تجمع خريجات الرياضيات بانتظار الاحتياج

ارتواءء · #**1181** (**permalink**) 06-07-2013, 08:42 AM

الله يارب ييسرها والله الاحتياج يحير والقرى تحير اككثر بالذات اللي ماعنده خبره عنهاا

مياسا · #**1182** (**permalink**) 06-07-2013, 08:42 AM

اقتباس:

المشاركة الأصلية كتبت بواسطة ام بروكي

سنه او سنتين تهون يختي

وكلها اكثر شي بتجلس ماتشوفين ديرتك واهلك شهرين ونص بالكثير

وكل السنه الدراسيه اجازات اول شي شهر واسبوع واجازة الحج وبعدين شهرين ونص واجازة بين الترمين
وبعدين شهرين واجازة منتصف الفصل الدراسي
وبعدين شهرين ونص وتنتهي السنه

سهالات يابنات كل الامور سهله ولاتخافين سنه او سنتين

كلها بتنسينها وبتبقى ذكريات لما تنقلين هنا وتقولين كأنها كم يوم يالله كيف عدت بهالسرعه

والمديره اذا حبوبه وكويسه وطيبه بتخليك تغيبين وترجعين لاهلك وكل شي وماتحسبه لك وتقيمك 100%

اذا هي بنت حلال
وتقدرين تقدمين نقل داخلي اذا مارتحتي لها

اتمنى اكون مع وحده منكم او مجموعه منكم بنفس السكن وبنفس المدرسه بنات

معاكـ حق والله
وبالفعل كانت اختي دايماً غايبة

عشان مديرتها مقدرة ظروفها والموضوع كلو سهالات

الله يكتب اللي فيه خير للجميع

ام بروكي · #**1183** (**permalink**) 06-07-2013, 09:23 AM

الله يعين يابنات

ياليته يفتح اليوم

ادري حتى لو فتح اليوم مالهم داعي تاركيننا كل هالوقت عشرين يوم تقريبا

ماعمرها صارت شهاذا

يعني تخيلو كل مره اسبوعين بس والعدد اقل من هالعدد بكثير كثييير

والان زايدين الايام لهالدرجه البرود عندهم ؟

طيب يعملون حساب الاستبعاد وعدم المطابقه واخطار البنات في التسجيل ومسلسل الدفعات اللي كل مفاضله

امرهم عجيب تخبط مو طبيعي

كرزاية · #**1184** (**permalink**) 06-07-2013, 10:36 AM

اقتباس:

المشاركة الأصلية كتبت بواسطة ارتواءء

وانا مثلك يا كروزه ابي مناطق اقدر اروح اجي بالسياره الله يرفق لناا ويدينا مرادناا ويفرحنا بالوظيفه وجميع بنات التجمع الله يسعدكم بجد حبيتككم

اللهم اميييييين ....ياهلا فيك ياقمر

ريم تبوك · #**1185** (**permalink**) 06-07-2013, 11:09 AM

كرزاية انتي اكتبي حايل قريبة لمك وفي مناطق منتصفه بينكم وبين حايل زي قرى الحايط قريبة للمدينه بالااضافة للمهد واكتبي ينبع

انصحك تكتبين الليث

صراحة للحين مدري الله يكتب اللي فيه خير

ارتواءء · #**1186** (**permalink**) 06-07-2013, 11:10 AM

اخوااتي
إدارة منتديات بطاله الموقرين
الأخوات فالتجمع

اهنئكم بحلول شهر رمضان الكريم
واسئل الله القدير
أن لا يحرمني ولا يحرمك من صيامه وقيامه.

ايام قليلہ وَ سينقلب روتين حياتناا
سنقدس الليل بِ زياراتہ ،
وَ اجتماعناا بعد غروب الشمس
سنتراكض قبل اذان الفجر
لِ نشرب جرعات من الماء
سنشعر بجرعات ايمانيہ في اوردتناا
اللھم بلغناا رمضان ??

وكل عام وانتم بخير.

ريم تبوك · #**1187** (**permalink**) 06-07-2013, 11:27 AM

اقتباس:

