وظيفة 1500 ريال هل تحرمني من الـ 850 ريال !!

عذاب الجرح · #1 (**permalink**) 30-05-2013, 04:40 PM

انا مقدم على وظيفة بحاول امشي اموري فيها مصاريف دراسة والحال الله يعلم فيه
سؤالي يا اخواني هل فيه طريقه اتوظف بدون يكون اسمي بالتأمينات الاجتماعية ؟؟
لاني اعرف اذا سجلو اسمي بالتأمينات خلاص بنحرم من الــ 850 ريال اللي والله العظيم يادووب اعيش نفسي فيها
واستر حالي كيف لو تنقطع لاسمح الله اكيد بضيع بتشرد بالشوارع

اللي عنده اي معلومة تكفون لاحد يبخل على فيها

عذاب الجرح · #2 (**permalink**) 30-05-2013, 06:11 PM

22 مشاهده ولا رد على احد حتى ولو بكلمة الله يوفقك !!!!

صدق الناس تغيرت ( الكلمة الطيبة صدقه )

شماااليه · #3 (**permalink**) 30-05-2013, 06:14 PM

اتوقع تجلس ثلاث اشهر تستلم ضمان وبعده يفطعونه الله يسهل الامور

عاطل حايل · #4 (**permalink**) 30-05-2013, 06:57 PM

ماعتقد يقطع لانه اقل من 3000

بياان · #5 (**permalink**) 30-05-2013, 07:05 PM

فيه وظايف براتب 3000 ليش تقبل بالوظايف اللي رواتبها اقل

الراتب لو اقل من 2000 ماينقطع الضمان لكن يمكن ينقص والله اعلم

اتصل عليهم واستفسر

فراشه ملونه · #6 (**permalink**) 31-05-2013, 03:19 AM

اخوي الله يوفقك والافضل تروح للضمان وتسئل افضل عشان تكون متأكد من المعلومه

صنتااااا · #7 (**permalink**) 31-05-2013, 03:45 AM

بس اذا جيت تسالهم لاتقولهم عن اسمك بعدين يقولون هذا مقتدر ويقطعون عنك ظمانك وعاد انت تدري عن حسدهم

شَادن · #8 (**permalink**) 31-05-2013, 07:39 AM

ياليت اخوي لو جاك العلم

علمنا الله لا يهينك

يالله السلامة · #9 (**permalink**) 31-05-2013, 09:43 AM

حياك الله اخوي

تقول 22 مشاهدة وولارد ..!

اول شئ الدعوهـ مو لازم تكتب والدعاء في الغيب افضل ..

ثاني شئ قاعد تقول ((الكلمة الطيبة صدقة )) وانت ماكتبت السلام عليكم في موضوعك ..

نجي للمهم ..

اذا كان اجمالي راتبك فعلا 1500 ريال ماراح يوقف الضمان لكن راح ينقص يصير 500 ريال ..

لان الحد المانع 2001 ريال ..

وسلامتك