السلام عليكم ورحمة الله وبركاته
راح أقولكم مشكلتي بأختصار منذ طفولتي في الأبتدائية وأنا مشاركك مع المدرسين وأطلع في الأذاعه المدرسيه وأشاركك في المسابقات وأحصل ع الجوائز من المدرسين ولله الحمد وبعدها كملت المتوسطه الى ان وصلت لأخر مرحلة في الثانويةة وأنا أتغير 120 درجة عن السابق أصبحت شخص خجول جدا وما أتكلم مع أحد خوفا من أحمرار وجهي أمام الطلاب و المدرسين مادري وش الي حصلي بالضبط ! هل هوء سوء معاملت والدي امام زملائي في الحارة لأنه كان يهاوشني كثير قدامهم ودائم يفشلني مع أخوياي وبعد سنة تخرجت من الثانوية أصبح في ذهني دائما أن وجهي راح يصير زي الطماطم اذا قابلت أحد أو رحت لعزيمة صرت أخاف من هذا المنظر أمامهم طبعا قاطعت العزايم وأ ختفيت وماصرت أقابل أحد منهم خوفا من أحمرار الوجه الذي مازال يضايقني في كل مكان أروح له و قدمت في التقنية وللأسف ماقدرت أكمل صرت أتفشل في المحاضره بسبب أحمرار الوجه وكان عندي أصرار أني أتحمل ولا أهتم لهم ولكن للأسف فشلت محاولتي وسحبت على التقنيه وبعدها جلست عاطل تقريبا 3 شهور وقررت أني أدرس في معهد والحمد لله كملت المعهد دبلوم وتخرجت وكان وجهي في المعهد يحمر أمام الطلاب وضغطت على نفسي قلت ماراح أتركك المعهد بسبب هذا الأحمرار مع أن كل يوم وأنا أذهب للمعهد وأنا أعاني منه لمدة سنتين الى أن تخرجت ؟
جلست قليلا مع نفسي قلت الى متى وانا على هذا الحال منحرج أمام الجميع وشخصيتي معدومه ؟ أفكر وش اسوي بنفسي بحثت في النت أدور وصفه ادويه اي شي لعلى وعسى تنقذني من الي أنا فيه لكن مافيه فائدة والوضع مثل ماهو عليه !
فكرت وقررت أني أروح للشيخ أبيه يقرا علي وبعلمه ع كل شي لأن سبق أن أخبرني والدي أطال الله في عمره أن أحد من الجماعه يمدحني أني قوي شخصية من بين أخواني والأن صرت أنا أضعف شخصية من أخواني والله مادري وش الي صارلي بالضبط هل هو عين ؟ اما حاجز نفسي في داخلي ؟؟
طبعا رحت للشيخ وقرا علي ووعطاني علاج قيمتة 150 ريال عسل وسدر وماء وزيت وكله مقري فيه ! أستمريت فيه يومين وتركته !
بعدها جلست في البيت وقلت بحاول أكسر الحاجز الي في داخلي و أتوظف اي وظيفة ولله الحمد توظفت في الشركة ومازال أحمرار الوجه في ذهني ومايفارقني أبد صرت أداومم عادي وجهي مايحمر الأ اذا صرت أفطر معهم في الدوام أو اذا صار أجتماع وجهي يكون زي الطماطم والله معاناه أشد المعاناه صدقوني والله ماراح أحد يحس في المرض الأ اذا الي اصابه تكفون ي اخوان هل في أحد مرعليه زي معاناتي أبي حل أنقذوني من الي أنا فيه لأني خلاص ماقدرت أتحمل تعبت والله تعبت !
فمان الله ,,

[align=center]
انا كنت مثلك قسم بالله

زي البنت ماقدر اتكلم ولا ارفع عيوني بوجه أحد

وكان من المستحيل إني أتكلم بمكان وفيه أكثر من شخص .. اخاف يقولون لي كلمه ويحمر وجهي

طبعا بعد الثانويه حاولت وحاولت بس مآآش

حتى دخلت رومات صوتيه وأول شهرين صرت اخاف من المايك وأتلخبط .. بس بعدين صرت أجلس على المايك بالساعات

