السلام عليكم

كيفكم عساكم بخير



الان طالب ثانوي وعلى التخرج اسبوع وشوي وانضم الى مسمى عاطل

يعرف دائما ان الطالب الثانوي وبمرحلة التخرج كل الاقارب او الاصدقاء

سوال وش ودك تصير؟؟؟


الجامعه مالي خاطر فيها مع اني مع الدراسه اعجبكم بس ماخشت براسي



قلت لكم وضعي الان الاستفسارات



انا النظر حاليا ولدي عزم وهمه غير طبيعيه تجاه شركة مرافق ومعروفه مميزاتها ماشاء الله والبدلات المغريه


نسبتي محصوره بين 87 الى 89 كالنظره اوليه ونتائج قدرات 69


وش رايكم هل اتزكل على الله ودزها على مرافق اولا ؟؟



الانجليزي معي ماهو هذاك الزود جيد نوعا ما

وش رايكم ادخل دوره انجليزيه ؟؟


فيه نصائح تحبون توجهونها لي



ويارب يامن لك ماعلى السموات والارض من يفيدني


انك تسعده دنيا واخره




الان خروج للمذاكره واتمنى غدا اشوف الردود الي تبرد الصدر




ينبع

أخوي اللغه الانجليزيه مطلوبه وبقوووووه
ضروري يكون معك لغه ومش اي مستوى لازم يكون مستواك فيها قوي
غالباً الشركات تشترط اللغه بغض النظر عن التخصص
أنا أنصحك اذا تبي تضمن قبولك بمرافق اطلع إبتعاث وادخل تخصص إداري
عشان يكون معك الاثنين اللغه والتخصص وغير كذا من جامعه أجنبيه
صدقني راح يصير عندك فرص قبول في الشركات الكبيره
واذا أنت ملزم ما تكمل جامعه على الاقل اطلع خذ لغه لمده سنه
أرجع وأقولك اللغه مهمه جداً جداً
هذا أنا ماتركت شركه ماقدمت عليها الا وسألوني عن لغتي طبعا أنا خريجه جامعه محليه وتعرف كيف دراستنا بالمدرسه
الانجلش عدم مافيه تدريس مثل العالم
اغلب الشركات صاروا يشترطون أنه تكون خريج جامعه أمريكيه أو بريطانيه يأخذونك على طول بدون خبره
أعرف ناس كثير طلعوا أخذو لغه بس وبالثانوي أتوظفوا برواتب عاليه لانه اللغه القويه ضروريه

الله يوفقك أخوي ويعطيك فوق ماتتمنى

والله ياخوي لازم تكمل

الناس بلشت بنفسها ومعها دبلومات والكل بيكمل

والله نصيحتي لك كمل مافي شي يقبل الثانوي لو نسبتك 100

ادخل الجامعه دام نسبتك ماشاء الله حلوة .. نصيحه لك من شخص يبغالك الخير

فكر بالموضوع واستخير

واذا مابراسك جامعه اقلها خذ دبلوم مع ان الجامعه افضل وبالقوة ماشين اللي معهم جامعه


اتمنى لك التوفيق

الله يهون عليك اختباراتكك اولا

ثانيا الشهاده مطلوبه الثانوي ماعاد تنفع

نصيحة خذ بعثه لغه بس سنين او سنه ونص واذا اعجبك الوضع كمل دبلوم اداري او هندسي او حاسب تخصصات مطلوبه
اللحين شي اساسي اللغه
معك جامعه ومعدلكك امتياز بس لغتك وسط تاكل تبن مثلي هههههه

الله يوفقك ويكتب لك الخيرهه

الله يحزاكم بالخير ياخواني


طيب انا فكري اخذ دوره بمعهد انجليزي اقوي فيها اللغه

والجامعات مره ماني حولها


اتنمى تفيدوني اكثر وش رايكم بالمعهد

يا حبيبي ..ليس كل ما يتمناه المرء يدركه ..تجري الرياح بما لا تشتهيه السفن.

انت ببداية حياتك لا ترفع راسك فوق لا ينكسر ..فكر بشركة صغيرة ..كون نفسك بها وخذ خبرة

اذا عندك واسطة بتقدر تدخل الشركات الكبيرة زي مرافق وسابك وارامكو ..لكن اذا ما عندك ... تقدر تدخلهم لكن تحتاااج عمل كبير
طور روحك بالانجليزي ..خذ لك دورات
كمل دراستك الجامعية ..واتوقع ع درجاتك الحالية ..بتقدر تخش كلية ينبع الصناعية او الكلية التقنية او معهد البترول
وراح تفيدك كثثثير جدا هالشهادة من عدة نواحي

ارامكو لو تدرس الاساسيات بسررعة وتحفظ بعض الكلمات وتشوف طريقة الاختبار الاي تي سي بالانترنت "لان موجود نموذج لاختبار سابق" بتستفيد منه ومن طريقة الاسئلة

واتوقع بنسبة 75% اذا انك حليت صح ياخدوك ارامكو

اذا ما حبيت تكمل دراسة وناوي تدخل هالشركات ...دور ع شركة صغيرة سمعتها قوية وان كانت رواتبها مو قوية ...خذ منها خبرة كم سنة وبعدها قدم في الشركات الكبيرة

وان شاء الله الله يوفقك

الى متى العطاله


ماقصرت اخوي جزاك الله خير


ولي يقول ادرس 5 سنوات انا ماضمن نفسي واعرف قدرات نفسي



لكن الشركات نفسي بها من زمان وواحتاج تطوير باللغه الانجليزيه


الاساسيات الانجليزيه اتقنها نوعا ما


وادعولي بالتوفيق