وين موقعهم بالضبط
بذهباان

شباب أبي المعلومة الأكيدة من اللي له خبرة، الفحص الطبي أقدر أعدي منه لأن عندي بهاق؟
فهل يضرني؟

ياشباب عندي مشكلة ماهي مريحتني ان سجلت بيناتي في امن المنشات وحصلت عندي اخطاء في الستمارة ماادري احتمال يعقدون وضعي تكفون ردو علية مراجعتي يوم الاحد

يا شباب نصيحه الي انقبل يروح سوا عنده خطا بالعلومات او نا قص طول او وزن

والله اني طولي ما يساعد بس بتوكل على الله وبروح وموعدي بكره السبت بذهبان

واذا رجعت بالسلامه بقولكم وش صار معي لا احد يياس

الله يوفك تجي بلعلوم ازينه

باك عقب طرده والسبب الطول ناقص سانتي
انا ودي اعرف سانتي وش بيفيد ماغير يعقدون بالوظايف
انا الحمد لله حالت اهلي زينه عايشين بنعمه ولله الحمد لاكن انا احزن على الي ماعندهم شي
وش راح يكون مصيره لا تقفلت بوجهه الوظايف والسبب الطول والله شي يقهر قسم بالله

بقلكم وش صار لي بالضبط طبعا بذهبان المقابله كانت
اول شي نصف صف واحد يجيك واحد يتفلسف شايف نفسه مدري على وش وفي النهايه وكيل رقيب
طبعا يقلك جوال + دخان+ ولاعه + اذا عندك حاول توديها السياره ولا منت داخل ترون يفتشون بجهاز
بعد ما نتفتش من الجولات والدخان تدخل عند ثلاثه اشخاص يدورون على اسمك اذا حصلوه عطوك رقم تروح عند الي جنبهم يقلك طلع صوره شخصيه ويدبس لك الصوره + رقم يعطونك هوا
بعدها تروح لمركز محل الطول والوزن في اثنين ملازمين اولال وواحد نقيب
النقيب ملعون جدف الله لا يوفقه لا دنيا والا اخره
انا كنت ملازم اول مطوع ابن حلال يخلك تقيس الطول مره ومرتين ويحاول يزبطك ويسوالف معكم ويضخك
انا كنت بصف المطوع الله يوفقه دنيا واخره الي قدامي والله اقصر مني وانا اقول ببالي اذا مشي الي قدامي ان شاء الله اموري اوكي
قاس للقدامي عطاه 168 قبل ما يقلي تعال دورك النقيب ناد علي قلي انت تعال قلت انا عند المطوع قلي تعال
ورحت له قاس طولي طلع 167 قلت له تكفى حاول مره ثانيه قلي توكل على الله وسجلها 167 وانا قسم بالله منقهر تمنيت المطوع يقيس طولي حتى لو طردني والله انا عن نفسي اتقبلها لانه جاني باسلوب محترم ويضحك معي
بعدها تروح في صف عند اثنين يشوفون طولك ويحطون لائق او غير لائق انا جيب عند ملازم اول ابن حلال
قلي عندك الطول قلت الله يعوضني بخير قلي الله يوفقك وتاكد ان كان لك نصيب عندنا بتاخذه وقلي الله يستر عليك ويوفقك
طبعا تمنيت انه معي قلم اسود ابو 5 ريال والله كنت ناوي اعدل بالطول واحولها 169 لاكن سالت وما حصلت قلم
الي بكره موعده في ذهبان يحاول يروح عند المطوع ملازم اول مكانه بالنص ابن حلال
والي حاس ان طوله ما يساعد ياخذ معه قلم اسود ابو 5 ريال ويحط القلم بالفنيله عشان لاحد يشوفه ويشيلونه عليك بعد ما يتسجل الطول يقلك صف في ذاك الصف عادي انت خلك ذيب وحاول تعدلها قيدها خربانه خربانه والله اني كنت ناوي اخربها لاكن ما حصلت قلم
وهذا الي حصل معي اليوم
الحمد لله انا طالب بالكليه وتوني مخلص الترم الاول وشكلي بكمل فيها وبعد ما اتخرج بقدم على الوظايف العسكريه
اي استفسار انا حاضر
نسيت شي الملف الاخضر لازم اذا ما معك ملف ما راح تدخل انا عطيت ملفي واحد انكرش عشان ما عنده ملف
وبالتوفيق

نتائج الرياض وتبوك طلعت مبروك للمقبولين