ولو تبغاني أخطب خطبه دينيه بيوم الجمعه مافيه أي مشكله بس ماهو ذنبي اذا كفروآ

عوّد نفسك على عدم الخجل وحط في بالك إنك تقدر وإنك ماراح تخجل .. مره مرتين ثلاث .. شهر شهرين .. وبعدها راح يروح الخجل .. صدقني .. عوّد نفسك


وبالتوفيق يآحُرمه
[/align]

أنا كنت مثلك

بإختصار لو صورت نفسك فديوا وانت تشعر بإحمرار الوجه

ثم نظرت الى هذا الفديوا لعلمت انك تبالغ وتهول على نفسك الأمر

الأمر أبسط مما تتصور انت قد تشعر بالخجل لكن الآخرين قد لا ينتبهون لك

وأنت بسبب تهويل الموقف على نفسك تتأثر

من من الناس لا يشعر بالخجل

اللي ما يشعر بالخجل ممكن ما يكون من البشر

الأمر أسهل مما تتصور ويروح هذا الامر مع الزمن ان طنشت هذه الأفكار التي تأتيك

فالمشكلة في هذه الأفكار التي تحطمك وليس في إحمرار وجهك

توكل على الله وستسلم لأمرة ولا تفكر بالأمر وإن حصل ما حصل

وستظهر من هذه الحال كما ظهر منها اناس كثيرين

[align=center]الأمر بسيط جداً راجع طبيب نفسي

وراح تنحل مشكلتك ولا تقولي عيب ومقدر الطب النفسي له فوائد كثير

وانا درسة شي قليل من الطب النفسي وصدقني صدقني انها راح تنحل مشكلت للابد


[/align]

انا كنت زيك 24 ساعة في البيت ما اطلع لدرجة ايام المدرسة لما يقولي الاستاذ وش اسمك لا ارادي وجهي يصبح احمر ودائما ساكت بعدها كونت علاقه مع عيال الحاره كوره طلعات هوشات ههههههه تعرف على قروب و2 و3 بعربي الصحبه عززت لنفسي وشخصيتي واصبح الكل يعرف طباعي ولا اخجل بلعكس الاغلب يريد ان يصبح زيي هذا كله من بعد الله سبحانه وبفضل ربعي فاحاول تكون صداقات فالبدايه يمكن يصبح الامر بنسبه لك صعب لكن معا مرور الوقت سوف تشعر بالاختلاف الامور تجاهك واذا كان على الطبيب النفسي والادويه غير صحيح لان الدكتور النفسي يحاول ابعاد الشخص عن الادويه بقدر المستطاع مايستخدم الادوية الا في الحالة الطارئه كالاكتئاب والقلق الشديد عفانا الله منها وارجو من الله توفيقك

على فكرة نكي في البلاك الله حسيبك هههههههههه مدري ليه احسك تشبهني

مشكلتك حلها بسيط
لازم تروح تجمعات مثل الصلوات في المساجد
او ملاعب كوره او تجمعات العائله
انت عند حاجز نفسي وعشان تكسره لازم تخالط الناس
اما جلستك في البيت تزيد مشكلتك
وجب الناس في افراحهم في عزاهم وان شاءالله تنسى موضوع احمرار وجهك

يارجل احمد ربك ..مشكلتك بسيطه جدا وماتنحل في يوم وليله ..وانت الان بديت في العلاج وانت ماتدري ..هل تعلم اخي الكريم انك بمجرد انك فكرت تشتغل وتعتمد على نفسك وتقابل الناس وتاخذ وتعطي معهم ان هاذي اول خطوه من العلاج ..باقي خطوات بسيطه اخي الكريم ..اولا عليك الاختلاط بالموظفين شيئا فشيئا ..ولاتخلي يدخلك شك في البدايه انك ماتقدر تجلس معهم لا ابيك تصر على موقفك واجلس وافطر معهم ووسولف معهم وادخل عرض فيهم ..يمكن في البدايه ماتلاحظ انك تغيرت ..لكن مع الايام تعرف انك تغيرت بالفعل ..عموما الله يوفقك وانا اشوف ان مشكلتك بسيطه جدااا ..

بالتوفيق ..