سنة أولى خضار ..من الصفر إلى المليون

آجمل حكآيه · #21 (**permalink**) 23-05-2013, 11:12 PM

اقتباس:

المشاركة الأصلية كتبت بواسطة آجمل حكآيه

لكن معي اللي أفضل منها 1- رب العالمين 2- حسن الظن برب العالمين

ابشركم لقيت العربية

رحت السوق بعد المغرب والله مو نيتي أدوّر العربية لكن شفت اليماني اللي باعني اياها
وأنطحه قلت له العربية انسرقت قال الحلال ما يضيع العربية موجودة .. قلت يا ولد يا هوووه
من جدك أنت ؟ قال والله موجودة ويتصل على صاحبه ويجيبها ..

السالفة وما فيها إن فيه يمناء اتصلوا عليه قالوا لقيينا عربيتك مرميّة في مكان معيّن
يحسبون إنها عربية خويّهم اليماني ما يدرون إنه باعها عليّ .. قالوا له لقينا عربيتك
يمكن مسروقة منك .. فأبو يمن ما قصّر قال لهم ايوه مسروقة جيبوها .. وخلاها عنده
قال قلت في نفسي أكيد مسروقة من صاحب الحلال .. قلت والله العظيم ما قصرت الله
يجزاك خير قال انا ودي لو أعرف بيتكم كنت أجيبها لك البيت لأني شفتك بعت جوالك
وكذا .. أكيد ضبحان ههههه والله العظيم أحرجني بأخلاقه محترم لأبعد الحدوود .. قال
خذها اطلب الله قلت والله ما آخذها لأنها كانت مع صاحبه هو اللي لقاها وكان يشتغل
فيها مؤقتاً وشرى لها سلسلة وقفل جديد .. قلت والله يستاهل ..
خليه يشتغل عليها يومين ثلاثة وأنا أجي آخذها منك ..

لي عودة ان شاء الله

§ سلطان § · #22 (**permalink**) 24-05-2013, 02:38 AM

اقتباس:

المشاركة الأصلية كتبت بواسطة آجمل حكآيه

ابشركم لقيت العربية

رحت السوق بعد المغرب والله مو نيتي أدوّر العربية لكن شفت اليماني اللي باعني اياها
وأنطحه قلت له العربية انسرقت قال الحلال ما يضيع العربية موجودة .. قلت يا ولد يا هوووه
من جدك أنت ؟ قال والله موجودة ويتصل على صاحبه ويجيبها ..

السالفة وما فيها إن فيه يمناء اتصلوا عليه قالوا لقيينا عربيتك مرميّة في مكان معيّن
يحسبون إنها عربية خويّهم اليماني ما يدرون إنه باعها عليّ .. قالوا له لقينا عربيتك
يمكن مسروقة منك .. فأبو يمن ما قصّر قال لهم ايوه مسروقة جيبوها .. وخلاها عنده
قال قلت في نفسي أكيد مسروقة من صاحب الحلال .. قلت والله العظيم ما قصرت الله
يجزاك خير قال انا ودي لو أعرف بيتكم كنت أجيبها لك البيت لأني شفتك بعت جوالك
وكذا .. أكيد ضبحان ههههه والله العظيم أحرجني بأخلاقه محترم لأبعد الحدوود .. قال
خذها اطلب الله قلت والله ما آخذها لأنها كانت مع صاحبه هو اللي لقاها وكان يشتغل
فيها مؤقتاً وشرى لها سلسلة وقفل جديد .. قلت والله يستاهل ..
خليه يشتغل عليها يومين ثلاثة وأنا أجي آخذها منك ..

لي عودة ان شاء الله

[align=center]الحمد لله هذا من فضل الله .. .. والله انك فرحتني انك لقيتها
وحنا في إنتظار عودتك يابطل
والله يرزقك من أوسع أبوابه .. إنه جوادٍ كريم[/align]

الشاااادن · #23 (**permalink**) 24-05-2013, 03:34 AM

والله مواقف كثيرة ضحكت فيها الله يسعدك يا رب

..

