[align=center]حسب اللي وصل لي أن التوجيه خلال هالأسبوع والدورة تبداء يوم 27 من هذا الشهر , لكن اللي سلم الملف وخلص كل اجراءاته بوزارة الدفاع يعتبر قبول نهائي ويستبعد من الأمنية !؟

ليت اللي عنده جواب أكيد مايبخل علينا[/align]

بعض من النصائح خلال 45 يوم

اولاً الف مبروك للمقبولين جميعاً واخص بالذكر اخونا مترجم انجليزي

ثانياً مقبلين على فتره تحول من حياه المدنيه الى حياه عسكرية مقيده بعض الشئ

في بداية التحضير الوضع بيكون لخبطة شوي وفيه بعض الخوف وبتلقى انواع التقميط من ضباط وافراد الكلية

حاول بقدر المستطاع انك تكسب اخوياك في الدوره لان مابينفعك بكره الا اخوياك ضباط الكلية بتتخرج وبينسونك

خذ وقت الاستجداد بفله وبسط واي شي خارج اسوار الكلية انساه

مهما حصل لاتكون ناقل اخبار عن زملائك عند الضباط لان بتلقى ضباط يحاولون يحصلون واحد يكون مصدر اخبار لهم

استغل وقتك بكل شي مفيد وحاول تتجنب التجمعات المشبوهه

نفذ الاوامر ولا تجادل لان الجدال مابينفعك بشئ

وقت التمارين لا تجيب الصدق كله نفد التمرين بأقل مجهود بدني

طبعاً الخير يخص والشر يعم هذا بنسمعها كثير

بالنسبه لي اهم نقطه اكسب حب وتقدير اخوياك لان هذي فائده الكلية

في الاخير كلها 9 شهور ونتخرج فتره قصيره وبتمر الايام علينا بسرعه

اهم شي اذا انت ماتقدر تسيطر على نفسيتك لا تنفس في اخوياك

والله يجمعنا في هذي الدوره على خير ونكسب معرفتكم ويوفقنا ربي

احترامي لكم جميعاً

اخوكم /سعيد المغيدي

ما قصرت يا سعيد..

الله يرزقك بالقطاع الزين .. والقوة اللي تبيها

انا الله يعيني على الخفاره هههههههه

اخ سعيد المغيدي ومن لديه معلومه الله يوفقكم عندي استفسار
بخصوص برنامج الاطباء المساعدين
سمعت انه بعد ٩ شهور يجبرون على دراسة الماجستير في كلية الامير سلطان للحصول على ماجستير طبيب مساعد
يعني بعد ٩ شهور مايتم تعيينهم ضباط الين يخلصوا دراسة الماجستير
هل الكلام هذا صحيح

توقعاتي والعلم عندالله ان التوجيه بيبدأ من يوم الثلثاء أو الأربعاء

اللهم ارزق كل واحد منا بالتوجيه اللذي يتمناه إنك قريب سميع مجيب الدعاء

المحبة والمعزة من الله اخوي سعيد

الله يسعدك دنيا واخرة انت والاخوان

والله الله بشيبانكم العجوز والشايب