17-10-2014, 05:43 AM
|
|
Guest
|
|
تاريخ التسجيل: Feb 2011
المشاركات: 2,891
معدل تقييم المستوى: 0
|
|
اقتباس:
المشاركة الأصلية كتبت بواسطة الجندي ركن
السلام عليكم ورحمة الله وبركاته
ابي اشرح لكم الدوره من بدايتها ( دورة الشرقيه ) ماادري عن دورة مكه .. في البدايه فترة الاستجداد 45 يوم تقضيها بالمركز دون خروج .. ويمكن تنقص عن الـ 45 يوم على حسب التوجيهات اللي تجي من القياده بالرياض .. حنا اخذنا 44 يوم .. الدوره تنقسم الى 4 سريات .. سريه اولى وثانيه وثالثه ورابعه .. وفي كل سريه 4 فصايل .. فصيل اول وثاني وثالث ورابع .. كل فصيل مبدئياً يتكون من 40 طالب تقريبا مع الايام بتكون فيه انسحابات من الطلاب او عدم مباشره .. كل فصيل له 3 مدربين 1 سعودي و2 باكستانيين .. الباكستانيين 1 مدرب رياضه والثاني مدرب مشاه .. في بداية الدوره تكثيف التدريبات الرياضيه عشان اللياقه .. وايضا فيه تدريبات المشاه بعد التدريبات الرياضيه اللي هي يمين در ويسار در وللوراء در واسترح واستعد وماشابه .. فترة الصباح تصحى قبل صلاة الفجر تقريبا بـ نص ساعه تتوضأ وتصلي وتنزل الميدان تاخذ حصتين رياضه هروله على الميدان واناشيد وحماس بالعربي مع الاناشيد والاغاني بتتحمس .. وبعدها فطور .. وبعد الفطور تاخذ تقريبا 3 او حصتين مشاه وبعدها يصرفونكم للكانتين اللي هو البوفيه ببسي وفطاير وكتكات وحركات .. وبعدها تتوضأ وتصلي الظهر .. وبعد الظهر الغداء وتروح للسكن يقولون لكم اعمال اداريه اللي تنظيف السكن بالعربي نوم لين صلاة العصر .. بعد صلاة العصر تاخذ حصتين مشاه وبعدها تصلي المغرب وتجلس بالمسجد لين صلاة العشا .. وبعد العشاء تتعشى وتروح للسكن ويقولون لكم اعمال اداريه .. وبعدها وضع النوم وهكذا لين تنتهي الـ 45 .. انتم الحين فترة الاستجداد اللي هي فترة الفرد الاساسي .. راح يعطونكم اجازه بعد الـ 45 على حسب التوجيهات وانضباط الدوره .. حنا عطونا 10 ايام اجازه .. بعد اجازة الـ 45 تكملون فترة الفرد الاساسي تقريبا شهرين وراح تخف عنكم التدريبات بالميدان .. بيكون بعد صلاة الفجر حصه رياضه وحصه مشاه وبعدها تفطرون وتروحون للتعليم مثل المدرسه بس مناهج عسكريه وفيه كتب للاسلحه وفيه حصص ميدانيه للرمايه وبيكون لكم حصه اسبوعيه للحواجز .. نهاية الفرد الاساسي فيه اختبارات الفرد الاساسي ( مافيه رسوب ) هي تحديد اقدميتك بالدوره .. وبعد الاختبارات فيه اجازه تقريبا اسبوع .. وبعدها تبدأ فترة التخصص تقريبا عموم الدوره تخصصهم واحد مثلنا ( فني دوريات ) وماعليكم من التخصص لانه مالها شغل بالتعيين .. التخصص يختلف عن تدريبات الفرد الاساسي بتتغير المناهج بالتعليم .. راح يكون لكل طالب سلاح خاص فيه وفيها تدريب لاوضاع السلاح ( جنبك سلاح وابطاُ سلاح ووارضاً سلاح والاستراحه والاستعداد بالسلاح ) .. وعالياً سلاح للجزاء هههههههه .. فترة التخصص تقريبا 4 شهور ويمكن بنص التخصص تبدأون بروفات التخرج مثلنا .. نهاية التخصص فيه اختبارات ومافيه رسوب .. وبعد التخصص خلاص مافيه تعليم تنزل حصص ميدانيه وتكملون بروفات التخرج .. ملاحظه : عموم الاختبارات مافيها رسوب واختبارات سهله كلها خيارات وصح وخطا وتقريبا مثل اختبارات قياس والقدرات تلوين الدوائر بقلم رصاص .. الدوره مهما تعبت فيها تبقى سهالات والتعب تنساه .. اهم شي ماتنفّس وطبق اوامر المدرب بدون نقاش .. لان اذا ناقشت المدرب احتمال يكون فيه حجز يوم او اسبوع او يكون فيه جزا وطوابير اضافيه وانت في غنا عن هالاشياء ..
نصايح : بعد تسليم الدفتر الاخضر يعطونكم ورقة الطلبات .. اي شي يطلبونه ادبله .. مثلا طلبوا منكم 6 شرابات عزكم الله جيب معك 12 شراب وحاول تكثر قدر المستطاع .. والجزمات عزكم الله جيب معك جزمه خاصه بالجري وتكون اصليه لاني عانيت من هالمسأله .. وكل واحد يجيب معه على الاقل 4 بجامات لانكم بتدخلون في الشتا ويكون الجو بارد .. اما بجامات النوم اللي بيطلبونها لونها ازرق .. لبس التحضير بيكون اخضر فنايله خضراء وسروال اخضر وقبوع اخضر .. نصيحه قبل تدخل الـ 45 جيب معك على الاقل 4 فنايل خضر واربع سراويل خضر .. لاتجيب معك السروال الابيض العادي لانك ماراح تحتاجه
راح اذكر لكم المدربين اللي تعاملت معهم والله يبيض وجيههم كان تعاملهم معنا تعامل رجال
كنت انا بالسريه الاولى الفصيل الاول
مدربي المدرب علي سالم العلوي الله يبيض وجهه ويوفقه
وفيه مدربين من الفصايل الاخرى مثل المدرب علي ناصر قرامش , المدرب علي ناصر الغامدي , المدرب محمد الثقفي . المدرب احمد القداح . المدرب طارق البدري , المدرب عبدالرحمن الزهراني , المدرب زايد السبيعي , المدرب فارس الزهراني , المدرب علي الخثعمي , الرقيب الذوادي , مدرب الرمايه المدرب عواد الرشيدي , وفيه مدربين تخصصهم الصحه والعيادات مثل نايف الادهم الشمري , صالح دوخي الشمري , ماادري اذا نسيت احد ..
كل الاسماء اللي ذكرتها وقفوا معنا وقفة رجال الله يوفقهم ويرزقهم
الباقين مااقول انهم مو كويسين لكن انتبهوا منهم
لكن ياشباب مهما حسيت ان الدوره صعبت عليك لاتفكر بانك تنسحب او تفصل لان والله الدوره سهالات .. شوية صبر والامور تسهل عليك .. والله الله بالصلاه والدعاء بالتوفيق
الله يوفقكم وييسر اموركم |
كفيت ووفيت ماقصرت
والله يوفقك في دينك ودنياك
لاكن ابي توضح لي نقطه
بعض المدربين مو كويسين من ناحيه اوامرهم في التدريب
|
العرض العادي