بارق الفجر · #24 (**permalink**) 24-05-2013, 03:42 AM

ماشاء الله تبارك الله عليك عسى الله يوفقك ويوسع عليك وأن شاء الله مع الصبر والأجتهاد راح تتحقق أهدافك ....

آجمل حكآيه · #25 (**permalink**) 24-05-2013, 06:32 PM

اقتباس:

المشاركة الأصلية كتبت بواسطة دلني عالسوق

[align=center]

أخي الكريم .. يبان عليك ان عندك عقلية تجارية .. فاقترح عليك توظيفها في عمل يوصلك بإذن الله أسرع من لو بدأت بهالطريقة من تحت الصفر ؟!! ماهو ضروري تبتدي من سوق الخضار .. ممكن تأجل هالخطوة وترجع لها مستقبلا بشكل افضل .. بسيارة مثلا او وانيت وتشتغل بحجم أكبر .

وتوصل للي في بالك مع المثابرة ..
[/align]

آخي الغالي اسمك جميل جداً ..
يخوي ما معي سيارة التكاسي حفظوا وجهي

وما هي شينة والله أهم شي النية
ترى البداية من الصفر لها طعم خاص حتى ولو كانت صعبة ولو تدقق أنا هدفي فهم السوق
لو إني أبيها مصاريف وبس حراسة أمن ما قالت شي صارت الرواتب 3 آلاف الحين
لكن أنا الهدف الأول فهم السوق ومنها مصاريف .. حتى الآن أخذت معلومتين مهمة جداً
وما كنت أتوقعها ..

1- البصل مستورد من خارج المملكة 2- السعر شبه ثابت
يعني التغييرات بسيطة ومن فترة لفترة .. مو مثل الخيار والطماطم وغيره .. المعلومة لها
طعم خاص وتلصق في المخ لما تنزل بنفسك وتبحث عنها .. ولا زلت في البداية عندي 100
سؤال ثاني وراح أبحث حبة حبة بهدوء تام .. أفضل الأنواع والمطلوب بكثرة ومين
الموردين الأساس وكم مدة حفظ البصل في المستودعات وغيره وغيره .. المهم التركيز

أما بخصوص تقول عندك عقلية تجارية جزاك الله خير لكن بدري علي صحيح اشتغلت
في أكثر من شغلة لكن هذا مو معناه إني صرت عقلية تجارية أنا أشوف أهم شي بعد
الخبرة هي العلاقات يعني اذا شفت شخص خبير في السوق وعنده علاقات واسعة
هذا عقلية تجارية .. أما أنا تقدر تقول تجارب بسيطة ولا أخجل منها .. أنا اشتغلت عبر
الإنترنت أنشر اعلانات .. والحمد لله لقيت طلب لكن ما استمريت بحكم إنها مملة وتجهد
العين يعني تخيل انشر الإعلان الواحد في 3 ساعات وراحتي فيها قليلة لو أخذت راحتي
أنشر الإعلان الواحد في6-7 ساعات

عشان كذا تركتها .. عيوني تعبت .. أنا الحين أحضر لتجربة جديدة وراح أكتبها لكم إن شاء الله
حالياً كل تركيزي على رفع رأس المال وبإذن الله أنجح بإذن اللي ما تنام عينه ..

شكراً لكم ولي عودة بإذن الله لكل من أكرمني بالرد والتشجيع

بطالة مقنعة · #26 (**permalink**) 24-05-2013, 07:44 PM

ياسلام عليك ... ياليت كذا تبدأ بالتسجيل في مذكرة كبيرة وتدون فيها المعلومات وأسماء التجار ... ترى مع الوقت راح يصير نسيان أو تتشربك عليك المعلومات ... وسجل في بداية المذكرة (( هدفك )) وهذا راح يعطيك دافع أكثر وأكثر ... الله يوفقك ويحقق مرادك

حالم كبير · #27 (**permalink**) 24-05-2013, 08:14 PM

اقتباس:

