ام بروكي بسألك الحين يقولو ترتيب المناطق يفرق يعني مفروض اكتب اول شي مناطق الاحتياج


طيب أنا منطقتي مافيها احتياج اخاف اكتبها بالرغبات الاخيره ووقت التعاقدات يسحبو من القوائم الي عندهم يكون ترتيبها الاخير ويجيني مثلا تعاقد بمنطقه بعيده

يعني بروح لمنطقه بعيد بشي رسمي لكن تعاقد اكيد لا

اتمنى فهمتي قصدي اكتب منطقتي وهي مافيها احتياج اول شي او لا

مرحباا كيفكم بعد نزول الاحتياج ؟؟؟

انا رتبت اول شي المناطق القريبه وبعدين مدن القصيم بعدها الوسطى بعدها الغربيه وبعدها الشرقيه وبعدين الجنوب

اخر شي بحط لهم المناطق اللي احتياجه صفر

تو قريت ردودكن وش فيكن بنات والله انا مدري وش خايفات منه

قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ

هدن وتوكلن على الله واللي نقاطها قليله مثلي تكتب كل المناطق لا تضيعن الفرصه ع نفسكن عشان كلام سمعته من ناس عن بعض المناطق
والله اعرف بنتين حده تعينت ببيشه والثانيه بالمخواه بالقرى طبعا والله يمدحنها ويمدحن ناسها ولا اشتكن من شي

بكرا ينزل الترشيح ووحده تكون نقاطها عاليه وماتتعين ليش ...والله خايفه من المنطقه الفلانيه وبعد نزول الترشيح تشوف اللي اقل منها تعيين وهي جالسه كل سنه بدل ما تتوكل ع الله جالسه هذي المنطقه فيها وهذي فيها
اللي يبي التعيين يتحمل كلها سنه وتنقلين تحملي
والله اجلس انتظر النقل احسن من اجلس انتظر التعيين وتعقيدات جداره اللي كل سنه قرار شكل

هذي نصيحه مني لكم خواتي والله والله ابي لكم الخير واتمنى كل وحده تفكر الف مره قبل تحذف اي منطقه
الحافظ هو الله وحده

^^^^
فيه بنات من قريباتي اتعينوا في مناطق بعيدة وكل سنه يقربوا من منطقتهم والان المدرسه جنب بيتهم مايجي شئ بالساهل لازم من التضحيات

ومن يتهيب صعود الجبال
يعش أبد الدهر بين الحفر
(: