تجمع المتقدمين على وزارة الدفاع [الجامعيين] دورة 41

هاووس · #**1001** (**permalink**) 19-06-2013, 11:11 AM

السلام عليكم ورحمة الله وبركاته يا أخوان

تواصلت اليوم مع الإخوان في مكتب التسجيل بكلية الملك عبدالعزيز ، وكلمني النقيب ماجد البراك شخص محترم ومهذب ،

(كان استفساري عن الاستمارة بعد طباعتها في الصفحة الأخيرة الي تتكلم عن (اجراءات القبول ومراحل أعمال اللجنة

في الفقرة الرابعة ذكر مانصة ( تسلم الاستمارة إلى مكتب التسجيل بكلية الملك عبدالعزيز الحربية بالعيينة لآخذ موعد لإجراء الكشف الطبي والمقابلة
الشخصية )

ولكن بالموقع يقول تحجز موعدك وتطبعة ولم يذكر الحضور ، فهل نحضر لتسليم الإستمارة فقط والمواعيد نحجزها بالموقع ؟

قال النقيب ماجد لاحد يحضر للكلية بالعيينة واقضبوا أرضكم وريحوا وكملوا الاوراق ببقية الاجراءات والأوراق المطلوبة و اطبعوها وتعالوا على موعدكم
في مقرهم الي بطريق الملك عبدالعزيز أمام أسواق الشعلة ، لأن الاستمارة قديمة ومانتبهوا لها وسيتم تحديثها .

وقال لي بلغ الشباب وفقهم الله إن الي يعاني من مشاكل في طباعة مواعيد الحجز يجرب بالعصر أو بالليل هم عارفين بالمشكلة وشغالين على حلها ..

أسال الله لنا ولكم التوفيق .. أتمنى إني أفدتكم .

موظف متقاعد · #**1002** (**permalink**) 19-06-2013, 11:15 AM

يارب توووفيقك

رياض باشا · #**1003** (**permalink**) 19-06-2013, 11:22 AM

اقتباس:

المشاركة الأصلية كتبت بواسطة فيصل،

ياعزيزي اذا كان حالة الطلب عندك (طلب الترشيح تحت الاجراء ) اصبر ولا تتحطم ..اليوم ان شاءالله راح يجيك رساله انك مرشح ....انا مثل تخصصك ومعدلي 2من 4 وباقي انتظر ...زملاءي اقل من معدلي وجاهم ترشيح ....نقول ان شاءالله انا وانت اليوم تضبط امورنا ....وبالتوفيق لجميع الشباب

انا نفس الوضع والله يعلم عن الحاله الله يفرجها ان شاء الله
سجلت لنفسي ولاثنين من زملاي وجتهم رسائل القبول وانا ولاحد درى عني
مع ان معدلي اعلى والقياس اعلى واطول منهم. ما ادري على اي اساس يتم القبول
نصبر ونشوف اليوم يا قبول او اعتذار

سلطان الأسمري · #**1004** (**permalink**) 19-06-2013, 11:27 AM

اقتباس:

المشاركة الأصلية كتبت بواسطة تقاديم

لوسمحتوا يا اخوان زودونا برابط الاستعلام عن النتائج الاولية .

سلطان الأسمري · #**1005** (**permalink**) 19-06-2013, 11:43 AM

[align=center]شكرآ يا اخوان تم العثور على الرابط هههههههههههههههههه

وهذا الرابط للفائدة

http://www.afca.gov.sa/
[/align]

بويراز · #**1006** (**permalink**) 19-06-2013, 11:50 AM

اولاً صبحكم الله بالخير
لاهنتم يا اخوان أنا تخصصي محاسبة
ومعدلي جيد جداً
وتم قبولي بفضل من الله
حاب استفسر عن إجراءات الطول والوزن
انا طولي 173 ووزني 105 لأني كنت قبل سنتين حق اثقال وصارت جسمي دهون بعد ما تركتها وما تبين عليّ ملامح السمنة
هل يوجد تحجير بالوزن أو تمشي اموري
وياليت أحد يفيدنا بإجراءات الفحص الطبي
وبالنسبة للحضور هل ( بالزي الرياضي أو بالثوب والشماغ ) وشكراً

ولد جامعه الامام · #**1007** (**permalink**) 19-06-2013, 12:05 PM

[align=center]
تحت الاجراء الله يستر شكل نهايتها نعتذر عن عدم قبولك
[/align]

بويراز · #**1008** (**permalink**) 19-06-2013, 12:19 PM

اقتباس:

المشاركة الأصلية كتبت بواسطة ولد جامعه الامام

[align=center]
تحت الاجراء الله يستر شكل نهايتها نعتذر عن عدم قبولك
[/align]

اخوي خلك متفائل يمكن تحت الاجراء يفرزون التخصصات ومو شرط النتائج تطلع مره وحده وإن شاء الله تطلع مقبول نهائياً حتى مو مبدئياً

القايدالسلطاني · #**1009** (**permalink**) 19-06-2013, 01:32 PM

السلام عليكم

انا قدرت ادخل على الموعد

الموعد بالمكان اللي قدام اسواق الشعله
والحضور بدون جوال

والجامعيين لازم بنطلون اي لون و لازم فنيله خضراء

الله يوفقكم