بسم لله الرحمن الرحيم

السلام عليكم ورحمة الله وبركاته ....

اختصار الكلام.
كنت اشتغل بشركة
المدة:اربع سنوات ونصف. ... من تاريخ1430 الي تقديم استقالتي بتاريخ 1434
بعد ماطلعت( برنت) من التامينات صار مسجليني سنتين فقط
.......هذي مشكله الاولى


ثانيا /ولم استلم. راتب شهر كامل ونصف راتب. ويقولون انهم معطيني وهذا غير صحيح
ثالثا/ لم استلم مستحقاتي من اربعه اشهر.

واخيرا تعبت منهم وقدمت شكوى لمكتب العمل على الشركة
ويقول واحد لي تذكر كلامي سوف يتصلون عليك الشركة قبل ماتجلس الجلسه في مكتب العمل


.....وفعلا اتصلو علي اليوم وقالو تعال استلم مستحقاتك كاملة بمبلغ 15الف بس بشرط
قدم تنازل على الشكوى من مكتب العمل وبعدين الماليه يسلمونك المبلغ....



السؤال يااهل الخبرة
هل اروح الي مكتب العمل واقدم تنازلي للشكوى واعطي الشركة التنازل ?

انا خايف اقدم تنازل وبعدين يسحبون علي مايعطوني. مستحقاتي او تتاخر


تكفوون ساعدوني
جعل من ساعدني الله يحرم وجهه من النار ويدخله الجنه وجميع المسلمين...

والله مشكلة وما ادري وش اقول لك
ان شالله الي صار له نفس مشكلتك يفيدك
لان الخيار محير
اذا قدمت تنازل ممكن يماطلون ويطلعون لك الف حجة
واذا استمريت بالشكوى ممكن تاخذ حقك بس اتوقع تاخر

وعليكم السلآم ورحمة الله وبركاته ,,

أخوي الكريم ,, بخصوص تسجيلك سنتين فقط في التأمينات هذآ مو من حق الشركة وأنت المفروض متابع تسجيلك من البدآية معاهم عشآن مآتقع في مثل هذه الخلافات ,,

ثآنيآ شي رآحت عليك سنتين خدمة ,, يعني مآتحسب لك من ضمن سنوات التقاعد ,

اذا تبي تضمن حقك ودأم أنهم أتصلوآ عليك ,, روح لهم وكتبهم ورقة وعليها ختم مدير الشركة ومديرك والمحاسبة !

عشان تضمن حقك ولآ يضيع ,, اذا هم يبون يغرونك بالتنازل أو بالـ 15.000 وهذا المبلغ لآيسمن ولآ يغني من جوع ,, إذا مآرجعوآ سنوآت الخدمة لك في التأمينات ,,


وربي يوفقك وييسر أمرك ,,

كان الله بعونك ,,


أخوك / مرآقب |~

قل للشركة اعطني خطاب خطي بانكم اذا تنازلت بتعطوني مستحقاتي...

واذا رفضو رح مكتب العمل وقل الشركة تحاول ابتزازي باني اتنازل عن الشكوى عشان يعطوني مستحقاتي
وانا طلبتهم بخطاب بهذا ورفضوا...

الله يرزقك بالذريه الصالحه والمال الحلال

معك اوراق تثبت مباشرتك بالتاريخ هذا؟
خذها معك قبل الجلسه
ولا تتنازل, يا أخي الكريم هذولا يبونك تتنازل حتى قبل يسلمونك شيء
ان تنازلت ولا سلموك بتصير لك مشكله ان فكرتك ترجع لمكتب العمل
انت الآن قدامك مشكلتين وانت الرابح فيهم, هضمو سنتين من خبرتك و مستحقاتك و الممطاله

الصلح يكون بمكتب العمل بعد ماتسلم مستحقاتك تكتب لهم قرار

يعني سلم وأستلم هذا بحالة أنك مو واثق فيهم وهذا أفضلك

وفقك الله

اخوي الغالي .. اذا مثلآ انت ماتقدر تعالج الوضع انا تحت امرك .. تعالي بالخاص وكلمني ودندن


العن جدفهم لك الشركات يبيلهم واحد ملعون جدف يوقفهم ويقعدهم بامره كلهم نصابين حراميه حتى السعوديين اللي بالشركه نصابين لاحظ انت ان علاقته مع اجانب بس دليل ان مافيه خيره لربعه واهله وناسه كيف تبي فيه خير على وطنه .. لاكن لاتتنازل ابدآ 15 الف وش تسوي هذي راتب كم شهر بس .. طيب وخدمتك الـ 4 سنوات اللي تفيدك بالف وظيفه وتفيدك اذا تقاعدت من يردها .. لاتتنازل الا يمكن بعد بمبلغ قوي فوق 50 الف هذا حق لك .. لو تكبرها توصلها للاماره اقل شي يجيبون الموظفين ويحلفونهم بالقران ان كم لك تداوم معهم واذا كان دوامهم بالبصمه احسن شي


بس نصيحه قبل كل شي .. لاتنفعل قدامهم وتعلمهم وش راح تسوي خلها مفاجأت لهم بس ..

خلهم كل شوي منصدمين انك مجربعهم بشي مو تروح وتقول ابسوي وابفعل ترى يمكن يشيلون ايامك اللي دوامتهم من السستم يمكن يسسون شي ضدك وعاد الذيب ماينلقى وراه اثر ولا ينعرف لخطوته

لاااا للتناززززل ..وماتوقع الااذاا استلمت الفلووس..واذا بتاخذ (شيك ) اخذه مصدق من البنك...

واذا تنازلت بزعل عليييك..واذا استلمت العشششششششششا علييك..هههههه