابله خلاص طولي مايسمح ويقولي الظابط يمكن يمشونك وجيت عند الظابط وشاف ملفي وقعد يسالني في اي جامعه وفي اي تخصص المهم خلصت من عنده وقال اجلس قدام ودقيقتين الا هم ينادون اسمي وجاني ضابط ثاني غير عن اللي اخذ المقابله وقالي توصلك رساله على الايميل انقبلت او مانقبلت قلت له بس عندي مشكله قال وش قلت ايميلي مسجل خطا ي حبيبي تقدرون ترسلون على الجوال قال بس الايميل واقعد اطالع فيه شوي وهو يقول بالعربي ما انقبلت مع ضحكه وانا ابتسم ابتسامة الحمد واتوكل بملفي الزبده كل ماقابلت احد قدامي يسالني معك واسطه معك واسطه واقولهم واسطتي الله طلعت من عندهم الا تعبان واستاجر شقه ونمت وصحيت الساعه خمس الا جتني رساله تم قبولك مبدئيا ادخل الايميل وتسذا" طلب اخير قبل اختم اللي جاته هالرساله يعطيني نص الرساله اللي في الايميل وتقبلو تحياتي


معلومات عن الدوره مدتها سنه و 8 شهور وفيها صاعقه ومظلي وتعيينك بيكون مدرب في الطائف طول عمرك برتبة عريف والراتب فوق الثمانيه وماراح تنقل الا اذا عندك واسطه قويه [/align]

ان شاء الله تحصل من يفيدك وانا اخوك
وان شاء انك اول المقبلين على دوره الاستخبارات
وبالتوفيق