الوظيفة المدنية ولا تتردد ولو بغيت ابتعاث فيه امكانيه يعني عصفورين بحجر .

الكلية الامنية يعني عسكري اشرررررد احسن لك والله ان تندم على كل لحظه فيها .

الابتعاث للدراسه وترجع تدور وظيفه يعني ؟؟؟وهل تضمنها ؟؟؟الي اعرفهم للحين يدورون والله يعينهم ..

السﻻم عليكم
اخي الكريم بالنسبة لتخصصك لديك وزارة الدفاع دورتها 9 اشهر و تتخرج برتبة مﻻزم اول اذا كانت مدة دراستك لتخصص 5 سنوات
التعيين يكون بأحد افرع القوات المسلحة ( برية - جوية - بحرية - دفاع جوي - الهيئات التابعة للوزارة- الخدمات الطبية - غيرها من القطاعات )
العمل يكون في صمييم تخصصك الجامعي و فرصة الابتعاث متاحة جدا و خاصة لأصحاب المعدلات العالية
رابط تقديم دورة الضباط الجامعيين لوزارة الدفاع http://www.afca.gov.sa/
هذا مالدي و اسأل الله لك التوفيق والسداد .

لاترفس النعمة برجلك وتترك الكلية الامنية الحين اهم شي

الراتب شوف الدنيا كيف مولعة الوظيفة المدنية رواتب طفسة

والابتعاث ماهو مضمون انك ترجع بالشهادة ولو اخذت الشهادة

احتمال ماتتوظف لأن فيه كثير معهم ماجستير عاطلين وانا اعرف

واحد معاه ماجستير عاطل وحصل وظيفة ماهي ذيك الزود الحين

رجع امريكا يكمل الدكتوراه

الكلية الامنيــة ولو انك ولدي ماخليتك تختار غيرها ابدن منصب في المجتمع و مكانة ولو لاقدر الله صار شئ كدا او كدا لك او لاحد تعرفه مجرد تعريف عن نفسك الكل يضرب لك تحية ناهيك عن التامين الصحي اللى ماراح تلقاه في الوظيفه المدنية ناهيك عن الراتب الفخم صح فيها نقل من مدينة لمدينة بس وشو الانسان من دون جهاد وتحديات ومغامرة وبينى وبينك اريح لك بكره ان شالله ان تزوجت تبعد عن غثا المشاكل ولما تزور اهلك الكل يرحب فيك مشتاقين لك وتقدر تكمل في جامعة نايف وتاخد دراسات عليا وتترقى اكثر واكثر خل عندك طموح وخطه لمستقبلك اما الوظيفه المدنية برضه حلوة بس مافيها طموح وفين وفين على مايعطونك ترقية ولافيها تامين صحي يعنى بتعانى اذا لاقدر الله تعبت او كان عندك زوجة واطفال لان بتعالجهم على حسابك اما الابتعاث هو حلو ومو خسارة بس بتتعب نفسيا وجسديا وماديا على ما تتأقلم وتضبط امورك ويبغى لك تصفي ذهنك للدراسه ولغة يعنى اذا انت مو لغتك 70% بالميه كويسه لاتروح من اولها حرام تضيع كم سنة بس تتعلم لغه والله سجلت دخول عشانك وكتبت لك لانى فعلا ابغى لك الخير والله يوفقك وكمل درسات لاتوقف

ماشاء الله معدلك مرتفع شف لك مؤسسة ولا صندوق والله تعيش ملك راحة وفلوس ومدنية خميس وجمعة وفلة زيادة على راتبك بدل مؤسسة 20%وراتبين بدل سكن كل سنة وراتبين كل سنة رمضانية يعني يجيك بالسنة 16 راتب علما ان تعيينك يكون بالمرتبة السابعة بما انك علمي وشكرا ...

اخي ابو صقر
الامنية من مميزات الأمنية التعين في المدن الكبيرة و الصغيرة و امكانية النقل في وزارة الداخلية ممكنة نوعا ما بحسب وذلك لكثرة القطاعات و اماكن تواجدها في كل مدينة و قرية . الراتب جيد . تكوين عﻻقات اجتماعية
من سلبياتها التعين مخالف لتخصص ممكن تعينك يكون بالدفاع المدني او الجوازات او المرور و غيرها من القطاعات


وزارة الدفاع من مميزاتها مجال عملك يكون في تخصصك الجامعي مهما اختلف القطاع . ممكن كذلك الابتعاث و اكمال الدراسات العليا
سلبياتها في التعيين كل قطاع له مناطق معينه مثلا البحرية الجبيل و جدة . الجوية في اي منطقة بها قاعدة جوية الدفاع الجوي محددة المناطق و اغلبها محافظات البرية يكون التعيين في اي منطقة يوجد بها قيادة عسكرية و ممكن تبتعد عن القطاعات و يعينونك بالوزارة بالرياض
الراتب يعني ﻻ بأس به