السلام عليكم ورحمة الله وبركاته
اخواني اخواتي انا فتاة ابلغ من العمر 28سنه اتممت في تعليمي ثاني ثانوي واوقفته لضروف ماديه اقدمت علي حافز واعلت منه امي وابي وانقطع عني الان فارجوكم اريد اي وضيفه تسد احتياجي ارجوكم انني لاريد ان امد يدي لحاجة انا من المدينه اريد وضيفه وموصلات ارجوكم انا اعيل ابي وامي اغيثوني

الله يرزقك ان شاء الله من واسع فضله

بمى انك في حافز ، وشرايك تسوين لك سيرة ذاتيه كذا حلوة

ولو تبين مساعده باساعدك فيها باساسياتها وتحطينها في ميموري او فلاش

واذا حافز مو متصلين عليك ، تمرين مكتب طاقات النسوي بالمدينه عندكم


وتقولين لهم انهم ما اتصلوا عليك ومن الكلام هذا والناس توظفت وانتي ماتوظفتي وتبين وظيفه

وباذن الله تطلع لك وظيفه حلوة مؤقته تمشين فيها حالك ولو عندك بعد امكانيه تكملين السنه الاخيره

وتاخذين الثانويه وانتي على راس العمل ،، وخليه في بالك الشركات صحيح بالبدايه تطلب شهايد معينه

بس لمن يعرفون الواحد جاد في عمله وعنده خلفيه عن الوظيفه وطبيعتها ترا يستغنون عن الشهاده

بغض النظر عن الخبرات ..


روحي مركز طاقات وباذن الله تدعين لي

هذا موقع طاقات للتوظيف الالكتروني التجريبي

فيه وظيفتين هناك

الاولى : اخصائية مكياج او شعر ، ومو محددين شهادة والراتب يبدا من 3000 لين 4000 الاف

وتقريبا له 9 ايام من يوم نزل الاعلان هذا عن الوظيفه


الثانية : موظفة أرشيف وايضا الراتب يبدا من 3000 لين 4000 الاف وطالبين الشهاده المتوسطة

وهذا الاعلان له تقريبا شهر وشوي ، والمقصد من الوظيفه الثانيه الي قلت لك عنها

دايم الشهاده ماتكون شرط اساسي بالوظائف بالقطاع الخاص قد مايكون انه الشخص جاد بعمله وفاهم


وهذي الوظفتين كلها عن طريق مركز طاقات والاكيد فيه وظائف غيرها عندهم كثير


أن نويتي تروحين لمركز طاقات النسوي قولي لي وراح اعلمك ايش تسوين

الله برزقك

ادعي الله تالي الليل وباذن الله ربي يساعدك في خدمة والدينك
وماراح ننساك من الدعاء ربي يرزقكك

اشكر لكم هذا المرور أخي سعودي مرجوج ارجو منك ان توضح لي ان يقع هذا المركز وهل يوجد عندهم مواصلات حيث استطيع الذهاب والاستفسار جزيت خيرا

والله مدري وين موقعه في المدينة مو من سكانها انا

لكن بابحث لك ان شاء الله عن موقعه ، واعلمك