وعليكم السلام

على نفس الرقم الاول والتحويله 210
تعطيه الاسم وان شاءالله يعطيك الكلام الاكيد

اما من ناحية ارسالها للوزاره لن مثل منتو عارفين
انها تابعه لوزارة الماليه وهي فرع لها
يضيفون رواتب الموظفين الجدد لميزانيتها
السنويه

اتمنى انكم فهمتو علي

الرقم كم لاهنت اخوي

0114422000

التحويله
210-212-213-228

الله يكتب لك اللي به الخيرر

وياك يارب الله يجزاك خير ويوفقك

كـل عام وأنتم بخير

وتقبل الله منكم الصيام والقيام وأعاده الله علينا وعليكم باليمن والبركات


بخصوص موضوعنا أنا كلمتهم قبل العيد وحاولت أنهم يعلموني بأسماء المقبولين لكن قالو النتائج تطلع بعد العيد

وكلمتهم اليوم الخميس 8\10 \1434 وقالي ممكن تطلع النتائج بعد 10 أيام بشرو يالربع وش صار معكم وأن

كان جتكم رسائل بالقبول النهائي علموني عشان أباركلكـم وأكـف البحث

وانت بخير وصحه وسلامه

عن نفسي لسى ما وصلني اي خبر

يا شباب وش صار معاكم
بشروا جاتكم رسائل شيء أنا أتابعكم ع طول ﭑﻟ̐ﻟ̐ـﮬہْ يكتب أجركم ..
سابق زمانه ، دكتور دفائه
إذا صار معاكم شيء خبرونا عشان نعرف وش حن عليه ولأ نكف ألبحث
لاهنتو أبي رد سريع وأذا صار شيء برضوا خبرونا ويعطيكم العافيه شباب

اخواني يسعد مساكم اسف عن التاخير عدنا وعدنا بالاخبار
والله مريتهم اليوم وبالقوه دخلوني الامن عليهم بعد طلبات وحب خشوم
المهم تكلمت مع المسوول هناك وقلت تاخر الموضوع ومافيه اي خبر منكم نبي نعرف ننتظر او ماننتظر قال لا باذن الله انتظرو وباذن الله خلال الشهر هذا الجاي يعني شهر 11 بتطلع النتائج وبنرسل للمقبولين نبلغهم وبعد بنرسل للمستبعدين نبلغهم بعدم القبول حاولت معه ابي اشوف اسمي قال والله راحت الماليه وننتظرالخبر اليقين منهم
ماقول الاعسى الله يوفقني وياكم حبيت اعطيكم الخبر اللي صار معي اليوم وموفقين جميعا

[align=center]بالنسبة لي ما وصلني شي الا اليوم التاريخ 16\11\1434هـ

ويعطيك العافية يا عليك الفرج يا الله على مجهوداتك

وأنا أتوقع أنهم بيسحبون فينا الا السنة الجديدة

وأنا أنصحكم لا توقفون تقديمات وتنتظرون ع أمل أنكم مقبولين أذا حصلك وظيفة غيرها توكل على الله وتوظف وأذا

أرسلولك بعدين تقدر تفصل وتروح لهم الله ييسر الأمور أن شاء الله وللمعلومية أنا قد قالي واحد من الموظفين أن

المقبولين مبدئياً 30 تقريباً والمطلوب 6 موظفين فلا تأملون فيها واجد وكلن يسعى برزقة.[/align]

[align=center]السلام عليكم

اسعد الله مساءكم و كل عام وانتم بخير

اللهم لك الحمد كما ينبغي لجلال وجهك و عظيم سلطانك
اللهم لك الحمد حتى ترضى و لك الحمد إذا رضيت و لك الحمد بعد الرضى

قبل ساعتين تم الاتصال بي من ادارة كهرباء الناصريه
وويطلبون حضوري لاستكمال اجراءات التعيين

يارب بارك لي بها الوظيفه طلما تعبت وبحثت وانذليت لناس
ما تستاهل عشان يتوسطون لي بوظيفه حكوميه

لكن الحمدالله ربي هو القادر

دعواتكم ان الله يوفقني ويوفقكم
بكره راح اجيهم وابلغكم وش رايح يصير معي

تحياتي لكم [/align]