ياناس الحين بكتيب الحضانة مو مكتوب شروط للمبنى يعني ماحددو دور او شقة او لازم فيلا
وحده لها تجربة تقول لازم فيلا كاملة عشان البلدية توافق عليه

يعني حضانة بسيطة يكفيها دور ايش بسوي بدور الاخر
الي عنده فكرة يساعدني صدق لازم فيلا كاملة


وكمان طالبين شهادة حسن سيرة وسلوك من وين اجيبها وانا بنت
وكمان اثبات اني غير موظفة كيف اجيب الاثبات ومن وين

وربي بحاجة المشروع لاكن الموضوع معقد كثير
ساعدوني خلوني اعتمد على نفسي حتى حافز ماعندي الله ينتقم منهم
ساعدوني

عطيها مكتب خدمات ويضبط لك الموضوع بأسرع وقت

اما شهادة حسن سيرة وسلوك ممكن تجيبينهأ من اي دار او حلقة تحفيظ نسائية والله اعلم وطبعأ ان ماعندي علم بس فكرت كذأ ،،،اما اثبات انك غير موظفة تقدرين تجيبينهأ من التامينات او لو تكلمي احد بحافز اكيد راح يفيدك لانهم هم يعرفون انك موظفة او لا ولو تقولي لهم كيف اجيب شهاده اكيد احد بيفيدك وطبعأ حاولي تكلميهم عن طريق رقمهم ،،،،اما بالنسبة لشروط الحظأنه فلا اعلم ولكن لابد ان يكون هناك شروط مواصفات امن وسلامة للمبنى لان المبنى يوجد بداخله طﻷب او اطفال ،،،اختي كل ماذكرته لك لست متاكد منه ولكن هو راي او توقع .... ووفقك الله.

ربي يجزاكم خير ويفرج همكم

فكرت اترك المشروع واروح ادور لي وظيفة واريح دماغي
جد تعبت تعبت من التفكيييير خاصة المبنى كلها من ميتين الف ايجارها اشتري لي بيت شعبي اجل
ايش ابغا انا بعمارة
يا الله انك تختار لي ولا تخيرني

من وين اجيب اثبات اني غير موظفة

كيف اروح حافز وكمان التامينات يدخلوني ولا لازم رجال ووين موقعهم بطائف

الشروط كثيييره اولها انك جامعيه ومؤهل بعد خاص بالأطفال نسيته
وبعدين شروط المبنى انه يكون دور واحد مو فله يعني لو شقتين جنب بعض مفتوحين على بعض او دور
اهم شي يكون دور ارضي
انا مثلك افكر بهالمشروع
بس شكلي بسويه بدون ترخيص زي باقي الناس
حظانه منزليه يستقبلون الأطفال على فترتين صبح ومسى
للحين افكر بالموضوع والله يكتب اللي فيه الخير

ربي يوفقك

اثبات انك غير موظفه
هذي سلمك الله من فرع الاحوال المدنيه عندكم
يطبعون لك برنت انك متسببه ( اي غير موظفه)

وحسن السيره والسلوك اتوقع تجي مع اخر شهاده حصلتي عليها وتقدرين تطلعين بدل فاقد من المدرسه او الجامعه اللي تخرجتي منها

وبالنسبه للحضانه ما اتوقع انها فله كامله اتوقع من اهم الشروط انها لها مدخل خاص ومساحه معينه يحددونها لك ولو تستفسري عن هالنقطه افضل اهل الاختصاص مو كل واحد يعطيك معلومه ومو ماكده ويمكن تبطلين المشروع علشان معلومه خاطئه

وبالتوفيق