المشاركة الأصلية كتبت بواسطة آجمل حكآيه

آخي الغالي اسمك جميل جداً ..
يخوي ما معي سيارة التكاسي حفظوا وجهي

وما هي شينة والله أهم شي النية
ترى البداية من الصفر لها طعم خاص حتى ولو كانت صعبة ولو تدقق أنا هدفي فهم السوق
لو إني أبيها مصاريف وبس حراسة أمن ما قالت شي صارت الرواتب 3 آلاف الحين
لكن أنا الهدف الأول فهم السوق ومنها مصاريف .. حتى الآن أخذت معلومتين مهمة جداً
وما كنت أتوقعها ..

1- البصل مستورد من خارج المملكة 2- السعر شبه ثابت
يعني التغييرات بسيطة ومن فترة لفترة .. مو مثل الخيار والطماطم وغيره .. المعلومة لها
طعم خاص وتلصق في المخ لما تنزل بنفسك وتبحث عنها .. ولا زلت في البداية عندي 100
سؤال ثاني وراح أبحث حبة حبة بهدوء تام .. أفضل الأنواع والمطلوب بكثرة ومين
الموردين الأساس وكم مدة حفظ البصل في المستودعات وغيره وغيره .. المهم التركيز

أما بخصوص تقول عندك عقلية تجارية جزاك الله خير لكن بدري علي صحيح اشتغلت
في أكثر من شغلة لكن هذا مو معناه إني صرت عقلية تجارية أنا أشوف أهم شي بعد
الخبرة هي العلاقات يعني اذا شفت شخص خبير في السوق وعنده علاقات واسعة
هذا عقلية تجارية .. أما أنا تقدر تقول تجارب بسيطة ولا أخجل منها .. أنا اشتغلت عبر
الإنترنت أنشر اعلانات .. والحمد لله لقيت طلب لكن ما استمريت بحكم إنها مملة وتجهد
العين يعني تخيل انشر الإعلان الواحد في 3 ساعات وراحتي فيها قليلة لو أخذت راحتي
أنشر الإعلان الواحد في6-7 ساعات

عشان كذا تركتها .. عيوني تعبت .. أنا الحين أحضر لتجربة جديدة وراح أكتبها لكم إن شاء الله
حالياً كل تركيزي على رفع رأس المال وبإذن الله أنجح بإذن اللي ما تنام عينه ..

شكراً لكم ولي عودة بإذن الله لكل من أكرمني بالرد والتشجيع

الله يوفقك وعقبال ما نشوف من كبار التجار

واذا احتجت اي شي لا يرد ولا شي حتى لسانك

والله اني اقولها صادق اذا احتجت اي قول اعتبرنا اخوانك

بالتوفيق

نبع الصمت · #28 (**permalink**) 25-05-2013, 01:27 AM

الله يوفقك ونشوفك من الاشخاص المرموقين بالسوق السعودي واصل ولاتوقف

خارج نطاق صندوق · #29 (**permalink**) 25-05-2013, 01:51 AM

خذ نفـس عميــق الله يسعــدك ويكثــر من أمثــآلك
انا مستعد إفتح لك محل واشتغل معه فيك هنا في الرياض بكرة اذا تبي
وتسددني من راتبك يابطل لين تدفع نص قيمة مشروع ونصير اثنينا راعين حلال الارباح نص بنص
مكيفات اسبليت ودباب توصيل وعامل ودعاية في مطاعم الخ ..
وفي مكان مميز انشاء الله
لكن انت تقول انك تدرس , اذا تقدر تسوي نقل من جامعة الى جامعة هنا في رياض او تسوي اعادة قيد هنا في رياض , يعني تسحب ملفك وتقدم نفس تخصص هنا في رياض اعادة قيد
نشوفلك واسطة ابشر بعزك
اثرت فيني يوم ما خذيت عربة المسروقة يا رجل لوووول
لا تواصل معي وابشر والله بالخيرات وليرات

تحيـــــــــــــآتـــي . . .