[align=center]السلام عليكم

يا اخوان انا سجلت المعدل خطاء اقل من معدلي في جدارة وترفعت الاسماء ومالقيت اسمي ورحت للخدمة المدنية قالولي لا يمكن التعديل الين يدعوك للمطابقه
والمشكله ان ترتيبي بالمعدل الي سجلته بعيد مع الي معدلاتهم متدنية و المطابقه حتاخذ كم سنه الين يجي اسمي والقهر اني ماقدر اعدل فيه شي بحجه ان الاسماء اترفعت خلاص ولا تقدر تعدل شي الين المطابقة

الي حصلت معاه المشكله والي يعرف حل لا يبخل علينا


[/align]

الله ينصرك ويسهل أمرك


أكثر من الأستغفار يأتيك الفرج


هم لا حياة لمن تنادي ولا جابو لك طاري مير ربي بعونك ويفتح لك فتحا مبينا

تقدر تدخل الحين جداره وتعدل عادي

أما بالنسبة للخطأ ماراح يكون معاك في كل مفاضله. ،، فقط سيكون في المفاضله اللي غلطت فيها وما نزل اسمك خلاص هذي راحت
أما المفاضلات الجايه اذا عدلت الحين راح تدخل بإذن الله. ويكون لك الأولوية لان معدلك ارتفع عن المفاضله السابقة

الله يسهل امرك انتبه اخوي في المرات القادمه

وفالك التعيين القريب باذن الله

الحين عدل بياناتك بجدارة من الموقع
والسبت راجعهم أحيانا يقبلون يعدلون من عندهم
جرب يمكن تطيح في ابن حلال يساعدك
موفق

تتيسر اخوي
اممم الحين ابفهم انا خريجة عام 1426_1427هـ وقدمت في الخدمه المدنيه وبعدين حولوها الى جداره وليومي هذا ماسمعت طاري مفاضله بالنسبه لي ولا شفت رساله ولا اتصال وأحدث دائما ولا حياة لمن تنادي
طيب "سؤالي لماذا لآ ينظر الى بنات الجغرافيا الا الآآآآن ودائما مكتفين على كلامهم وخاآآآآصة المنطقه الشرقيه
طيب ليه يقرون بدراستها بالجامعه والكليات اذا هي غير مرغوبه في التعليم عكس باقي الموآآاد والى متى

ادخل جدارة وعدل بياناتك
لمن يفتح الديوان المرة الجايه وتقدم تكون مقدم بعدلك الحقيقي

والله بنتعرض لظلم كبير لاكن الله اكبر عليهم

يعني مايقدرو يعدلو في نظامهم ؟ الي تورط مثلي ايش يسوي ينتظر سنين ويتحمل ذنبهم

[align=center]وعليكم السلام ورحمة الله وبركاته

ادخل الآن جدارة وعدل الخطأ
احتمال كبير المفاضلة هذي راحت عليك لكن المفاضلة الجاية ما بتروح إن شاء الله
حاول تراجعهم وكلم كذا واحد لعل الله يسخر لك أحد منهم وإذا ربي كتب لك تعدله في هذي المفاضلة راح تعدله
الله يوفقك ويفرجها عليك ..[/align]