الشباب بامكانهم الانضمام لكليات عسكريه او وظائف اخرى في التجارة.... والمجالات مفتوحه امامهم في العمل اكثر من البنات .. وفق الله الجميع لما يحبه ويرضاه ..

ماشاء الله تبارك الله ع التعليقات
اقول تبون تصيرون عساكر وتصيرون سواقين شاحنات ومراسلين لمراكز برا العمل
وتبون تصيرون مثل وظائف الاولاد ع قولتكم فيها تعب وكذا !!!!
عرفت وش تقصدون...
الي تبي الستر وتبي الوظيفة الحلال بتلقى الي كاتبه الله
اما الي تبي تتوظف بوظائف معروف قصدها فهذي مادري اضن انها مطولة
استغفر الله ياربي

انا بس بقدم نصيحه للأخوان اللي ينتظرون الوظيفة التعليميه

خصوصاً اللي تخصصاتهم مافيها تعيين بيطولون يعني

ادخلوا عسكريه رتبة فرد ويحق لكم تفاضلون بالتعليميه زيكم زي غيركم ولاتخلي عمرك يروح

اول شي تقدر تتزوج وتستر نفسك وتصرف على اهلك ونفسك واذا تعينت ان شاء الله بيحسبونها خدمة لك

افضل من التشكي بالمنتديات وغيره ولاحد يقول العسكريه يبي لها واسطات انت جامعي لك افضليه بعد توفيق الله طبعاً

منها تزين النفسيات وحتى بانتظار التعيين بتكون عادي لاتتعب نفسيتك ولا شي

والعسسكريه الان زينه مش مثل اول من ناحية رواتب وراحه ،،،

والله هذي نصيحه اخويه وانا مجربها وكثير من خويانا دخلوا القطاع العسكري وفيهم اللي تعيين تعليمي وفيهم اللي ينتظر

لكن انتظارهم عادي جات الحمدلله والشكر ماجات الحمد لله والشكر ويبقى بوظيفته .......

والله يوفق الجميع

البنات مظلومات في هذي البلد لمجرد انهم بنات و ليسوا اولاد

يعني البنآت مظلومآت و الرجآل غير مظلومين !!



لو رآح نتعمق في الأمور فكلآ الطرفين مظلومين و حقوقهم مهضومة



لكن الآن أصبح الإهتمآم بآالمرأة أكثر من الرجل .. بل أصبح الرجل مهمشاً و مسحوب عليه



نبي نتزوج مو قآدرين .. نبي نكشخ مو قآدرين .. نبي نصرف على أنفسنآ مو قآدرين



الوآحد يتمرمط في عز الحرآرة يبحث عن وظيفة و مو لآقي وظيفة



لأن السيد معآلي وزير العمل يبي يوظف في النسآء و يشجع على الإختلآط



و إلآ بآالله مين اللي يدفع تكآليف الزوآج !! مين يشتري سيآرة للمشآوير !!



مين يلبي إحتيآجآت البيت و الأسرة !! مين يدفع تكآليف العلآج و غير ذلك !!



مين اللي يقوم بكل ذلك !! الرجل أم المرأة !! أكيييد و بلآ شك الرجل



لكن هنآ كل شي معكوس و ملخبط و الدنيآ حووووسة



مآنقول أن حقكم في الوظيفة مهضوم .. لكن لآ تتوقعوآ أن الرجآل مو مظلومين



و أنآ أحد هؤلآء المظلومين .. تربوي و معدلي 4 وشوي و مجتآز للقيآس



و رغم كل ذلك فأنآ عآطل و غيري الكثير و الكثير و الكثير من أبنآء الوطن الغآلي

تحية طيبة وبعد ..
ذكرت في مشاركة سابقة انه سيتم وضع الرابط للنقاط الصحيحة لاحقا ( بعد المفاضلة ) . ثانيا .. اتصفت ردودك بالانحياز والمطالبة بمساوتك وفتح الوظائف اللتي تتاح للرجل للعنصر النسائي يوجد بالحياة اشياء لاتستطيع المراه القيام بها بتاتا وذلك يتبع احيانا طرق التفكير للمراة والرجل وما اودع الله في كل منهما . ثالثا .. اعداد النساء ضعف الرجال واكثر ربما في المجتمعات عامة والمجتمع السعودي خاصة بمعنى انه لايوجد وظائف تتسع لهذا العدد البشري الضخم مقارنة مع الاحتياج . رابعا .. امر خادم الحرمين الشريفين والمتمثل ببرنامج حافز يدعم شريحة النساء بلا منازع . خامسا .. ماذا لديك لهذا التذمر ؟؟ الرجل هو من يدفع المهر وهو من عليه تامين السكن وهو من عليه كسوة اهل بيته وهو من عليه مشقة العمل وعموما هو المسئول بعد الله تامين الحياة الكريمة لزوجته واطفاله . فلو اجرينا مقارنة بسيطة لوجدنا احتياجك بالنسبة لاحتياج الرجل ضئيل مما يفضي اغلاق هذا الموضوع اصلا وتفصيلا . واخيرا .. الرزق من الله فاسألي الله تعالى فهو الرزاق العليم وعليك بكثرة الاستغفار وصلاة الليل .. دمتي بود