[align=center]السلام عليكم ورحمة الله و بركاته

نشكر كل القائمين على هذا المنتدى الرائع و توجيهاتهم و الاخبار الجديدة لاني الحمد لله حليت مشاكل البطاله من بعد الله ثم هذا المنتدى الرائع و من اخواننا الكبار , الله يجزااكم خير و يرزقنا وياكم ..

الحمد لله يارب راح اكمل االجامعه بعد ما كنت نااوي اسجل بالعسكرية و لعلها خيره ان شاء الله ..

هالايام بديت ادرس مشروع احلامي , المشروع اللي كنت افكر فيه و ادرسها من ايام اول ثانوي ! حليت جميع المشاكل اللي ممكن تواجهني و افكار جديدة يعني درسته درراسه كامله بس باقي اروح اسال الشركات الاخرى او بمعنى ادرسه دراسه ميدانية !
المشروع يا اخواني , افتح شركة نقل معلمات .. مشروع راح يدخل ذهب و حسبت اكثر من حسبه حسبت حساب اسواء الحسابات و كان الربح كثير
خطيت الاسعار ارخص شئ ممكن و كان الربح كثير
دخلت على منتديات البنات و لقيتهم يعانون من غلاء الاسعار و انهم ما يبقى شئ من مكافئاتهم
فقلت اخفض الاسعار اللي النص يعني تنزيل 50% و لقيت الربح رهيب جدا و فعلاً مبالغ ممتازه

ياخوان انا درست هالمشروع بشكل كامل تقريباً , حسبت كم يبي لي راس مال و راح ابداء ب 8 باصات و 5 فانات نقل معلمات و مكتب واحد و الربح راح يكون للتطوير الى ان تكبر الشركة
سالت ناس تجار و قالوا مشروع مربح و ما في مستحيل و من هالكلام , خاصة ان اخواني تجار كبار بالسوق و من 2008 بداوء و الله يوفقهم و يزيد خيرهم بيساعدوني بالادارة و الوالده راح تعطيني مبلغ ليس كبير مره و لكن بيساعدني في شراء الباصات ..

الان انا وقفت عند كم نقطه اللي هو / كيف احصل على تمويل او قرض مالي ؟

النقطه الثانية ! و هو سوال في مخي دائماً يطري في بالي

ليش انا ؟

دايم اسال اقول ليش انا عمري 18 و افكر بمشروع زي هذا ! مب معقوله الشباب السعودي ما افكروا في مشاريع قوية جدا و تدخل ذهب ؟ ابي اعرف وش المشاكل اللي واجهتهم ! ليه ما اشتغلوا و طوروا انفسهم هل النظام يمنع ذلك او الشروط معقده جداً او اوا ؟؟

و شكرا لكم اخوكم / شاب طموح اريد ااوصل الى خيااالي !
[/align]

ربي يوفقك والمشروع حلو

قبل ما تخفض الاسعار

هل فكرت ان الباص الي شريته بس 100 الف بعد كم ستة بتبيعه يمكن ما يجيب 40 الف
هل حسبت انه ممكن عملية صيانية لمرة واحدة لباص واحد تاخذ منك دخل شهر او شهرين
خاصة اذا كانت بسبب حادث لا سمح

طبعا امور اخرى اكيد حسبتها
رواتب السواقين سكنهم اكلهم, مصاريف البنزين وتغيير الزيت والكفرات........الخ

اخوي بجد مشروع راااائع
وليه انت هذا لان مبلغه كبير بداية وثانيا وهو اصلا مو انت بس انا اعرف كم شاب الله يوفقهم واياك يشتغلون

فيه ومبسوطين وارزاق تجيهم منه

واما بالنسبة للغلا فانا مثلا موظفة في الشميسي ولي زميلات في حي الوزارات يوصلها واحد ب1000 ريال

حشى لو انها في اقصى الرياض ... معاناه والله

واخيرا دعواتنا لك بالتوفيق والسداد والرزق الحلال

وعليكم السلام ورحمة الله وبركاته.

مشروع جداً رائع ويعتبر فريد من نوعه بالافكار الموضوعه

أما بالنسبة للأيجار المنتهي بالتمليك فقد اجمع العلماء على انه محرم لأنه عقد في عقدين

شكراً

الاخ خيالي
ممكن تتواصل معي ع الواتس اب طبعا الامر لا يخص هذا المشروع لكن يوجد توافق كبير بيني وبينك لعل الله يكتب لنا الخير
0568506648
محمد الثبيتي/الغربيه

الله يوفقك ان شاء الله اتوقع يكون مربح

مشروع ممتاز

لكن مشكلته موسمي فقط وقت الدراسة

طيب في العطلة وش بتسوي بالسواقين......؟ بتدفع لهم رواتب لين يبدا العام الجديد..؟