السلام عليكم ورحمة الله وبركاته ..

وشلونكم يا أخوان ..

أبي اسئل عن وظيفة مساعد أداري في قسم الموارد البشرية ..

هل لها مستقبل وسلم وظيفي ..

ولا لا ..

شكرا

والله ماعندي خلفية بس حبيت ارد وادعي لك بالتوفيق
يفيدونك الاخوان ان شاءالله

[align=justify]
وظيفة ( المساعد الإداري ) هي مثل ورقة الجوكر تحطها في أي إداره أو قسم يقدر يترقى ويكتسب الخبره ويتحرك ماهو مثل الموظفين المربوطين بمسمى وظيفي محدد ، ومثلاً موقع وظيفتك حالياً في قسم الموارد البشريه فهذي بحد ذاته شئ حلو بالتأكيد ويمكن بعد 2 ، 3 سنوات من الشغل الجاد تمسك شغله خاصة في الإداره.

وأنصحك إذا مؤهلك حالياً ( دبلوم ) تكمل في جامعة الإنتساب في إداره الموارد البشرية أو إدارة الأعمال.

بالتوفيق ..
[/align]

كن مع الله ولا تبالي

..

الله يجزاكم خير ..

أخوي دانيال أنا معي بكالوريوس أدارة بس جتني هالوظيفة ..

علما أنه جاني قبل وظيفة بالتوظيف وأخصائي موارد بشرية من شركتين ..

ولكن للأسف أن رواتبهم أقل بفرق 1000 ريال تقريبا عن راتب هذه الوظيفة ..

وأنا قلت أخذها لفترة معينة وبنفس الوقت أبحث عن شركة ثانية الى ما الله يفرجها ..

هل مثل هالقرار بيكون صحيح .. ولا تنصحوني أني ما أستعجل ..

إذا إنت حاليا على وظيفة أخصائي موارد بشرية ..
فأنصحك وبشدة تبقى مكانك وال 1000 ريال ما راح تفرق معك ..
لأن مسمى الوظيفه قوي وراح يفيدك بعدين ..

فيه ناس تجيهم عروض اقل بقليل من اللي هم عليها
ويقبلونها على شأن المسمى الوظيفي ..

فنصيحة كأخ يعمل ايضا كأخصائي توظيف .. خليك فوق ولا تنزل لمسمى المساعد الاداري حتى لو قلت لي الفارق 2000 ... رياال

فعلا المسمى الوظيفي يفيدك مستقبلا

يعني مثلا تاخذلك معاهم اربع سنوات خبره وتحصل بعدين عروض جيده من شركات راقيه جدا

الله يوفقك

الله يوفقك يارب