المشاركة الأصلية كتبت بواسطة امال المستقبل

هذه الافاده لاحدى قريباتي لها سنه متوظفه للان ماجاها تعيين وهذا كلام من واقع تجربتها الشخصيه بدون مبالغه انا متوظفه بحايل بقطااع اسمه قطاع السليمي بقريه اسمها قرية الثماميه بس انا ساكنه بقطاع الحايط بقرية الحليفه يبعد عنه57كيلو ..طبعا قطاع السليمي يوجد فيه اكثر من اربعين قريه وكل قريه تبعد عن الثانيه مشوار طويل وقراهم جدا بدائيه طبعا لايوجد في هالقرية الثماميه ولا حليفه شقق كلها بيوت شعبيه جدا قديمه واغلب بيوتها مهجوره وتسكنها الجن وطبعا اجارتهم بالشهر يترواح من 1500 الى الفين ريال غير الكهرباء والماي الشرب وماي الطهاره..طبعا مافيه مااي حكومي والماي نأخذه الوايت ب300ريال..طبعا انا سكنت بحليفه لانه تعبنا اسبوع كامل وانا ادور سكن بالثماميه ولا شفنا سكن قابل للمعيشه كل سكنهم قديم جدا ورمل والجدران سميت والسقف من جذوع النخل وواطي وغالي جدا يبقونه ب 1500شهريا على شنهو...طبعا بالثماميه مافيه خدمات ولا بقالات ولا اي شي ولاحتى صيدليه يروحون يقضون اغراضهم ولوازمهم من حليفه وطبعا ارضها غير مسفلته وكم مره انغرز بالسياره دعواتكم لها ربي ييسر لها وتنقل

فعلا انا امر على مناطق كذا فيها بيوت مهجورة واحيانا القرى وسط النفود افضل شي قرى الحايط

هذي بنت كاتبتهعن حايل

عرقوبه · #**1188** (**permalink**) 06-07-2013, 11:54 AM

لو تعينو بقريه لاتسكنون فيها اسكنو بأقرب منطقه لها ....
وحايل حلوه بعض قرايبي ساكنين فيها واخواني دايم يروحون لحايل سياحه يقولون مدينه حلوه وشفت صور حايل مدينه راقيه ..
وكمان احتياج حايل كبير ....
اللي بتحط كل الرغبات المكانيه وتستبعد حايل فهي مجنونه .....
حايل بعد حيي

.... بالاول يسبون اهل حايل اهل الكرم والنخوه والشجاعه ومضرب الامثال ب اكرام الضيف ..
والحين يسبون ارض حايل ارض الجمال ....
بنات انتبهو مو اي كلمه تلقطونها من النت في بنات يحطون عيونهم ع منطقه ويسبونها عشان ماحد يسجل فيها ..

مروى ا · #**1189** (**permalink**) 06-07-2013, 11:55 AM

بنت تبوك زوجي جلس 6 سنوات بقطاع حائل ويقلي قرى ناااااائيه جدا تعين بالشملي و بعدين بطلعة الروح نقلوه

يقول واحنا رجال كنا شوي ونتركها
و اقرب مطار كان بحائل فرق 300 كيلو وهي عن المدينه 280 كيلو لابد من السياره والخط يقلي يفجع وكله جمال سايبه وحفر مو مضبط ورايح جاي وصارت حوادث كثير فيه أنا ماسبها عشان ماتحطونها بس نقلت الكلام اللي وصلني واللي مو متزوجات اتوقع الموضوع اسهل عليهم بكثير

الله ييسر ويرزق الجميع والله محتااااااجه الوظيفه جدا بس مابليد حيله ماقدر احط الا ينبع والمهد فقط وبحاول معه احط حايل ونقاطي قليله ندمت اني ماشديت حيلي بالبكالريوس لو جبت ممتاز مدا نقاطي دحين 76

ريم تبوك · #**1190** (**permalink**) 06-07-2013, 12:06 PM

انا مزارع الوالد بالشملي وفيها بيوت واستراحات بس مستحيل نتعين قريب من الشملي لان قليل احتبجهم من قبل اذا نتعين نتعين بالحايط والحايط بتكون ابعد عن حايل وعن تبوك وبتوهق

حايل نفسها زينه والشملي اكبر محافظتها لاباس بها والحايط بس في طرق ردمية وطرق مزفلته وخط الشملي والحايط مزدوج واغلب الحوادث على طريق المدينه

غير انه افضل خطوط حايل الجوف القصيم ومافي قرى زينه الا الشنان اللي تبعد 100 عن حايل بس تعتبر ضمن نطاق حايل

حايل بحطها بالوسط والله يستر املي بقرب مزارع ابوي منها عالاقل شي يشرح الصدر اكثر من غيرة وقرايبي هناك كثير ماحشيل هم

تجمع خريجات الرياضيات بانتظار الاحتياج

جدارة إستفسارات ونتائج ونقاشات

السسلام عليكم ورحمه الله وبركاته .. طبعا اول شي ألف ألف مبروووك للي أجتاز قياس من خريجات الرياضيات طبعا(ابتدائي ومتوسط +ثانوي) والله يعوض الي مانجحت...

تجمع خريجات الرياضيات بانتظار الاحتياج

تسجيل الدخول

تجمع خريجات الرياضيات بانتظار الاحتياج

جدارة إستفسارات ونتائج ونقاشات

السسلام عليكم ورحمه الله وبركاته .. طبعا اول شي ألف ألف مبروووك للي أجتاز قياس من خريجات الرياضيات طبعا(ابتدائي ومتوسط +ثانوي) والله يعوض الي مانجحت...

تجمع خريجات الرياضيات بانتظار الاحتياج