السلام عليكم
شباب و بنات الله يخليكم اللي عنده خبرة بإجراءات القبول بالمستشفى التخصصي يقول لي و هذه قصتي،،،
قدمت بموقع المستشفى و بعد فترة اتصلو علي قسم المالية "تخصصي مالية" و قالو عندك مقابلة مع المدير العام،،،
المهم سويت المقابلة و ابدعت فيها صراحة المهم المدير العام قال خلاص انا ابغاك و ان شاء الله مقبول عندنا بس رئيس القسم لازم يوافق عليك بعد و لازم تسوي معاه مقابلة،،،
و فعلا بنفس اليوم سويت مقابلة ثانية مع رئيس القسم و كنت نص نص المهم قال خلاص راح ارشحك على المرتبة السادسة و هذا ظلم لانه البكالوريوس المفروض الثامنة 
بس بهذا الوقت اي وظيفة تكفي الله يعين،،،
المهم قال خلاص انا ابغاك و هذا عرضنا فكر فيه و رد لي خبر بكرة اذا انت موافق او لا علشان نبداء إجراءات القبول؟
اتصلت عليه و قلت له خلاص انا موافق شنو الخطوة الجاية ؟
هنا المفاجئة غير كلامه و قال لا انا ما قلت لك انت مقبول نهائي فيه غيرك مرشحين !!! (ماكان فيه احد غيري متاكد)
انتظر و يجيك منا اتصال اذا تم قبولك و نقول لك الاجراءات !!!
قلت له كم انتظر قال اسبوع او اسبوعين او ثلاثة ما ادري ؟
صار لي اسبوعين الان و ما ادري شنو اسوي ؟
هل انا مقبول او لا لانه كلهم المدير العام و رئيس القسم قالو لي خلاص نبغاك بعد المقابلة و صارو يشرحون لي الوظيفة و الراتب و ياكدون علي انو لازم اثبت وجودي او راح يتم طردي ووو
هل إجراءات القبول تتأخر كثير وش المفروض اني اسوي ؟
انا الان توظفت بالقطاع الخاص وظيفة على قد حالي و صعب اني اراجعهم و ما ادري شنو اسوي ؟
هل احد مرة معاه نفس حالتي و هل اقبلوه بالاخير او لا ؟
أنا خايف تكون واسطات تدخلت بالموضوع و راحت علي الوظيفة ؟؟
طمنوني تكفون عاطل لفترة من الزمن و الحال الله اعلم فيه،،،
27-05-2013, 01:47 AM
العرض العادي
