السلام عليكم

لاخاب من استخار ولاندم من استشار
انا ابغى شوركم جاني قبول نهائي في قوات الامن الخاصه وانا الان موظف على بند في كتابة العدل

رايكم بدون عنصريه او مجامله مع ذكر الأسباب
مانستغني عنكم طبعا راتب البند 3000 ريال وغير رسمي تنتظر مكرمه ملكيه بامر التثبيت ولاتدري متى سنه سنتين عشر سنوات الله العالم قوات الامن الخاصه وظيفه حكوميه عسكريه الرتبه جندي اول الراتب اول مربوط مابين 7500 ريال و8000 ريال

انتظر ردكم ..

بند ومدنيه ارحم من عسكريه لو راتبه 10 الاف
والراي لك

السبب البند طال عمرك الظهر عند اهلك وبليل مافي استلامات وخميس وجمعه اجازه تحس انك مدرس ^_^

الترسيم القادم مستحيل يكون قل 7 سنوات , الترسيم الأول 1426 والترسيم الثاني 1432 , العسكريه راتبك عد 7 سنوات فوق 11 الف , والمدنيه بعد الترسيم بعد 7 سنوات خدمه بالبند المرتبيه السادسه اول مربوط 6500 , نصيحه اذا تبي شوري لاتفوت العسكريه , وانت استخير والله يوفقك .

البند وحاول تكمل تعليمك وتاخذ بكالوريوس ممكن تترقى
أرحم من العسكرية
كل واحد بيعطيك رأيه هو بس أكيد إذا عندك مقدرة للعسكرية وتشوف
أنها مجال مريح لك
اقبل فيهاا تررى غيرك كثير أشوفهم هناا يدعون ويحلمون بهالوظيفة
بس مثل ما قلت لك يرجع للشخص نفسة

عن نفسي ما أبي العسكرية ولوو راتبهاا صك العشرين
كلموني أثنين زمان الظاهر عندهم واسطة ويقولون أنت وافق بس

بس كل واحد يقدم في المجال اللي يحبه مدري ليه قدمت انت مدام متردد
المهم لا تنسى تستخيرر



تحياتي

المدنية اطيب لك
راحة وصدقني الراحة تنشري بالمال
والله الراتب مو كل شي بالوظيفة
صح انه مصدر رزق لكن قليل وانت مرتاح افضل من كثير ومتبهذل
والمدني مستقبل افضل من العسكري
تطور نفسك بشهادات وتصير بمرتبة افضل
العسكرية لو تجيب لهم شهادة بروفيسور ما حسوا فيك ولادروا عنك
اكثر واحد قدم على العسكرية انا أي قطاع يخطر في بالك رحت وقدمت المباحث كانوا يزعجوني اتصالات ورحت ومع ذلك ربي ماكتبها لي والحين موظف استقبال راتبي 3 الاف ومرتاح واقول الحمد الله على ما كتبه الله لي
انصحك تطور نفسك بوظيفتك وان شاء الله راح يشملك الترسيم
موفق ان شاء الله

شخصياً لو انا بختار البند والشاهد الله، بس رأيي ونصيحتي لك تختار حسب شخصيتك اذا كنت شخص قوي وصبور وجلد وماعندك مشكله فأكيد قوات الأمن أفضل من ناحية الراتب أما اذا كنت ماخذ على حياة الراحه بعيداً عن العسكريه ومافيها فخلك عالبند.

اسال مجرب ولاتسال طبيب انا جربت العسكرية الحرس الوطني قسم بالله فصلت وللحين اعاني من النفسية بسببهم لحد الحين غير الكرف وقلت الحيا اخس قطاع وربي ويجونك مبزرة توهم معلقين النجمة ينافخون عليك شي يرفع الضغط وطق وطقيق انت والضباط وقومة من الفجر ولبس بدلة وتمارين وصفة وقلق وربي يشهد هال 7000 الي بتاخذها هم عارفين انهم بيحللونها صح ونصيحة اخ ابعد عنهم انا حنطي البشرة دخلتهم وانا حنطي فاتح قريب من البياض والله العظيم بعد سنة صرت اسود ودوامت وفصلت 3 مرات قلت يمكن القا مكان زين ولا لقيت كلة واسطات واخرتها بشرتي للحين سودة بسبب العسكرية لا ابشرك وطلع الشيب براسي من الهموم والتفكير والنفسية زفت وربي ابعد عن العسكرية وترا يقولون قوات الامن الخاصة اشد اشد بقوة بالتمارين والاهانات وقلت الحيا جرب اول اسبوع وتتذكر كلامي وعلى فكرة لاتفكر بالعكسرية ان ماكان على كتفك نجمة والله لو يعطونك ايش ان ماكانت نجمة يعني ضابط لاتقبل ولا راح تروح فيها من الافراد خصوصا الجندية هم اقل الرتب وكل من جا يتامر عليهم المساكين ولا لهم قيمة ولا احترام ابد

نصيحة خلك علي البند لين تترسم بعد العمر طويل والعسكرية قروشة واستلامات وهذي عند اهلك اشوف لو تجلس احسن لك وانت اشوف ايش ترتح له ولا تنسي صلاة الاستخارة

نصيحه خلك على العسكريه ما بتكلم من فراغ بفند لك النقاط المهم

١- العسكريه افضل من ناحية الرواتب وقطاعك ابطل قطاع مع المباحث
٢- العسكريه مافيها عمل اذا كنت اداري دوامك من ٨ الين ١ونص وانت طالع مع الباب ( خالي اداري بالقوات وهذا دوامه )
٣- المكافاه في الدوره ٤٩٠٠ ريال كل شهر واذا تخرجت يعطونك مبلغ وقدره تقدر تشتري في سياره او تحطه دفعه مقدمه على حسب رتبتك
٤- الخوه في العسكريه
٥- الانتدابات والفلوس الي فيها

الاخوان يتكلمون عن كرف وعن اشياء كل خوياي عسكر وخوالي والي اعرفه نادررر جدا تلقى احد يتشكاء وممكن فيه بس يكون صابط نفسيه

نجي للمدنيه
١- تقدر تسافر في اي وقت بس وش يسوي لك راتب طفسه ٣ الاف
٢- دوامك دوام حكومه
٣- ممكن يحصلك ترسيم واذا ترسمة بعد ٤ سنوات وصرت على السادسه اول مربوط ٦٢١٩
٤ - تقيمك من مديرك يعني ممكن تترقاء وممكن تلطع ماتترقاء بسرعه




اذا تبي نصيحة اخو ويبي لك الخير ادخل العسكريه وانت مغمض بس دورتها يبيلها رجال وانت كفو وقدها غيرك مو احسن منك ولا هو ارجل منك .. لاتقعد في البند عمرك كلها وراتبك مايسوى وعلى امل تترسم ولا لاااا ادخل القوات وترفياتها ماشي لان افرادها قليل حدود ٧ الاف عسكري صابط وفرد ..