قابلت شخص قال لي انا جلست 13 سنة بدون وظيفة

فقلت له: اخذت دورات تدريبية في ال 13 سنة؟

قال لا

فقلت له: قرات كتب تنمية بشرية او كتب في تخصصك في ال 13 سنة؟

قال قرات روايات فقط


فقلت له: هل سوقت لنفسك في تويتر وفيسبوك في ال 13 سنة؟

قال ماهو التسويق
فقلت : يعني تنشر مواهبك وابداعاتك واعمالك بتويتر وفيسبوك
قال: لا


فقلت له: تعلمت انجليزي في ال 13 سنة؟

قال لا

فقلت له: عندك حساب في لينكد ان؟

قال لا


فقلت له: هل دعوت الله في ال 13 سنة حتى يرزقك بوظيفة ؟

قال قليلا وادعوا دعاء عام


فقلت في نفسي ... تستحق ورب الكعبة ان لاتكون عندك وظيفة .. وتستحق ان تظل عاطل عن العمل

[align=center][/align]

ياااااسااااااااااااتررررر
وربي شي محزن
ذكرتني قصتة
بفقراء اليهود لا دين ولا دنياااء
الله المستعااااان

اشكرك اخووي فهد على القصة المؤثرة

تقبل مروري

والله يا أخ فهد~
من واجب الوطن توفير فرص عمل لشعبه بمجرد حصوله على الشهاده. أياً كان نوعها يوفرون.له فرص عمل تتناسب مع شهاداته ومؤهلاته زي ما المواطن يحترم الوطن ويفخر بالانتماء اليه المفروض الوطن يفخر بشعبه ويعززهم ويكرمهم

مو كل الناس عندها امكانيه انها تدفع مبالغ طائله للمعاهد الخاصه من أجل تطوير الذات للحصول على الوظيفه):
المفروض يتوظف وجهه العمل هي اللي تطوره..•
اكبر بلد مصدره للبترول المفروض تهتمم بشعبها. أغلب الدول الأخرى فقيره وماعندها بترول ومع هذا أغنى منا وشعبها عايش برفاهيه وهنا الحال يبكي فقر وهموم وفساد ومشاكل!! الله يعين حال يندى له الجبين وفوق هذا كله ينحط اللوم على العاطلين انت ليه ماتطور من نفسك! روح ادرس انجليزي وجيب خبره لمده 10 سنين! وحاسب وفرنسي والماني وتركي وبعدين نشوف يمقن نوظفكم ويمقن لا!!!
صبراً جميلا والله المستعان
العمر يخلص والدراسه ماتخلص اذا الواحد اتخرج من الجامعه وماتوظف ووجلس يجمع شهادات الخبره ويكتتسب مهارات وو متى يتزوج. ويفتح بيت ويخلف ويعيش حياته..؟<الوظيفه هي اللي تتحكم في استقرار الفرد وآمن الوطن(:

لذلك يا أخي العزيز لاتلقي باللوم على العاطلين والله انهم مكافحين وعندهم رغبه في التطوير لكن لديهم ظروف تعوقهم اما بسبب ضعف الماده لديهم أو أسباب أخرى والا شبابنا فيه الخير والبركه والشخص اللي ذكرته في موضوعك اكيد له أسبابه الخاصه.انت ركزت على الاسئله اللي تهمك طيب وش الأسباب اللي بسببها ماطور من نفسه ليه ماسالته..؟ لو سألته كان ذكرها لك،،وانت كاتب في نهايه الموضوع لايستحق الوظيفه لماذا هذه القسوه ليه مايستحق مو درس وتعب!! اتمنى ان تكون اكثر مراعاه للفرد و تقدر ظروفه وتحترم قدراته وإمكانيته بما انك منصب في المجتمع ساعدهم كن لهم خير عون وسند ( الله في عون العبد مادام العبد في عون أخيه )
الى اللقاء (:

والله كلااامك جواهر ..وواقعي أخوي social worker

الخلل في قطاع التوظيف وليس في طالب التوظيف

مافيه أي رقابه على القطاع الخاص ...والقطاع العام مثل ماتعرفون خلااااص أكتفا وقفل ووظائفه بقطاره

القطاع الخاص هـــــــدفه الربح فقط لا غير ...أعطيك المثله لـــ ستغلال القطاع الخاص

عندم مثل المدارس الاهليه يشغلون السعودين ببلاش من غير أي راتب سنه وسنتين

علشان بـــ الآخير يعطونهم شهادة خبره

ولو شغلهم ..مراااح يعطيهم أكثر من 1800 ...وهــــــــذه وظيفة مدرس بقطاع الخاص ~!

