[align=center]


مساءكم وصباحكم معطر بذكر الله ايها الأحبة ...

فكرة المشروع : شركة صغيرة لتصميم المطبوعات والإعلانات باختلاف انواعها باستخدام برنامج أدوبي فوتوشوب بما إني لي خبرة في هذا المجال كمصمم .. مثل الأغلفة - خلفيات - واجهة المحلات واللوحات - لوحات مشاريع المدارس والجامعات .. قوائم الأطعمة للمطاعم - الأرصدة - الشعارات والهوية - الستيكرات الإعلانية اللاصقة على السيارات والمحلات الخ اللي يقدر عليها برنامج الفوتوشوب الضخم .

المتطلبات الثابتة : مصمم عدد 1 أو 2 - تأجير محل بمنطقة تجارية مزدحمة - ديكور ومكتب - كمبيوترات عدد 2 ذات مواصفات عالية - طابعة - كراسي وطاولة للضيافة .

التكلفة التشغيلية كبداية :-

إيجار المحل (2000) لسنة تقريبا 24000
كمبيوترات تقريبا 6000
ديكور ومكتب وكراسي تقريبا (غير متأكد) تقريبا 20000
أخرى ..

المجموع حوالي (45000-55000)

ايش رايكم في هذا النوع من النشاطات التجارية ؟؟؟ ايش هي إيجابيات وسلبيات هالمشروع من وجهة نظركم ...

بشنو تنصحوني في البداية لأحد ما عنده رأس مال حاليا ؟؟!!!

شلون نقدر نخفض التكاليف لأقصى حد ؟!!

شلون بتكون طريقة العمل والإعلان ؟؟؟

لو حبيت اوظف مصممين مثلا عن بعد أو بالقطعة .. وين اقدر الاقيهم وشلون بيكون التعامل معهم ؟؟

اي إضافة سأكون سعيد بها ..
[/align]

[align=right]هي شغله مربحه جدا ً ، لكن الأهم أنه تثبت وجودك بين الزخم الكبير من المؤسسات الدعائيه
وقبل هذا توكل على الله ثم حب الشغلهمن قلبك ، وصدقني راح توصل للي تبغاه
موفق يـــارب = )
[/align]

السلام عليكم

انا والله ماعندي خلفية عن الفوتوشوب أبداً لكن حبيت ادعي لك بالتوفيق

اول شي التخطيط وابدأ حبه حبه

يعني مو لازم كثير مصممين ،، ٢ مبدئيا يكفون

وتقدر تستعين بالفتيات البارعات بهالشغله من بيوتهم يصممون ويفيدونك ويستفيدون بمبالغ رمزية


وقبل كل هذا خذ لك لفة على محلات الإعلانات كأنك زبون وتقدر تستفسر عن أسعارهم وكم دخلهم الشهري تقريبا

لا تبدأ شغله الا وانت واثق من مدخولها




الله يوفقك يارب

حياك الله

فكره حلوه وخاصة انك تحبها وجربتها كقطعه

نفس كلام الاخت تبدأ بكم مصمم او مصممة الى جانب وجودك ..

الله يكتب لك الخير

انا مصممة بس كم تاخذ على الشغل الواحد <<نصابة بتسرق فكرتك

اذا انت من الرياض ارسل لي رقمك بس شرط تكون جآد بالشغلةة وصامل

لاني اهوى شي اسمه تصميم من يوم عمري 16 سنه .

وعلى فكرة ربما تكون فكرتك مؤسسة صغرى وربما تكون كبرى مع الشهره للتصاميم ودعاية وعلان ..

بالتوفيق لك

زبائنك راح يكونو مدارس ومراكز تحفيظ وما الى ذلك

ممكن تسوي بروشور حلو وتحط فيه تلفونك

هم لا بد يطلبون منك لوحات وتصاميم وكذا تبدأ وحده وحده