الســـلام عليكم ورحمة لله وبركاتة ..

كيف الحال للجميع ...


شباب لابد تكون لنا وقفة ضد الشركات وأستغلالها لنا كشباب وشابات
كل الشركات تبي تستغلنا كاسعودين وتوظفنا برواتب لاتغني ولا تسمن من جوع مع حاجتنا للعمل والمراتب في المقام الأول فالشركات تدخل في خزائنها 10 الملاين ومئات الملاين والشباب السعودي يحصل على الملاليم !! ليش هذا التعامل من الشركات ضد شبابها ؟

بينما لو كان الموظف من " جنسية " لونها أبيض تشوف الميزات والرواتب الكبيرة والعلاوات والبدلات وشباب البلد عطهم 2000 أو 3000 مع خصم التأمينات وكرف في الدوام بدل 8 ساعات تصير 9 و10 و12 ساعة وبدون أوفر تايم والموصلات عليك والأكل .

والدولة تدعم وتشجع على توظيف الشباب والشركات تحصل على تسهيلات كبيرة من الدولة ولكن
لاحس ولا خبر من الشركات ويبون يوظفون السعودي بـ أخس الرواتب والميزات علشان يستغلون
تسهيلات الدولة من قروض وعقارات ودعم مادي ويقولون حنا نشجع الشباب السعودي !!

وأنتو تلاحظون في الفترة الأخيرة أغلب الشركات تتفق على راتب 3000 الى 3500 ولا بتعدى هاذين الرقمين طبعاً بدون خصم التأمينات وصارت الشركات تحتاج السعودي بشكل أكبر لذالك خلو الرواتب 3000 .

كلنا محتاجين للرواتب وللعمل ولكن لابد نوقف ضد هالشركات .

يخلي حكومتنا عندنا حافز نمشي علية لين الله يسهلها ..

لابد تكون لنا وقفة ضد هالشركات يانكون مثل " الجنسية البيضاء" أو ياشركات مانبي وظايفكم اللي شاطرين لغير ولد البلد وتبون الدولة تسهل عليكم وأنتو ماتبون تسهلون على عيال الدولة .

شباب مثل مقال راعي البيت / أما نكون اللي نبي والأعسانا مانكون

[align=center]
وعليكم السلام ورحمة الله وبركاته

المشكله ما بإيدنا شي نسويه !

وقفه كيف ؟ المشكله احنا محتاجين الوظيفه ولكن بعض الشركات تبي توظف سعودي بأعلى الكفاءات و أقل الرواتب


بقول لك انا كذا شركة قدمت ومعي دبلوم وبيعطوني راتب 4200 مع البدلات وخصم التأمينات !!

----------------------------------

و اللي مايبي يصدع راسه وهو يتكلم بيقول شوف لك أقرب قطاع عسكري قدم عنده وريحنا
---------------
حسبي الله على قطّاع الأرزاق
[/align]

أتعرف وش أكبر مشكلة المشكلة أن شبابنا ما يعرفون حقوقهم ولا يعرفون شئ تلعب عليهم الشركات بسهولة
مثل التامينات أو ما تتوظف تسجل في التأمينات وبعد ثلاثة اشهر تحسب في النطاق كموظف سعودي بعدها خلص ليس لهم حاجه فيك لذلك يبدون بالتسويف والطرد التعسفي تاخير الرواتب ولو تغاب مئة يوم ماطردوك وشغل تسليك
بل بعضهم يطقها بوجهك يقول عطني اسمك بالتأمينات وبعطيك كل شهر 1000 معنها اهم شئ اسمك يكون بالتامينات وتحسب كموظف وبعد كم شهر يسحب عليك ويماطل فيك ألين تمل منه غير كذا لا يهم لا شهاداتك ولا خبرتك ولا غيره للاسف !!!!!!!!!!!!!! لذالك يوظفن اي احد حتى المهابيل يوظفونهم
استغلال و استهزاء وشعل ما له سنع ابدا الله يخلف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

للاسف هذا الواقع ، انا جالس على حافز لي سنه ، الين يجي الفرج من عند الله ، 3500 غير خصم التامينات و بنزين السياره .

حسبي الله عليهم كل الشباب و البنات جالسن بسبب جشعهم ،

كل هذا من
1- الاجانب
2- بدون اقامات
3-و الي جاين عمره او حج و المتسترين
4- السعوده الوهمية علشان 1000 ريال يبيع اسمه و يحرم اوﻻد البلد و مستحقين .

حسبي الله ونعم الوكيل ...

و الله صدقت الاجنبي يعطوووووونه مميزات ما يحلم بها في بلده .. يدفعون اجارات سكنه و سيارة خاصة من الشركة تحت تصرفه و تذاكر بس يشتغل فقط..

هذي بلدنآ والخير لآزم يكون لنآ .. الى متى الواحـد يسكت عن حق من حقوقه




واتمنى لي ولكم التوفيق