فما بالك بـــ الوظائف الاقل وكم تتراوح رواتبهم

وفوق هذا وذاك المزاجيه يعني تشتغل وتضحى من عمرك الكثير وفي الأخير ماتدخل مزاج صاحب الشركه سوا كان سعودي أو ^ أجنبي ^ وتلقا نفسك بشارع

يأخي والله أعرف ناااس تركوا شهااادتهم العلميه العاليه وقدموا على وظائف عسكريه برتبة جندي وبشهادة الثانويه

خليهااا على الله ..

الى ما ينتبه على نفسك ويستغل وقته وشبابه بهذا الزمن راااااح يتعب أشد التعب

ياشباب القطاع الخاص فيه خير ،، وفيه فوايد ومعرفة ناس و كسب علاقات قادرة باذن الله ثم بدعمهم ان توصل للشي اللي،تبيه،، انا كانت شهادتي كفاءة متوسطة،،وماعندي اي شهادات تدريبية او خبرات سابقة،، كنت صفر من الناحية،، العلمية والعملية،،، بدايتي اشتغلت بمحلات من ضمنها محل هدايا ومحل ملابس نسائية،، ومحل اكسسوارات،، وكانت الرواتب شبه معدومة ماتوصل 2000 ريال! ومن غير سوء التعامل من الناس والكلام الجارح،، وضغط العمل وتسلط الاداريين الاجانب،،، وعانيت من استحقار الاقارب،، ونظرتهم المستفزة لكل شغله اشتغلتها،، شلتهم من راسي،، عديتهم سراب،، او استخدمت وضعية الجدار معهم،،، طنش،، وتعيش،،، ومرت الايام،، وصادفتني زبونة مثل اي زبونة دائمة،،، وعرضت علي اني اشتغل عندها مندوب مبيعات،، بمؤسستها،، اللي في مجال الكمبيوتر،، طبعا وافقت ،،لاني حسيت انه حسب كلامها راح يكون شئ اجمل واحسن من شغلي الحالي من كل النواحي،، قعدت فترة مندوب مبيعات ،،، وخلال عملي اخذت دورات حاسب ،،،ادخال بيانات وصيانة حاسب وطابعات،،، ودورات ادارية ومكتبية،، وفادتني كثير،، وشافت مني الطموح والرغبة والاصرار ،،، وبلمحة البصر ،بعد سنتين،، عينتني مدير مبيعات،، وبعدها بسنة تعينت ،،،مدير الفرع اللي انا فيه،،ومازال الطموح قدام ،،،، القطاع الخاص سهل انك تترقى،، وسهل تكسب ناس وتفتح مشاريع معاهم،، ويدعمونك ماديا،،،،
،

اهم شي الاصرار والامانة ،،، وقبلهم كلهم علاقتك بربك وبوالديك،،، وغير كذا مستحيل تدخلك السعاددة،،،

لاحظ كيف كانت البداية من شي صغير وبنظر الناس تافه،، لاتستحقر الاشياء قد تكون سبب سعادتك باذن الله،،

ماكنت أبغى أتكلم في موضوع التوظيف والشباب السعودي بس فيه كم جملة استفرتني..
لانقعد نضحك على بعض..خلونا واقعيين..ونتكلم بالمنطق
أول شي أنا راح أتكلم من واقع تجربة..
الناجح يجد حل لكل مشكلة
والفاشل يجد مشكلة في كل حل..

هالكلمات اللي حافظينها من عهد جدي
(بطالة..واسطة..كرف..رواتب متدينة..أجانب..وخذلك من الأعذار اللي ماتنتهي) ماعاد تمشي خاصة بهالفترة
والله إن الأغلبية من الشباب هم بلاء أنفسهم..ماعنده استعداد إنه يتحمل ولايشتغل ولايصبر ولا يتعب نفسه
عنده قناعة ياوظيفة حكومية يا يجلس طول عمره يندب حظه..
يا راتب عالي..يا بلاش
أما إنه يبدأ من الصفر لا..
عاجبه الوضع اللي هو فيه..وكل هذي الأعذار يكررها عشان يلقى لنفسه عذر

وأتحدى أي مسؤول توظيف ينكر هالحقيقة..