قدني وانا أشعلك .. ثالث نبض .. وأوّل سما .. ..
.. يا حلم يتشاطئ بعيني حنين و أموج*

أبكيك .. والدمعة اللي عاد ما تنهما ..
.. .. .. .. ترقا من القلب واللوعة تشد العروج ..!

من قلط الياس محّاره لـ فال الطما*
.. .. .. .. وأنا اشيّد على هامش رماله بروج

وانسى اغاني الغياب شوي وألعب بما
.. .. .. .. وآخذ عن الناس كل الناس لحظة خروج

وادخل لذكراي حزني وانتمائي لما :
.. .. .. .. ينبت أماني على قضبان سجن الهروج ..

عن مسحةٍ من جنون وبحةٍ من ظما
.. .. .. .. كنت آهب خطاي صمتي والمسافات هوج

وش عاد يمنع عيوني عن حدود العما /
.. .. .. .. كان الرجا مات وانهال اليباس اللجوج ..!؟

كان المسا سال ، والشمعة طفت وارتما : ،
.. .. .. .. حزن البدايات ، لـ آخر عنفوان النضوج

والريح تركض بدمّي .. والدرايش زِما
.. .. .. .. وتحرّض العمر وأوراقي لهجْر الدروج ..

يتصاعد الياس / والذكرى تشب الحما
.. .. .. .. تشعلني أحباط،وتشظ الخفوق : وتروج

بشويش حتى الاقي كل بوحٍ نما ..
.. .. .. .. يتموسق الليل : همهمته مقاطع هزوج

وشلون هذا الشتات يصير مرفا دِما
.. .. .. .. في ذاكرة من جحيم وصورةٍ من ثلوج ..!

روزنامة ظلال ، تتساقط ، اسامي دُما
.. .. .. .. في قافلة موت ما للصبْح نيّة بلوج ..!

يا آخر الوهج ، وآخر نبض ، وآخر سما
.. .. .. .. طفيت هالضي ، واستقدحت ظلما خروج




[ الجازية ]

شكرآآآآ

عفواً

قصيدة رآئععةة
وانتقآء موفق ومميز
تقبل م ـروري

××

×

أبدعت,,,,,
,,,,,,,وتألقت
سلمت لنا يمناك على كل حرف خطته,,,